Макияжды қалай жақсартуға болады

Айқын еріндерді, түрлі-түсті смоки немесе драмалы сызықтарды қаламайсыз ба? Табиғи сұлулықты көрсеткің келеді! Саған «макияжсыз макияж» стиліндегі бейнені жасайтын бес тәсілді ұсынамыз.

1. ТАЗА ПАРАҚ

Бірінші, макияждан емес, күтімнен бастаймыз. Теріні табиғи жылтыратып тұратын ең жылдам тәсіл – бұл дұрыс қабыршақтандыру. Сорғыш коньякку спонжына сүйікті түлеткіштің кішкене бөлігін құйып, бет және мойын терісін жұмсақ айналмалы қозғалыспен тазалап шық. Қалғанын салқын сумен жуып таста. Бет терісіне арналған майдың бірнеше тамшысын алып, ылғалды теріге ұрғылай отырып шапшаң жақ – бұл ылғалдың тері ішінде «сақталып» қалуына әсерін тигізеді және тамаша ылғалдандырады. Сарысуды және көздің айналасындағы теріге арналған кремді қос. Бет терісіне арналған сүйікті креміңді, праймер және тонды араластыр, жақ та уқала — макияж жасауға арналған мінсіз негіз дайын!

2. НАҒЫЗ ЖЫЛТЫР!

Жылтыратып тұратын тері тренді өз ұстанымын жоғалтпайтын тәрізді. Осы уақытқа дейін қолға алмаған болсаң, бұл трендпен достасып алуға кеңес береміз. Табиғи жылтырақтың орнынан майлы жылтырақ болып кетуінен қорықпа — хайлайтердің бір тамшысы терінің стратегиялық маңызды аймақтарында саған пайдалы болады.

Жарық шағылыстыратын консилерді алып, бет сүйегіне, маңдай мен иектің ортасына, мұрынның қырына, үстіңгі еріннің қанатбелгі тәрізді көтеріңкі тұсына жақ. Көз астындағы күңгірт дақтарды жасыр: алдымен әлдеқайда тығыз корректорды көздің астыңғы аймағына толықтай жағып, сосын саусақ ұшымен сол жеңіл консилерді ең қошқыл тұстарына жұқалап тегісте. Үстіне азғана ашық түсті жылтырақ қос – сене алмайсың! – бұл сәуле шағылысы әсерін күшейте түседі. Осы түстерді беттің жақ қырларына жағып өт.

3. МАҒАН ҚАРА

Бүкіл әлемнен екеуі бірдей болатын жұп көз таба алмайсың — неліктен олардың бірегейлігін ерекше етіп көрсетпеске? Міне, бірден бірнеше ұсыныс — образ бен көңіл күйіңе қарай таңда.

  • Ылғалды қабақ әсерін арнайы жұмсартатын Tender Care құралы арқылы жаса — мұндай тәсіл көзқарасты одан әрі мәнерлі ете түседі
  • Қабаққа ашық түсті кремді қабақ бояуларын жақ және күңгірттендір.
  • Байсалды түстерді қалайсың ба? Қабақты толықтай кез келген табиғи түспен боя, көз қиықтарын ақ түсті қарындашпен және жылтырақты қабақ бояуларымен айрықша көрсет.
  • Драма қосамыз ба? Біршама күңгірт түспен жеңіл smoky eyes, мысалы сұр түсті.
  • Тағы быраз айқындылық керек пе? Жоғары және астыңғы кірпіктер арасын сұр немесе қоңыр қарындашпен жүргізіп шық.

Маңызды: макияждың қандай түрін таңдасаң да, ол түске сенің қасыңды бояу тәсілің үйлесетініне сенімді бол. Табиғи бейнеге қол жеткізу үшін олардың жеңіл әрі үлпілдек болуын қадағала, драмалық бейне үшін айқын сызықтар пайдалан.

 

4. ТҮСТІК ТЕРАПИЯ

Еріндегі градиент әсері немесе омбре терінің түсін айқындауға көмектеседі және қосымша жылтырақ әсерін береді. Сенің теріңнің түсімен үйлесетін ерін далабын таңдап ал: ашық түс үшін қызғылт-сары немесе шабдалы түсті, орташа және қоңыр түске қараторы түске мүкжидек немесе маува түсті және қараторы тері түсіне қоңыр немесе қоңыр қызғылт түсті таңда.

Келесі міндет — түстің алмасу әсерін көрсету (бастамас бұрын бейнесабақтарды қарап шық). Төменгі еріннің ортасына аздап далап жақ, оны еріннің шеттеріне қарай бояп жақ. Ол үшін мақта таяқшасын немесе саусағыңның ұшын пайдалан, осылайша түсті алмастыру оңайырақ болады. Үстінен тұнық жылтырақ жақ. Вуаля!

5. БЕТТІҢ ҚЫЗЫЛЫ

Бет далабы бейнеңе бірден балғындық пен табиғи жылтырау береді, көз алдыңда бет пішінін өзгерте отырып, оны мүсіндеуге көмектеседі. Бет далабы типін таңдауда өзіңе шек қоюдың қажеті жоқ: олар құрғақ, ашық түсті немесе домалақ болады, өзіңе ыңғайлысын таңда.

Дұрыс түсті қалай таңдауды білмейсің ба? Ерін түсіне сүйен. Тағы да оңайлата түсейік: ашық түсті теріге қызғылт түс, сары түсті теріге шабдалы түсі, қошқыл теріге қызғылт-қоңыр түс әрқашан үйлесімді. Оларды беттің күн түсетін қырына жақ: бет алмасы, маңдай, иек және мұрын қыры.

Жеңіл бет далабының әсерін қалайсың ба? Сәуле шашып тұратын бөлшектері бар жылтыр бет далабын қолданба. Барлығын немесе ештеңе дейсің бе? Сарғылт тәрізді ашық түсті таңда және оған хайлайтер қос. Олар бірлесіп тамаша әсер береді!

Мәтін: