1. ТАБЫСТА
Өзімізді қаншалықты супер батыр сезінсек те, барлығына үлгеру мүмкін емес. Табыста - бұл сені мерзімі өтіп кеткен дедлайндардан, күйзелістен және жұмыстағы қарбаластан немесе көптеген үй істерінен құтқарады. Үйіңнен баста: балаларыңа тамақты қалай дайындау, үйді қалай жинау керектігін немесе өз бетінше ұйқыдан тұруды үйрет. Ал жұмыста тапсырмалардың бір бөлігін қызметкерлерге табыста. Мұндай жаңа дағдылардың сізге де, оларға да пайдалы екені сөзсіз.
ҮЛГІ АЛ
Сергей және Галина Гаглоевтар, жеке кәсіпкерлер
«Біз 18 жыл бойы біргеміз, осы уақыт ішінде үш баламыз және отбасылық бизнесіміз бар. Біздің отбасылық дағдымыз - кез келген жағдайда күлімсіреу, келісімге келу мен түсіндірудің қаншалықты маңызды екенін көрсету. Бір сағаттық бос уақытыңызды кітап оқуға, отбасылық серуенге, айна алдындағы сүйікті әуенге билеуге немесе жай ғана тыныштықта дем алуға арнаңыз».
2. КОМАНДАҢА ҚОЛДАУ КӨРСЕТ
Адамдардың барлығы қателеседі, бұл қалыпты құбылыс. Қатесіз оқу және даму мүмкін емес, осындай қателіктердің арқасында біз өз бейнемізді қалыптастырамыз. Командаңа өз бетінше шешім қабылдауға және осы шешімдеріне жауап беруге мүмкіндік бер, әрқашан кері байланыста бол - теріс болсын, оң болсын, ынталандырып отыр.
ҮЛГІ АЛ
Альбина және Ирек Хафизовтар, жеке кәсіпкерлер
«Біздің төрт баламыз бар. Барлығына үлгеру мүмкін емес, бірақ баланс тауып, басымдықтарды орын-орнына қоюға, жақсы атмосфера мен дұрыс орта қалыптастыруға болады. Балаларымыздың жеткен жетістіктері мен бизнес серіктестеріміздің адалдығы біздің басты мақтанышымыз».
3. ЖОСПАРЛА ЖӘНЕ ШЫНАЙЫ МАҚСАТТАР ҚОЙ
Бизнесіңді не үшін жасайсың? Оған не түрткі болады? Бір жылдан кейін сенің өмірің қандай болады? Ал сенің командаң ше? Егер ұзақ уақыт бойы жауабын таба алмасаң, ол туралы ойлануға уақыт тап. Егер шынайы мақсат қоя білсең және нәтижесінің қандай болатынын түсінсең, барлығы оңай болады.
