Хайлайтер: жасауды тоқтату қажет төрт қателік

Стробинг пен контурингтің танымалдылығы арқасында хайлайтердің сатылымы рекордты көрсеткіш көрсетуде. Алайда оны дұрыс пайдалану кез-келген адамның қолынан келе бермейді. Біз саған гуру макияжды бастайтын төрт қателіктің тізімін жасадық және одан қалай қашып құтылуға болатындығын айтып береміз.

1. ДҰРЫС ТАҢДАЛМАҒАН РЕҢК

Хайлайтерлер терінің әрбір түсі үшін жасалмаған. Сенің теріңнің түсімен үйлесетін реңкті пайдаланып отырғаныңа көзіңді жеткіз, және сенің бетіңе үйлеспейтін реңкті қолданбауға тырыс. Егер де сенің теріңнің түсі орташадан қошқылға дейін түрленетін болса, онда сарғыш-шабдалы түстес реңктен қола түстес реңкке дейін таңда. Сенің терің ашық түсті ма? Барынша ашық түсті реңктерге назар сал, мысалы, піл сүйегі реңктес.

2. ДҰРЫС ЖАҚПАУ

Кремді хайлайтер қолданасың ба? Онда макияж үшін қосымша құралдар қажет болмайды, онымен терінің түсі тегіс болып көрінбеуі мүмкін. Дұрысы хайлайтерді алақаңында жылытып ал да, жарқыратып көрсеткің келген жерге ұқыпты етіп жақ. Сұйық хайлайтерді опалы негіздің үстіне қолданғың келе ме? Олай жасама. Негіз теріде біртекті емес болып көрінетін болады! Опалы негіздегі хайлайтерлерді немесе сұйық тональді негіздерді қарап көруге кеңес береміз. Құралды жағу кезінде жиі кездесетін тағы бір қателік – төзімсіздік. Сұйық тональды негіздің үстіне сұйық хайлайтер қолданған кезде, екеуінің де әбден сіңуіне мүмкіндік беру маңызды, тек содан кейін ғана макияжды бекіту үшін түссіз опаны пайдалану керек.

3. БАСҚА ЖЕРГЕ

Хайлайтер сенің бетіңді көзбе көз жалпақ етіп көрсетуі мүмкін, егер сен оны жағуға тиісті емес, орынсыз жерге жағатын болсаң. Хайлайтерді бетіңнің барлық жеріне жаға отырып, сен қажетті әсерге қол жеткізе алмайсың, және де жағылуы тиіс жерден төменірекке жағатын болсаң, шаршаңқы түрге қол жеткізесің. Хайлайтер жағуға лайықты жерлер – жақ сүйек, мұрын немесе үстіңгі еріннің үстіңгі бұрышы.

4. ӨТЕ КӨП

Беттегі жарқырататын құралдың артықтығы сенің бейнеңе нәзік жарқыраудың немесе жеңіл жылтырақтың орнына өлі көмескі күңгірттік береді. Есіңде болсын, хайлайтер теріні көмескілендірмей, жарыққа тосқауыл қоюы және теріге балғындық беруі тиіс.

Қанша алу қажет? Бұл сұрақтың жауабы ауа-райына байланысты. Далада жұмсақ әрі жайбарақат шуақты күн болса, батыл түрде әдеттегіден де айқын макияж жасай бер. Алайда күн жарқырап тұрған кезде хайлайтерді барынша азырақ пайдалануға тырыс. Біздің кеңесіміз: өзің күні бойы қандай жарықтандыру деңгейінде боласың, соншалықты көлемде хайлайтер жақ (Мысалы, егер де сен күні бойы таза ауада жүретін болсаң, макияжды жуынатын бөлмеде емес, жарық басқаша түсетін терезе алдында тұрып жақ). Сонда өте айқын макияждан абыржу орын алмайды. 

Мәтін: Фото: Anna Mårtensson, Oriflame brand images

Shop This Story

Ұқсас мақалалар