Үйдегі спа: өзіңді еркелетудің жеті тәсілі

Кіріспе: Егер демалысың аяқталып, адедлайндар мен қатаң есептіліктер енді басталса, уақытылы босаңсып тұру баптану емес, өмірлік қажеттілік.

ҚАЖЕТ ЕМЕСТІҢ БАРЛЫҒЫН АЛЫП ТАСТАУ

Буланған тері скрабтар мен пилингтерді өте жақсы қабылдайды. Егер монша процедураларына дейін денеге арналған құрғақ щетканы қолданатын болсаң, эксфолиация нәтижесі керемет болады - бұл лимфаны таратып, ісікті кетірудің тексерілген тәсілі. Ал душ алдында құрғақ щеткамен жүйелі түрде уқалау целлюлиттен арылуға көмектеседі және теріні тегіс әрі серпімді етеді. 

МУЛЬТИТАКСИНГ

Ваннаға жатар алдында шашыңа сүйікті майларыңды, ал бетіңе балшық маскасын жақ. Бастысы - барлығын алдын ала дайындау. Бір СПА-күнде бірнеше бьюти-тапсырманы орындау мүмкін болса, уақытты бос шығындаудың не керегі бар?

ІШТЕГІ ТЕҢІЗ

Біз теңізге барған кезде көбінесе күшіміздің толысқанын, иммунитетіміздің нығайғанын, шашымыз бен тырнақтарымыздың жақсарғанын байқаймыз. Бірнеше айға энергия жинап келгендей боламыз. Жақсы жаңалық - үйдегі теңіз тұзы қосылған ванна да осыған ұқсас әсерге ие. Үнемді әрі тиімді: тұз созылмалы шаршағыштық әсерін басып қана қоймай, бірқатар ауруларды емдеуге де көмектеседі.

СУ ТҮРІ

Егер сенің аумағыңдағы су өте кермек болса, суды жұмсартуға және терінің құрғауының алдын алуға қабілетті арнайы құралдарды қолдан. Мұндай құралдар көпірмейді, олар жай ғана еріп кетеді және ваннадан шыққан кезде терің лосьон қолданған кездегідей тегіс әрі ылғал болады.  

НОТА БОЙЫНША

Күйзеліске жан-жақтан әсер ет: иіс сезу мен есту қабілетін де еркелетіп қоюға болады! Хош иісті шырақтарды немесе хош иісті таяқшаларды дайында, телефоныңа лаунж стиліндегі бірнеше босаңсытатын трек көшіріп ал. Мұндай фон сені лезде кез келген жағдайға бейімдейді.

ЭФИР МАЙЛАРЫ

Ваннаға бірнеше тамшысын тамызса, су бетінде жай ғана қалқып жүреді. Өзің жақсы көретін майдың бірнеше тамшысын бір уыс теңіз тұзына тамызып, бірнеше минут күт, содан соң оны суда еріт.  

ШӨЛДЕУ КҮРЕС
Егер ыстық ваннаны жақсы көрсең, буланған терінің кепкен кезде ылғалды көп жоғалтатынын ұмытпаңыз. Сондықтан ыстық ваннадан, пилингтен және басқа да процедуралардан кейін денеге толықтай ылғалдандыратын немесе нәрлендіретін құрал жағу қажет. Бұл теріңнің құрғақтығына және маусымға байланысты жеңіл крем және қаныққан крем-май болуы мүмкін. Жылдың салқын мезгілінде барынша тығыз текстураларды таңда.

Фото: Oriflame