Мата маскасына ғажайып жасатуға көмектесудің 7 әдісі

Мата маскаларының әсерін көрмейсіз және неге бәрі масаттанып жүргенін түсінбейсіз бе? Анықтайық! Үйде жасайтын сұлулық салтына қатысты біздің чек-листімізге еріп, нағыз сиқыршылыққа ие болыңыз.

Қалташадан шығарып, 15 минутқа қалдырыңыз, алып тастаңыз – сонда теріңіз 8 сағаттық ұйқыдан немесе теңіз круизінен кейінгідей жарқырай түседі. Матадан жасалған маскаларды қарапайымдылық пен жылдам әсері үшін жақсы көреді, олар жоғары концентрациядағы белсенді ингредиенттерге бай. Қарапайым ережелерді сақтаңыз, сонда олар жүз пайызға әсер береді.

1. Теріңізді тиісінше тазалаңыз

Ия,  бетіңізге маска таңып, сүйікті телехикаяларыңызды қойып ап, диванға тезірек жата қалғыңыз келетінін білеміз. Макияжыңызды жуып тастадыңыз ба? Асықпаңыз! Бетіңізді сүйікті геліңізбен немесе көбікпен жақсылап жуыңыз, конняку спонжын немесе щетка қолданыңыз. Ең дұрысы, теріңізді скрабпен уқалаңыз немесе буға ұстап жұмсартыңыз. Тері тесігін өлі жасушалар мен себумнан тазарту өте маңызды. Осылайша, белсенді ингредиенттер тереңірек енеді.

2. Қолыңызды жуыңыз

Маска салынған сашені ашпас бұрын, қолыңызды жуып алып, кептіріңіз – антибактериалды сабынмен жуғаныңыз дұрысырақ. Тек елестетіңізші, сіздің алақаныңыздан жұққан микробтар бет пен мата қабаты арасында ылғалды қоректік ортада жарты сағатқа қалса! Әрі кетсе маска әлсіз әсер береді – бірақ бөртпелер, тіпті аллергияға әкелуі мүмкін.

3. Масканы бетіңіздің бар жеріне жайыңыз

Бетіңізде мата жиналып, иегіңіз тіпті ашылып кетті ма? Шыдамды болыңыз да тегістеңіз: маска беттің бүкіл жерін жауып, мүмкіндігінше тығыз жабысуы керек. Дәл сол себепті сіз бір жерде отыруыңыз керек, ал жатқаныңыз дұрыс – егер маталы маска үнемі жылжып кете берсе, бетіңіздің бойымен қозғала берсе немесе ажырап кете кетсе, онда масканың ешқандай мағынасы болмайды. Жай ғана босаңсыңыз: бұл сізге заңды түрде берілген релакс сәттеріңіз.

4. Уақытты бақылаңыз

Маска бетте кеуіп кетпеуі керек – кейбір компоненттер терінің бетінде буланып, құрғақтық пен тітіркенуді тудыруы мүмкін. Нұсқаулықта 15 минут деп айтылған ба? Маска қаптамадан жаңа шыққандай әлі ылғал болса да алып тастаңыз.

5. Кейін бетіңізді жууға болмайды

Маталы масканың қанықтырылған формуласының фишкасы – оны міндетті түрде терінің бетінде қалдыру керек: осылайша сіз оның құрамындағы белсенді ингредиенттерден максималды нәтиже аласыз. Егер сұйықтық ұзақ уақыт бойы сіңсе немесе қолайсыздық туғызса, артық дымқылды майлықпен алыңыз.

6. Маскамен шектеліп қалмаңыз

Егер бүгін сіз маска жасауды шешсеңіз, бұл сіздің теріңізге күтім жасаудың барлық қадамдарының орнын ауыстырады дегенді білдірмейді. Тазарту туралы бұрын айттық, маскаға дейін тоник жағылады, ал сарысу – кейін және қалауыңыз бойынша. Бірақ бет пен көз айналасындағы теріге арналған кремдер міндетті түрде қажет! Оларды маскадағы сұйықтық сіңгеннен кейін қолданыңыз – осылайша сіз белсенді ингредиенттерді терінің ішіне еңгізесіз.

7. Жыл мезгіліне қарай және теріге қажетінше ауыстырып тұрыңыз

Сіздің сүйікті маскаңыз теріңізді жұмсақ, нәрленген, серпімді ететініне, жақсы көңіл-күй сыйлайтынына әрі жылдық есеп жасайтынына сенеміз. Бірақ жыл мезгіліне, климатқа және тіпті етеккір циклінің фазаларына байланысты терінің қажеттіліктері өзгеріп тұрады. Таңдап тұрудың қажеті жоқ: бәрін бірақ алып, терінің жағдайына қарай ауыстырып тұрыңыз.

Нені сынап көруге болады?

Біз сенімдіміз: мата маскасын қолданатын сәт әрқашан және барлық жерде! Әсіресе, егер жарқын қаптама және шырынды жеміс хош иісі болса. Сізде қиын жұмыс аптасы болды ма? Спа-қызойнақтың уақыты келді! Апельсин мен сұлы қосылған Love Nature жаңартатын маскасын жасаңыз – бұл шаршау белгілерін азайтады, қарқынды ылғалдандырады және терінің жылтырын қалпына келтіреді. Сіз армандаған сапар шегейін деп отырсыз ба? Өзіңізбен бірге антиоксидантты маска алыңыз. Жүзімнің табиғи сығындылары теріні қалпына келтіруге және агрессивті орта: күннен, желден, құмнан, құрғақтықтан қорғауға көмектеседі. Күнделікті өмірдің жылдам ырғағын тоқтатып, 15-20 минуттық релакс алғыңыз келсе, кез-келгенін қолданыңыз – тері үшін нағыз бақыт!

Мәтін: Фото: Oriflame