Күйзеліс терінің тітіркенуіне, беттің реңсізденуіне және тіпті әжімдердің пайда болуына себеп болуы мүмкін. Сен рең беретін крем, корректор жағуың, көп су ішуің және тіпті фастфудты мүлдем ұмытуың мүмкін, бірақ жағдай өзгермейді.
КҮЙЗЕЛІС ТЕРІГЕ ҚАЛАЙ ӘСЕР ЕТЕДІ?
Ең негізгі себепші - кортизол. Біз күйзеліске ұшыраған кезде денемізге қауіп төнгендей болады да, ол кортизол гормондарын шығару арқылы әрекет етеді. Бір қарағанда қорқынышты жағдай емес, бірақ уақыт өткен сайын кортизол себумды көп бөлетін май бездерінің жұмысына әсер етеді. Бұл өз кезегінде безеудің пайда болуына себеп болуы мүмкін - мысалы, маңызды емтиханның, жиналыстың немесе кездесудің алдында. Ұзаққа созылатын күйзеліс себум бөлуді ұлғайтып қана қоймайды, сондай-ақ терінің қалпына келтіру қабілетін нашарлатады, коллаген мен эластин бөледі және тіпті мимикалық және терең әжімдердің пайда болуына әсер етеді. Оның үстіне, күйзеліс терінің қорғаныс функциясына әсер етеді және қоршаған ортаның жағымсыз әсері алдында оны айтарлықтай осал қылады.
ЕНДІ НЕ ІСТЕУ КЕРЕК?
Бақытымызға орай жағдайды өзгерту мүмкіндігі бар. Біріншіден, күйзелістің себебін анықта. Екіншіден, онымен қалай күресетініңді ойластыр. Медитация, йога, тыныс алу - осы және басқа да тәжірибелер жағдайды қалыпқа келтіруге көмектеседі. Шырақтар жақ, бетке арналған маска ки және жылы ванна қабылда. Өзіңе уақыт бөліп, демалуды үйрен.
