Сіз жақын күндері біздің «Сұлулық өмір салты тәрізді» атты жарнама ролигімізге түстіңіз, сізге роликтің басында Екатерина Гусева қоятын сұрақты қойғым келеді. Сіз үшін сұлулық дегеніміз не?
Мен үшін сұлулық – ішкі және сыртқы дүниеңнің теңгерімі. Әдемі қыз – ол өзінің сыртқы келбетіне ғана емес, сонымен қатар өзінің ішкі күйіне де сенімді адам.
Сіз өзіңіздің өміріңіз бен өз келбетіңізді түбегейлі өзгерте алдыңыз. Бұл қалай болды, сізге қозғау салған түрткі не нәрсе?
Мен бала кезімнен басқалардан толық болдым, және түптеп келгенде мен бала кезімде өзіме толықтай көңілім толатын. Бірақ уақыт өте келе айналамдағылар маған түрлі лақап аттар таңа бастады, және тамақ мен үшін құтқару тәсіліне айналды. Менің салмағым ең қорқынышты санға жеткен кезде – менің салмағым жүз килограммнан артық болатын – маған моральдық тұрғыдан ғана емес, дене бітімім тұрғысынан да қиынға соға бастадым. Киім таңдау қиын, өзіңді ыңғайлы сезіну қиын, сосын мен көп күлмейтін болдым. Яғни мәселе сыртқы келбетімде ғана емес, мәселе мен өте қызықсыз, достасқым келмейтін және позитивті адам болып шыққанығымда болды. Мен арықтадым, мен оны қандай да бір ерлік деп есептемеймін – мен қазір де олай деп санамаймын. Мен оны ең бірінші кезекте өзім үшін жасадым, қайтадан ішкі және сыртқы дүниемнің арасындағы теңгерімде өмір сүру үшін жасадым. Өйткені, егер де сен өзіңнің сыртқы келбетіңе көңілің толмаса, онда өзіңмен жарасымда, келісімде болу өте қиын.
Содан кейін не болды? Басқа адамдарға көмектесе алатындығыңызды қашан түсіндіңіз?
Содан кейін мен өз басымнан өткен оқиғаны бір әйелдер блогына салдым, ол сол жерде үлкен танымалдылыққа ие болды. Маған сұрақтар қоя бастады, қарым-қатынас жасағылары келді, сонда мен өзімнің адамдарға пайдалы бола алатындығымды түсіндім. Мен сұрақтарға жауап беріп жүрдім, содан кейін Ютуб қалай жұмыс істейтінін білдім, кейіннен Инстаграм пайда болды – мен өзімнің басымнан өткен оқиғаммен және кеңестеріммен бөлістім, оның танымалдылыққа ие болғандығы соншалық, тіптен мені жарнама ролигіне түсуге шақырды.
Бір ауыз сөзбен айтқанда, өз миссияңызды қалай атар едіңіз?
Мен адамдарды әдемі етемін. Бұл менің жұмысым: менің жасап жатқанымның барлығы да – менің ғаламтордағы жобаларым, бейнетүсірілімдер, жеке хабарламалар – менің адамдарға өз денелерінде өздерін барынша жайлы сезінуге және өз пішініне көңілі толуына көмектесуіммен байланысты.
Топ-блогер Таня Рыбакованың әдеттегі күні қалай өтеді?
Мен ұйқыдан тұрамын, үйдегі аңдарды тамақтандырамын, өзім таңғы ас ішемін. Әлеуметтік желілерде жарияланымдар жасаймын және міндеттер тізімін жоспарлаймын. Менің фитнес-залым менің үйімнен он бес минуттай жерде, сондықтан мен оған түскі уақытта да кіруіме болады. Мен үнемі тамақтанамын, күніне бірнеше рет. Менің дизайнерліктен бастап адамдармен жұмыс істеуге дейінгі қызметімнің көпшілік бөлігі компьютер алдында өтеді. Түрлі іс-шаралар мен кездесулерге өте жиі қатысамын. Көріп отырғандарыңыздай, бұл кәдімгі жұмыс күні, тек кеңсенің орнында менде менің қонақ бөлмем.
Кімдер блогер бола алады және ол үшін не қажет?
Бұрындары танымал болу үшін, БАҚ-на – газеттерге немесе теледидарға шығу керек болатын – ал енді ғаламтор барлық адамдарға ойларын ойтуға мүмкіндік берді. Егер де адам өзінің не айтып отырғанын білсе, қолынан келсе, басқаларды өз ырқына бағындыра білетін болса, психологтар тәрізді, суретке түсіре білуден бастап адамдарға көмектесе білуге дейінгі ерекше дарын иесі болса, онда неге оны пайдаланбасқа?
Күтім, тамақтану және фитнес – бұл үшеуі сіздің өміріңізде бір-бірімен қандай қарым-қатынаста?
Дәл осы мені Орифлэйм тұжырымдамасына қызықтырды: дұрыс тамақтану, белсенді өмір сүру дағдысы және кешенді күтім жасау. Мен міне бірнеше жылдан бері осыны айтып келемін: арықтауға көмектесетін ешқандай да суперөнім жоқ, ішіңді теп-тегіс етуге көмектесетін супер жаттығу жоқ, және де сізді бүкіл қиындықтан құтқаратын бір ғана керемет крем жоқ. Барлығы да кешенді түрде орындалуы тиіс.
Фитнесте немесе өзіне күтім жасауда жетістікке қол жеткізгісі келетін адамдардың бәрінен де жиі жіберетін қателіктері қандай?
Көптеген қыздар мінсіз дене бітімі мен таразыдағы цифррлардың тікелей байланыстылығы жоқ екендігін мүлде түсінбестен, мінсіз салмақты іздейді. Бұл жерде сіздің айнада қандай болып көрінетіндігіңіз, сонымен қатар бұлшық ет пен май тіндерінің өзара қатынасы маңызды. Егер кім де кім өзінің әдемі болып көрінуі үшін таразыдан 55 кг болғандығын көруді армандаса, анығында, егер де оның денесі босаң болса, 55 кг немесе 50 болса да – бұл әдемі көрінбейді.
Яғни тағы да үйлесімділік?
Иә, үйлесімділік, оны қандай да бір абстрактілі цифрлардан емес, өзіңді қалай сезінетіндігіңнен, сенің ағзаңның қалай жұмыс істейтіндігінен, денсаулығыңнан, ұйқыңның қанатын-қанбайтындығынан іздеу қажет – сен осы үйлесімділікті тапқан кезде өзіңмен жұмыс істеу, қандай да бір сыртқы кемшіліктерің мен жетіспеушіліктеріңді түзету әлдеқайда оңайырақ болады. Өйткені, егер де сен үнемі ұйқың қанбаса және нашар тамақтансаң, онда крем жақсы болып көрінуге көмектеседі деп үміттену түсініксіз әрине, және де егер сен залға бармасаң, тек диетада ғана отырсаң, онда жұмыр бөксем болады деп үміттенуден де пайда жоқ.
