Біздің сарапшылар:
Вадим Салманов, бизнес-жаттықтырушы. Орасан зор басқару тәжірибесі бар, елдің аса ірі мекемелерін басқарған.
Елена Санжаровская, 25 жылдық тәжірибесі бар фитнес бойынша халықаралық кластағы нұсқаушы. Жаттығулардың дербес жүйесінің авторы, дербес ISAT жаттықтырушысы.
Мария Голодковская, нутрициолог, тамақтану және фитнес жөніндегі маман, ФудКульт блогын жүргізуші, салмақ түсіру мен қосуға арналған жеке тамақтану бағдарламалары мен жаттығулар авторы.
Сіз өз миссияңызды неден көресіз?
Вадим Салманов: Адам өз бизнесін жасағанда, белгілі бір уақытта ағымдағы мәселелер оған дүниеге басқа негізде қарауға, оның клиентінің кім екенін, оның өз клиентіне қандай құндылықтар ұсына алатынын түсінуге мүмкіндік бермейді. Менің жұмысым – бизнеске басқа көзқарас қалыптастыру. Мәселе адамдардың зат сатып алмайтындығында. Адамдар мәселінің шешімін сатып алады. Тіпті біз дүкенге ішкөйлек сатып алуға барғанда да, біз жай ішкөйлек емес, бейне сатып аламыз. Және осы жүйені, адамдарға не түрткі болатынын түсінуге көмектесу – менің бизнес-жаттықтырушы ретіндегі шаруам.
Елена Санжаровская: Мен әйелдерді өздеріне сенімді еткім келеді. Егер сен өзіңмен айналыссаң, салауатты өмір салтын ұстансаң және дұрыс тамақтансаң, келбетің тамаша болады, сенімді боласың, бизнесте табысты болып, өзіңді кез келген жағдайда керемет сезінесің. Өмірге сау көзқарас өзіңмен айналысқанда да қалыптасады. Ал жақсы жаттықтырушы ең алдымен психолог, оның міндеті – адамның өзін бағалауын арттырып, өзіне сенімділік ұялату.
Мария Голодковская: Нутрицевтика дұрыс тамақтану туралы ілім, оның ішінде біздің ағзамыз біздің өз ағзамызбен үйлесімде тамаша әрі бақытты өмір сүруіміз үшін барлық қажетті минералдар, витаминдер, макро- және микронутриенттер алуын зерттейтін ілім. Менің миссиям да осында – адамдарды жан мен тән үйлесіміне келтіру, адамдарды аштықты сезінбейтіндей тамақтануға үйрету, олардың бақытты болуы, күйзеліске ұшырамауы, өйткені бұл тамақтануға қатты байланысты, сонымен қатар олардың жақсы көрініп, сау болуына септесу. Тамақтану, денсаулық пен жақсы мүсіннің алтын ортасын табу.
Сіздің ойыңызша, бизнесте ілгерілеу үшін не істеу керек?
Вадим Салманов: Нақұрыстық формуласы былай болады: сен ерекше нәтиже алмақ болып, бір әрекеттер істейсің. Көбірек қоңырау шаласың, көбірек таныстырылымдар жасайсың және тағысын тағы. Бірақ кейде өз бизнесіңе басқаша қарау керек. Бірдеңе оқып, қандай да бір тренингке бару, беделді адамды кездестіріп, оның әрекеттерін қайталау – кез келген жағдайда, бірдеңені басқаша істеу керек.
Жай ғана өз ағзаңды тыңдап, қалаған нәрсені жеу керек деген көзқарас қаншалықты дұрыс?
Мария Голодковская: Өкінішке орай, өз ағзасын дұрыс тыңдай бастау үшін өзін түсіну деңгейіне бәрі жете бермейді. Мен өз семинарларымда мынадай кеңес беремін: мысалы, сіз торт жегіңіз келеді. Тоңазытқышқа жеткенше өзіңізден тағы бір рет сұраңыз, мені осы тортты анық қалаймын ба? Айталық, сіздің ішкі дауысыңыз «иә» десін. Онда сіз өзіңізден тағы да сұраңыз, осылайша он шақты рет сұраңыз, ол жолы да «иә» деп жауап берсеңіз, тортты жей беріңіз, өйткені ол сізге шынымен керек. Мен бесінші ретте сіздің: жоқ, шын мәнінде жегім келіп тұрған жоқ дейтініңізге сенімдімін. Бұл осы тамақтың саған шын мәнінде керек екенін немесе сенің оны мысалы, күйзелістен қорғаныс ретінде пайдаланатының және шынтуайтында саған басқа нәрсенің керек екенін түсінуге көмектесетін өте пайдалы қулық.
Фитпенспен айналысу үшін мотивация қаншалықты маңызды?
Елена Санжаровская: Мотивация – ол негізгі іс. Ол түрлі болуы мүмкін – жазға немесе тойға, немесе туған күнге қарай арықтау – бірақ кез келген жағдайда мотивация адам кедергі көрмейтіндей өте күшті болуы тиіс. Сен неге талпынатыңды білесің, және саған ненің кедергі болатынын ойламайсың. Кез келген көшбасшы, тіпті президентті алып қараңыз, олардың бәрі фитнеспен айналысады, бәрі белсенді өмір сүреді. Яғни адам тәулігіне 12 сағаттан жұмыс істеуі мүмкін, бірақ өзіне үнемі уақыт тауып отырады. Бұл тек мотивацияға байланысты.
Белгілі бір жаста адамдар бірдеңе өзгертуге кеш деген оймен өз дамуын тоқтатуға бейім екені жасырын емес. Сіз оларды шабыттандыру үшін не айтап едіңіз?
