Ең ерекше жоба

Біз Варшава қаласында арнайы сұлулық кітабының баспасында актриса Ирина Горбаечевамен кездесіп, жас стереотиптері, нағыз сұлулық пен мінез тұтастығы жайлы әңгімелестік. Сонымен қоса, «Антикастинг» жобасын да ұмытпадық

Ирина, сіз «Антикастинг» жобасының жарнама ролигіне түстіңіз, және де сұлулық кітабы үшін үлкен сұхбат беріп, әлеуметтік желіде кампания туралы жазған болатынсыз. Сіздің инстаграмдағы аудиторияңыз осы жобаны қалай қабылдады?
Олар бұл жобаны жылы қабылдады, себебі бұл жоба – тек сұлулық туралы емес, адамдар туралы. Ол адамдардың өмірі туралы айтады. Антикастинг деген не? Біз күн сайын бір нәрсеге сәйкес келуге, біреуге ұнауға тырысамыз. Қазір әлеуметтік желілердің заманы ғой. Алайда, бұл әлем кейбір адамдар үшін маңызды емес. Олардың ұстанатын өмір салты айналадағы адамдарға қуаныш әкеліп, шабыт береді, оларға еліктеуге деген ынтасын оятады. «Антикастинг» жобасы дәл осындай адамдар – тұлғалар туралы айтады. Мен үшін бұл ақиқат. Адамдардың бір-біріне номинация беруі де өте қызықты. Бұл барлық кейіпкерлер үшін үлкен мереке және күтпеген жағдай болғандығына сенімдімін.

 


 

Сіздің ойыңызша Oriflame осы кампанияның негізгі ойын жеткізе алды ма? 

Бұл жалғасы бар хикая, ол әлі аяқталған жоқ.  Ең бірінші теледидарда жарнама пайда болды, содан соң номинациялар, Варшавада түсірілім – енді мұны көптеген адамдар көретін болады, осы хикаялар неліктен маңызды екендігін көп адамдар түсінетін болады. Маған бірнеше адамдар келіп: «Ира, бұл өте керемет жоба» деп айтты. Мен бұл іске үлес қосқаныма қуаныштымын.

Сізге «Антикастинг» ролигіндегі бейнелердің қайсысы көбірек ұнады және неліктен?
Маған үлкен кісінің бейнесі ұнады. Себебі өмірімде бірінші рет маған осы рөл үшін пластикалық грим жасады.  Мен грим туралы армандайтынмын, бірақ мен жарнама ролигінде осындай рөл ойнаймын деп күтпедім. Бұл өте қызықты. Әрине, ер адамның бейнесін көрсету де өте қызықты болды.

Біздің кампания Антикастинг-кітабының шығуымен аяқталады. Бұл кітап наурыз айында шектеулі тиражбен шығады. Кітаптың түсірілімі қалай өтетіні туралы не ойлайсыз?
Бұл қатысушылар үшін, адамдардың оларды жақсы көретіні, олар біреуге үлгі көрсететіні, адамдар олар туралы айтып бергісі келетіні, үлкен мереке және күтпеген жағдай болды деп ойлаймын. Көптеген жас қыздар мен әйелдер фотокамера объективінің алдында болғысы келеді: саған әдемі шаш үлгісін, макияж жасайды, айналада рождество қарсаңындағыдай атмосфера. Барлығы қалай шығатыны өте қызықты. Бұл мен қатысқан ең ерекше жоба.  

Мені қатысушылардың әртүрлілігі таңдандырды! Бәлкім, сұлулықтың тек жасы ғана емес, сондай-ақ жынысы да жоқ – әйелдер туралы ма, әлде ер адамдар туралы айтып жатырмыз ба маңызды емес. Бұл фотосессия адамдардың көбісі үшін сезімдер мен эмоцияны көрсетуге, сен тамсанып қарайтын адамдарыңа өз махаббатыңды жасырмауға түрткі болатынына үміттенемін.

Антикастинг номинациясына иеленген адамдардың көбісі оларға берілген номинация үшін аң-таң болды. Неліктен солай?
Әдетте адамдар, олар біреулерге үлгі көрсетіндігі туралы білмейді. Олар жәй өмір сүріп жүреді. Бұл олар үшін күндегілік.  Бұл күндегілік олар үшін нағыз құндылық болуы мүмкін, еліктеуге үлгі болуы мүмкін. Әрине, бұл біреулерді таң қалдыру мүмкін. Өз өмірің және іс-әрекеттерің дұрыс екендігін, сенің айналаңда, іс-әрекеттеріңді көріп, бағалайтын адамдардың барын сезіну керемет. Бұл бақыт.

Біздің антикастинг-кітабымыздың кейіпкерлері –мүмкін, кәсіби түсірілімге ешқашан түспеген адамдар шығар. Олар қобалжып тұрады. Неліктен басқалар емес, дәл осы адамдар деп күмәнданады.  Оларға түсірілімнің алдында қандай кеңес беретін едіңіз?
Ойнап әзілдеуге және де өз-өзіңді күн сайын топ журналдарға түсетін адам сияқты елестетуге кеңес беремін. Ханшайымға айналу, күлімсіреу, музыкамен билеп, бойын еркін ұстау.

Ал сіз қалжыңдайсыз ба?
Әрине, мен қалжыңсыз суретке түсе алмаймын! Мен әдемі еместігімнен не ұялатындығымнан емес. Мен, өзімнің әдемі екенімді түсінемін, айнадағы өзімнің бейнем маған ұнайды. Алайда, айналаңда адамдар көп болғанда, олар саған қарайды, сен өз-өзіңді қорғау үшін жиі кимейтін немесе мүлде кимейтін киімді киіп алып, бір бейне жасап алатын сияқтысың. Мен, маған ыңғайлы болатындай атмосфера жасаймын: орындық беруді сұраймын, колонка әкеліп, өзімді еркін сезіну үшін өз музыкамды қосамын.

Агата Поспешинсканың түсіріліміне қатысуға оңай болды ма?
Мен әрқашан да әйелдермен ынтымақтастық жасауда абай боламын, жағымсыз тәжірибем болған. Сіздердің ұқсастықтарыңыз бар ма, әлде жоқ па, құрбы боласыздар ма, жоқ па бірден білуге болады. Мен, біздің Агатамен ұқсастығымыз барына өте қуаныштымын. Агатамен жұмыс істеу оңай әрі жанға жағымды.  

Алдыңғы сұхбатта сіз, әдемі адам – бұл тұтас адам деп айтқан болатынсыз. Осы тұтастыққа қалай қол жеткізуге болады?
Өзіңе опасыздық жасамау керек. Сенің шекараңның қайда екенін түсіну. Біз ылғи да осындай жағдайға тап боламыз: табиғатымызға қайшы келетін іс-әрекет жасаған кезде өзімізді ыңғайсыз, жайсыз сезінеміз.  

Ал тұтастық — бұл табиғаттан берілетін нәрсе ме, әлде уақыт өте келе пайда болатын нәрсе ме? 
Ол табиғаттан да, және де уақыт өте келе пайда болатын зат. Менің өмірімде тұтас тұлғалар деп айтуға болатын 15 адам бар. Олардың психологиялық жағынан да, физикалық жағынан да дені сау, шекарасының қайда екенін білетін, қылықтары табиғи адамдар. Бұл өзін басқалар үшін және өзі үшін өзгерте алатын адамдар. Біреулер үшін жаман адам болуға қорықпайды. Әйтпесе біз бөтен адамдардың өмірімен сүре бастаймыз. Бұл жақсылыққа жеткізбейтін іс деп ойлаймын. Мен барлықтарыңызға өз-өздеріңізбен татулықта болуыңызға тілектеспін.

Өзіне деген қамқорлық сұлулыққа қалай әсер етеді?
Тікелей әсер етеді. Өзіне уақыт бөлу өте маңызды, сенің дене мүсінің бір рет қана берілгенін түсіну қажет. Сен қайтсең де қартаясың, бірақ сенің әдемі қартаюға мүмкіндігің бар. Гүлдер де әртүрлі солады. Менің ойымша, адамзаттың сыртқы сұлулығына оның әдемі іс әрекеті тікелей әсер етеді. Бұл косметикаға немесе мейкапқа байланысты емес. Адамзаттың кандай да бір болмысы ол сұлулық екенін түсінесің.

Бізде, өзіңе тек анда-санда күтім жасасаң болады деген оғаш стереотип қалыптасқан.  Кейбір адамдар өзіне күтім жасау – бұл ойын тәрізді деп ойлайды. Бұл мұқият ойланбаған стереотип.  Сен әдемі әрі сүйкімді өзіңе уақыт бөлесің. Сұлулықтың шынында да жасы жоқ. Физикалық дененің ғана жасы бар.

Сұлулық кітабының арнайы басылымындағы барлық кейіпкерлерге келесі сұрақты қойдық: «Сіздің жасыңыз қаншада және айнада нені көріп тұрсыз?». Сізге де осы сұрақты қойғымыз келеді. 
Менің жасым 29,жақында 30 жасқа толамын және де осы жасқа байсалды көзқараспен қараймын. Мен өзімнің жасымнан ұялмауым керек, оны жасырудың да қажеті жоқ деп ойлаймын. Айнада нені көріп тұрмын дейсіз бе? Мен айнадан барлық нәрсе қызықтыратын адамды көріп тұрмын. Мен өмір сүруді, саяхаттағанды, қуануды жақсы көремін. Өзіме, айналадамдағы адамдарға да көп нәрсе жасағым келеді. Тек жақсы іс жасаймын деп үміттенемін.

Мәтін: Фото: Агата Поспешинска

Купить сейчас

Ұқсас мақалалар