Даниэль Канеман, «Баяу ойлап, тезірек шеш»
Біздің іс-әрекеттеріміз бен қадамдарымызды біздің ой-санамыз анықтайды. Алайда біз өз ойымызды әрқашан бақылап отырамыз ба? Нобель сыйлығының иегері Даниэль Канеман, неге біз кей кездері тиімсіз қадамдар жасайтындығымызды және біз қалайша дұрыс емес шешімдер қабылдайтындығымызды түсіндіріп береді.
Юрий Михайлюк: «Мен үшін өте маңызды кітап. Біз, әсіресе ұсақ-түйектерге келгенде тиімді қадамдарды өте сирек жасаймыз. Бізге жақын күндері алған ақпараттар, біресе өзіміздің сол сәттегі, біресе тамақтанған кездегі эмоциялық көңіл-күйіміз әсер етеді. Даниель Канеман мен оның әріптесі Амос Тверски адамның миын жете зерделеп, адам қалай ойлайтыны және ми қалай жұмыс істейтіні туралы теория жасап шығарды. Бұл маған адамдар қалай ойлатындығы жайында маңызды түсінік берді».
Джаред Даймонд, «Мылтықтар, микробтар және болат»
География, ботаника, зоология, микробиология, лингвистика және басқа ғылымдардың мәліметтеріне сүйене отырып, Даймонд әлемнің түрлі түкпірлерінің дамуындағы ассиметрия кездейсоқ еместігін және көптеген шынайы факторларға сүйенетінін сендіре дәлелдейді.
Юрий Михайлюк: «Антрополог Джаред Даймонд неліктен кейбір халықтар экономикалық дамудың жоғары деңгейінде, ал кейбіреулері әлі күнге дейін теріден киім тігіп жүргендігін түсіндірді. Бизнес қалай жұмыс істейтіндігін түсіну үшін, адам баласы қалай қалыптасқанын түсіну қажет – бұл кітап адамдар өздерін неге осы немесе басқаша түрде ұстайтындығын түсіну үшін күшті инсайт береді.
Бұл маңызды білім, өйткені егер де сен күн сайын сапалы дұрыс шешімдер қабылдайтын болсаң, онда олар жинақталады да, соңынан сапалы әсер береді, мысалы, сенің бизнесің немесе сенің ұйымың үшін.
Ричард Кох, «Қағида 80/20»
«Қағида 80/20» кітабы алғаш шыққан сәттен бастап өткен 14 жыл ішінде іскерлік әдебиеттің классикасына және әлемдік үлкен сұранысқа ие коммерциялық кітапқа айналды. Оның авторы, табысты бизнесмен және «еріншек кәсіпкер» (Ричард Кох өзінің осылай атайды) барынша азырақ күш, уақыт пен қор жұмсай отырып, қалай үлкен жетістікке қол жеткізуге болатындығы туралы айтады.
Юрий Михайлюк: «Бұл кітаптардың ішіндегі ең «кәсіпкерлігі». Онда Парето қағидасы біздің бүкіл өмірімізге енетіндігі жайында айтылады, яғни аздаған мөлшерде күш жұмсау мөлшерсіз көп нәтижелер өлшеміне әкеледі: жиырма пайыз күш жұмсау сексен пайыз нәтиже береді, ал қалғандарына айналысудың қажеті жоқ.
Бұл жинақтаушы пайыз банкте жыл сайын жинақталып жатқан кездегі, пайыздардың капиталға айналуы қағидасына тең өте маңызды қағида. Бұл пайыз – әлемнің сегізінші кереметі, оның қалай жұмыс істейтінін түсінген адам, оны пайдаланады. Кім түсінбесе, сол оны төлейді».
Стивен Р. Кови, «Өте тиімді адамдардың жеті дағдысы»
Бұл кітап, әлемдік супербестселлер, жеке бастың өсуі тақырыбы бойынша №1 жұмыс. Ол бүкіл әлемдегі миллиондаған адамдардың өміріне үлкен әсерін тигізген, олардың ішінде Билл Клинтон, Ларри Кинг және Стивена Форбс бар. Fortune 500 рейтингіне енетін ірі әлемдік корпорациялардың тең жартысы ЖЕТІ ДАҒДЫДА айтылған тиімділік философиясымен өз жұмысшыларын таныстыруды өздерінің борышы деп санайды.
Юрий Михайлюк: «Бұл классика жанры. Кітап, бизнеске қатысты болуы міндетті емес, күрделі өмірлік дағдыларды түсіну үшін жақсы әрі орнықты негіз береді. Орысша аудармасы шыққан кезде, мен 34 кітап сатып алып, өзімнің барлық таныстарыма таратып бергенім есімде. Тамаша кітап».
Нассим Талеб, «Осалдыққа қарсы»
ОСАЛДЫҚҚА ҚАРСЫ – өте сирек кітап: ол адамдардың, жүйелердің басты қасиеті туралы, әлі күнге дейін аты болмаған қасиеттер туралы айтып береді. Белгісіздік үстемдік еткен әлемде, осалдыққа қарсы тұра білуден артық ешнәрсе жоқ, яғни өмірдің бейберекетсіздігімен бетпе-бет келгенде тек зиянсыз болып қалып қана қоймай, бұрынғыдан да жақсы бола білу, эволюция жолымен бірте-бірте даму, өсе білу.
Юрий Михайлюк: «Менің әуестігім. Мен жақында Мәскеуде Нассим Талебтің семинарына бардым. Үлкен тақырып, жартылай философиялық.
Оның жалпы тұжырымдамасы – біздің өмірімізді blaсk swans, қара аққулар, өте сирек және болжап болмайтын, бәрін өзгертіп жіберетін оқиғалар басқарады. Мысалы, 2008 жылғы дағдарыс, оны ешкім алдын ала болжаған жоқ, және ол біздің өмірімізді толығымен өзгертіп жіберді. Өте батыл кітап, мен оны қазір қайта оқып жатырмын. Оның көп қырлылығы сонша, мен оны әрқашан өзіммен бірге алып жүремін, және де оны қанша жақсы білсем де, ұшақта отырғанда ашып алып, маңызды инсайт алу үшін қайта оқимын».
Роберт Т. Кийосаки, «Бай әке, кедей әке»
Автор америкалық балалардың мектепте ақша туралы қажетті білімді алмайтындығына және сондықтан да олар ақшаны өзіне жұмыс істеуге мәжбүрлеудің орнына, өмір бойы ақша үшін еңбек ететіндігіне сенімді. Көпшілік оқырмандарға арналған.
Юра Михайлюк: "Бұл, бәлкім, ең кәсіпкерлік кітап шығар. Біздің көшбасшылар – бұл олардың тақырыбы, оны көбісі біледі, дәйексөз келтіреді. Кийосакидің басты тақырыбы, жалдамалы жұмысшы болғаннан, кәсіпкер болған әлдеқайда жақсы болып саналады. Жақсы кітап, егер де маған әлдекім осы кітапты менің балғын жастық шағымда берген болса, онда мүмкін, мен қазір жалдамалы жұмысшы емес, кәсіпкер болар ма едім. Дегенмен, кім біледі?
