Жеке салым: өзіңізге инвестиция салудың 5 тәсілі

Сіздің ең маңызды активіңіз – өзіңізсіз. Сондықтан мақсатыңызға жету үшін саналы эгоизмге үйрену керек. Күшіңізді, ақшаңызды және уақытыңызды ең алдымен өзіңіздің дамуыңызға арнаңыз. Бұл қиын сияқты көрінгенімен, олай емес! Біз өзіңізге инвестиция салудағы жақсы дивидендтер әкелетін 5 қарапайым әдісін білеміз.

 

1. ДЕНСАУЛЫҒЫҢЫЗДЫ КҮТІҢІЗ

Біздің өнімділігіміз және өзімізді бақытты сезінуіміз хәл-жайымызға байланысты. Егер бір жеріміз ауырса, біз нашар жұмыс істейміз және тез шаршаймыз әрі өмірден рахат ала алмаймыз. Сондықтан алдымен денсаулығыңызға инвестиция салыңыз. Бұл дәрігерге бару, теңдестірілген тамақтану және дұрыс дене белсенділігі ғана емес. Сондай-ақ, жеткілікті түрде ұйықтау, уақытылы демалыс алып тұру, ағзаңызды дәрумендермен қолдап жүру, ыңғайлы аяқ киім сатып алу және омыртқаңызға мүмкіндігінше аз жүк салу үшін жұмыс орныңызды дұрыс орналастыру маңызды. 

2. СҰЛУЛЫҒЫҢЫЗДЫ ЕРЕКШЕЛЕТІҢІЗ

Бұл өте қарапайым әрі жағымды. Мәселен, теріні күту, сіз білетіндей, көп уақытты қажет етпейді – таңертең және кешке бірнеше-ақ минут. Бірақ бұл инвестиция бірден «ақталып шығады». Біріншіден, өзіңізге қамқорлық жасау ләззат әкеледі, екіншіден, бұл сұлулық пен жастықты сақтап, өзіне деген сенімділік пен тартымдылығыңызды сезінудің оңай тәсілі. Осындай мінсіз негізбен өзіңізге сәнді кейіп жасау оңайырақ болады. Макияждың қарапайым әдістерін игеріп, дұрыс аксессуарларды таңдап, жаңа шаш сәндеу әдісін үйреніңіз және, әрине, хош иіс қосыңыз. Енді жақсы әсер қалдыру қиын болмайды!

 

3. МИЫҢЫЗДЫ ШЫНЫҚТЫРЫҢЫЗ

Ақылыңызға азық іздеңіз: аптасына кітап оқуды немесе шет тілін үйренуді мақсат етіңіз. Бұл ойлау қабілетін дамытуға, сіздің ой-өрісіңізді кеңейтуге және көптеген нәрселерге басқа ракурстан қарауға мүмкіндік береді. Егер сізде үлкен инвестиция салу мүмкіндігіңіз бар болса, онда, әрине, білім алуға қаржы салған жөн. Мастер-кластардан, тренингтерден және вебинарлардан бастауға болады, ол дамытқыңыз келетін салаңызды анықтауға көмектеседі немесе жай ғана жаңа білім алуға болады. Егер сіздің мақсатыңыз қандай-да бір саланың маманы атану болса, онда сіз біліктілікті арттыру курстары жайлы немесе қосымша білім алу туралы ойлануыңыз керек. Бұл сіздің бәсекеге қабілеттілігіңізді арттырады және әлдеқайда жоғары нәтижелерге қол жеткізуге мүмкіндік береді, өйткені сіз басқа адамдарда жоқ ақпарат пен дағдыларыңызды қолдана аласыз. 

4. АРАЛАСЫҢЫЗ

Бұл тармақтың ақшаға мүлдем қатысы жоқ. Танысып, жақын қарым-қатынас жасау үшін сізге уақыт, күш пен ынта қажет, әрі көп мөлшерде қажет, алайда соның есебінен көп нәрсе ұтасыз. Эмоциялық қолдау, біреуге сенім артуға болатынтығын сезіну, кеңес алу, қажет адамдармен байланыс, шабыттандыру мен ынталандыру – мұның бәрі сізге араласатын адамдарыңыз сыйлай алады. Сіздің кіммен бірге уақыт өткізгіңіз келетінін және сіздің дамуыңызға кім көмектесе алатыны туралы ойланыңыз, ондай адамдармен танысуға болатын онлайн немесе офлайн қоғамдастықтар табыңыз және алға! 

 

5. ӨМІРІҢІЗДІ ЖАРҚЫНДАТЫҢЫЗ

Саяхат, қызықты іс-шаралар мен ойын-сауық – бұлар позитивті эмоциялар мен қуат береді. Егер сіз кейде-кейде жайлылық аймағынан шығып, ерекше бір нәрсе жасасаңыз және жаңа жерлерге барсаңыз, сіздің өзіңізді бағалау деңгейіңіз жоғарылайды және сіз өміріңізді толықтай сезінетін боласыз. Ал, егер сіз қуаныш жарқыратып тұратын болсаңыз, басқа адамдардың да сізге қызығушылығы артатыны сөзсіз. Өйткені, бәрінің де бақытқа қол тигізгісі келеді.

Мәтін: Фото: Oriflame