ДАРЬЯ МИЛКА
19 жаста, модель
«Менің кәсібімнің айналасында жасқа қатысты көптеген стереотиптер бар. Мысалы, модель карьерасын 13 жастан бастау қажет, және егер 25 жасқа дейін сен топ-модельдер қатарына кіре алмасаң, онда өкінішке орай кері қарай құлдырау жақындап қалды деген тәрізді.
Адамдар мені көбінесе осындай ойлардан призма арқылы өткізіп қабылдайды. Мысалы, мен 16,5 жаста бастадым, кеш бастаған болып есептеледі. Сонымен бірге көпшілігінде менің шынайы жасыма қатысты қателесулер болып жатады – өйткені мен фотосуретте мүлде әр түрлі болып көріне аламын.
Тағы бір стереотип 20 жаста білім алып, университетте оқып, өз болашағыңа жол салу керек дегенге байланысты. Көбінесе мұндай қысым ата-аналар тарапынан туындайды. Алайда менің ойымша университетке 30 жаста да баруға болады, және тіпті онымен қатар жұмыс істей беруге де болады. Ал егер менің қазіргі кезде саяхаттағым келсе, және менің жұмысым оған мүмкіндік берсе, онда мен ол арманымды жүзеге асырар едім, ал одан ары қарай не болатынын – көре жатармыз. Бәрі тек жақсы болады деп үміттенемін!».
ИРИНА ГОРБАЧЕВА
30 жаста, актриса, блогер
«Жас ерекшелігіне қатысты стереотиптер, әрине, бар. Театрда бәрі оңай: түрлі кейіпкерлердің рөлін ойнау үшін, бірқатар құралдар қолданылады. Егер сен оның жасы қаншада екенін түсінсең, саған тек гримм жасау ғана қалады. Және пластика – сен әлдеқайда жас болған кезде, сен тым айқын, ебедейсіз, икемсіз боласың, ал есейген кезде көп қозғалмайтын күйге түсесің. Бұл белгілер, алайда, кейіпкердің жасын көрсетуге көмектеседі.
Өмірде мен мынадай сөздерді жиі естимін: «Ох, Ира, сен енді 17 жаста емессің… 21-де, 22-де, 23-те, 24-те емессің...», яғни әрбір жасқа арналған үлгі бар. Болса бола берсін! Мен өзімді 17-18 жастағыдай сезінемін. Шын мәнінде мен мұндай сұрақтарға қалай жауап берерімді білмеймін, өйткені «жас» дегеннің не екенін түсінбеймін. Мен жас деген жоқ деп санаймын – мен, енді сондай адаммын. Иә, төлқұжатта бар, ал іс жүзінде жоқ.
Мен қандай да бір аралықта бір нәрсені іске асыруға ұмтылмайтын, мен жай ғана өмір ағысымен жүремін. Әйтсе де, менде жақын күндері бір арман пайда болды, мен шынымен де оған қол жеткізгім келді: бір жыл бойы жер шарын айнала саяхат жасау, оған қоса, егер мүмкін болса автокөлікпен. Мен мезгіл келген сәтте, осындай тамаша жер шарын түгелдей бір рет те көрместен, бұл әлеммен қоштасып кете бару, бір түрлі болатын сияқты сезіндім. Сондықтан мен осы арманды іске асыруға тырысамын».
ҚАРЛЫҒАШ ИМАНАЛИЕВА
42 жаста, Oriflame жетекші әріптесі
«Мен Орифлэймде жұмыс істей бастағанда маған ешкім шындап мән берген жоқ – жасым 26 болатын және де білімім, тәжірибем жоқ болды. Оған қоса, менің айналамда тапсырыс жасауға ақшасы жоқ жас отбасылар болды. Бірақ бұл маңсапты бұндай жаста құруға болмайтындығын білдірмейді. Барлығын жасап көруге болады.
Менің ойымша, арманды кез-келген жаста жүзеге асыруға болады. Адам өмір сүрген сайын оның армандары да көбейеді. Мен өз арманымды ғана емес, өз балаларымның, ата-анамның және жұбайымның арманын да жүзеге асырдым. Менің келесі мақсатым – қаланың шетінде Игелёса қаласындағы үйлердей швед стилінде үлкен үй салу, демалыс күндері сол жерге балаларыммен бірге бару.
Шын мәнінде жасқа ешнәрсе байланысты емес. Шынайы еркіндік – жасқа қарамай өзіңнің қалағаныңдай өмір сүру.
ТАТЬЯНА НЕКЛЮДОВА
61 жаста, модель
«Мен өзімді әрқашан да былай таныстырамын: Татьяна Неклюдова, 61 жастамын, екі баланың анасы, үш немеренің әжесімін және сонымен бірмезетте модельмін. Мен 59 жасымда модель болдым. Оған дейін мен фотоға түскенді ұнатпайтынмын және өзімді әдемімін деп санамайтынмын. Фотосессия мен түсірілімнен кейін менің өзіме деген қарым-қатынасым жақсы жаққа өзгерді, мен азат бола бастадым. Мен дамудың жаңа бағытын таба алғаныма қуаныштымын.
Іш киімдер түсірілімінен кейін көптеген қолданушылар пікірлерін қалдырды: «Бұл әжеге не бар, оған о дүниелік өмір туралы ойлануы қажет, ал ол болса іш киімдерді жарнамалап жүр». Бірақ мұндай тек бірлі-жарым ғана болды. Бұл Ресейдегі менің жасымдағы әйелдердің іш киімнің жарнамасына түскен алғашқы үлгі боларлық оқиғасы еді. Біз кішігірім төңкеріс жасадық. Өткен күндер жайында: «О Жасаған, бұл неткен авантюра еді!» деп ойлаймын. Бірақ, жалпы алғанда мен өзімнің осындай тәжірибем бар екендігіне мақтанамын.
Бір күні әлдеқалай менің өңдемесіз түсірілген суретім Инстаграмда 3000 лайк жинады! Ал біздің агенттіктегі әріптестерімізбен бірге түскен суретімізді танымал америкалық сән журналы жариялап, біз Ресейдегі сұлулық пен жасқа деген қарым-қатынасты өзімізге үлгі ретінде өзгертеміз деп жазды.
Өзімді тура 60-тағыдай сезінбеймін. Мен жаспын, сергекпін, йогамен, скандинавия жеңіл жүрісімен айналысамын, немерелеріммен көп қыдырамын, велосипедпен жүремін, салауатты өмір салтын ұстанамын. Сонымен қатар мен өзіме қазір жас кезімдегіден де көбірек ұнаймын. Сұлулық жас ұлғайған сайын жоғалады деп санамаймын, ол тек басқаша болып қалады».
