Сингапур
Егер сіз ыстық ауа райы мен жоғары ылғалдылықтан қысылмасаңыз, Сингапурға барыңыз: ол релакс стиліндегі демалыс үшін өте ыңғайлы. Қалыпты ырғақ, түсінікті навигация, дәл уақытылы жүріп тұратын транспорт – үйдегідей жайлылықты сезінесіз. Дәл осында әлемнің ең әдемі ботаникалық бақтарының бірі: 74 гектар тасқын шалғындар, сирек кездесетін гүлдер және ЮНЕСКО қорғауындағы жылтылдаған айдынды көлдер. Жергілікті тұрғындар 10 түрлі дін ұстанады, демек, бұл жерде көптеген әсем ғибадатханалар бар. Біз сізге кем дегенде біреуіне баруға кеңес береміз – мысалы, Конг-Мен-Сан-Кар-Си монастырі, Сингапурдегі ең ірі буддисттік ғибадатхана. Жағажайға барып қайтыңыз, ал жергілікті тағамдарынан қытай кварталында немесе кез-келген сауда орталығының фудкортында дәм татқан дұрыс.
Кипр
Жұмсақ климаттағы теңіз бен экзотиканы аңсайсыз ба? Кипр жағалауындағы дайвинг-круизге барыңыз: жазда бұл жерде шыдатпайтын ыстық болады, ал күз бен көктем мезгілінде тіпті керемет. Тынық Ларнака, клубтарға бай Айа-Напа , жайлы пафос немесе елордалық Лимасол – сіздің талғамыңыз бен қажетті атмосфераға сай қалаңызды таңдаңыз. Кипрде не істеуге болады? Ескі қаланың көшелерімен серуендеп, тұнық теңізден ләззат алыңыз, сәулетін зерттеңіз, ежелгі қабірлердің қазбаларын іздеңіз. Омодосқа баруға кеңес береміз: бұл өзінің шараптарымен танымал таулы ауыл. Дәл осы жерде 2016 жылы Oriflame-ның Алтын конференциясы өткен.
Пальма-де-Майорка
Патшаларша демалыңыз! Биыл әлемдік шоу-бизнестің жұлдыздары мен Испания патшалық отбасынан бөлек, Майоркада Oriflame-нің ең мықты көшбасшылары Алтын конференция-2019 аясында керемет уақыт өткізеді. To-do list: La Reserva табиғи паркіндегі сарқырамалар мен экзотикалық жануарларды тамашалаңыз, Форментор мүйісінде «Мама, мен ашықхаттамын!» деген фотоға түсіп, заманауи испан өнерінің барлық мұражайларын аралаңыз.
Стокгольм
Швед астанасы – бұл 57 көпірмен байланысты 14 арал, сәулет пен дизайннан эстетикалық шаттық алу, скандинавиялық бірқалыптылық пен асқар шаһар ырғағының таңғажайып үйлесімділігі. Ескі қаланы аралап, Ericcson Globe ғимаратындағы панорамалық лифтпен жүріңіз, Нобель мұражайына кіріп шығыңыз. Белсенділік әуесқойлары үшін лайфхак: каяк жалдап алып, Меларен көлімен жүзіп отырып барлық аралдарды зерттеп шығуға болады. Стокгольм арт-галереялардың ең шоғырланған жері: кез-келгенін таңдаңыз, алайда уақытыңыз аз болса, онда ең үлкенінен – Moderna Museet-тен бастауға кеңес береміз. Қарныңыз ашса көшедегі кез-келген авто-дәмханаға тайсалмай бара беріңіз. Сіздерді Оstermalmshallen жабық базарында нағыз швед тағамдары күтеді. 2012 жылы Стокгольмда өткен Oriflame-ның Алтын конференциясында швед патшайымы Сильвия бізге құрмет білдірді – сол патшайым тұратын Патша сарайын тамашалауға кеңес береміз.
Кейптаун
Оңтүстік Африканың бас қаласы сізді жабайы табиғатының сотқарлығымен таң қалдырады. Сіз оны жарты күнде-ақ аралап шыға аласыз, сондықтан сізге көлік жалдап, бүкіл Кап түбегін аралауға кеңес береміз: көретін нәрсе баршылық! Жазық шыңымен әйгілі Үстел тауына көтеріліп, Кирстенбош ботаникалық бағындағы аспалы соқпақ жолмен ағаштардың төбесімен серуендеп, Жақсы Үміт мүйісінен Антарктиданы көріп қалуға тырысыңыз және Қойтастар жағажайында пингвиндермен селфи түсіріңіз. Стритфудынан көңіліңіз қалар, мұнда кәдімгі бургерлер мен фри ғана – жергілікті тағам үшін кәдімгі супермаркетке барыңыз.
Лос-Анджелес
Калифорния астанасы бойынша гид осындай мақаланың көлемінен екі, тіпті үш есе көлемді бола алады. Мүмкіндіктер мен әсерлердің көптігі соншалықты – неден бастасақ екен? 120 шақырымға жуық созылған салтанатты жағажайлар, жүздеген арт-галереялар, кино сүйер қауым үшін даңқты орындар және әлемнің барлық тағамдарының ең жақсы мейрамханалары: демалатын жеріңізді таңдап, егжей-тегжейлі жоспар жасап алыңыз. Must see: қаланың ең биік көк тіреген Skyspace ғимаратындағы көру алаңы, қаланың әдемі көрінісі мен ақысыз телескоптары бар Гриффин обсерваториясы, Санта-Моника жағажайы және LACMA мұражайы.
Сидней
Күншуақты жағажайлар мен ең жақсы серф-споттар, Патшалық ботаникалық бақтағы кең жайылған ағаштар, әйгілі опера театры мен Көгілдір таулар – Сидней өзінің контрасттарымен таң қалдырады. Жабайы табиғаттың сұлулығынан есіңізді таңдырғыңыз келе ме? Featherdale саябағында коалалармен танысыңыз. Экстрим ұнай ма? Әлемдегі ең үлкен болат көпірлердің бірі – Харбор көпірінің аркасымен жүріп өтіңіз. Міндетті түрде жайлы Манлиде демалып, мінәжатты Бонди жағажайында болып қайтыңыз.
Токио
Токионың әр ауданын расымен жеке қала деп санауға болады. Егер сіз ғибадатханаларды жақсы көретін болсаңыз және нағыз гейшалар қалай өмір сүретінін көргіңіз келсе, Асакусаға барыңыз. Шопинг үшін Гинзаға барыңыз, ал Харажукуда сізді жапондық көше сәні күтеді. Ежелгі ғибадатханалар, император сарайы, көк тіреген ғимараттар, көру алаңдары – Токиода карта мен жоспарсыз қыдыруға болады. Біздің Гауһар директорымыз Наталья Пасичник сакураның гүлденуіне ғашық болып қалды: «Біз мұнда жылдың ең әдемі мезгіліне сай келіппіз, мұны өмір бойы есімде сақтаймын».
Майами
Басты курорттық Флорида штатының жұлдызды орны – салтанатты дүкендері, түнгі клубтары мен қардай аппақ құмы бар әйгілі Майами-Бич. Тек жағажаймен шектеліп қалмаңыз: Coconut Grove атты шұбар түсті студенттік ауданында серуендеп, көптеген заманауи өнер мұражайларының бірін тамашалап, кез-келген түнгі клубта латын ырғағымен билеңіз, Виская вилласындағы антиквариат коллекциясын қараңыз. Ең әсерлі өнер кеңістіктерінің бірі – Herzog & de Meuron фирмасының дизайнерлері мен швейцариялық сәулетшілер салған Перес өнер мұражайы.
Мальта
Мальта тарихымен танысуды Мдинадан бастаған оңай: 300 адам халқы бар қалашық ашық аспан астындағы мұражайға ұқсайды, тіпті әйгілі «Тақтар ойынының» бірнеше сериясы да осы жерде түсірілген. Тылсым сүйер қауымға Хал-Сафлиениді ұсынамыз, мегалитикалық жер асты ғибадатханасы, 5000 жыл тарихы бар жерасты қорымы. Шоппингке астанасы Валеттаға барған жөн. 2010 жылғы Алтын Конференция барысында қаланың бас алаңы Oriflame көшбасшыларының кездесуіне арналып безендірілген болатын: олар кешкі ас ішіп, қаланың қақ ортасында жетістіктерін атап өтті.
