АНДРОГИН
Тильда Суинтон
Андрогин, Андроид, Авангард ханшайымы – сыртқы келбеті ерекшелеу осы бір актрисаны, тіптен, қалай атамады. Оны «сұлу – сұлу емес» межесі бойынша бағалау қиын, оның бет әлпеті, шаш үлгісі, дене бітімі мен киімдері – өмірдегі оның ойнайтын рөлі, мұқият ойластырылған жүріс.
– Менің өзімнің әдемі емес екенімді әрқашан да білетінмін, – дейді Тильда. – Бұл үлкен артықшылық. Менің барлық әдемі достарым ерте ме, кеш пе өз келбеттерін айналысқа жіберді. Олар барлық уақытта өздерінің шаштары ақшыл түсті, көздері көкшіл, еріндері томпақ екендерін білетін және олар өздерін соған сәйкес ұстауы қажет болатын. Бұл маған бұйырмаған, үлкен қысым.
Ол ұнауға тырыспайды, пластикалық ота жасатпайды, үлкейтпейді, еш жерін тартпайды және өсірмейді. Ол жай ғана қаншалықты мүмкін болса, соншалықты өзгеше болып қалады. «Маған оның, – дейді Суинтонның сүйікті дизайнерлерінің бірі Хайдер Аккерман, - адамдарға оның жасап жатқаны ұнай ма, ұнамай ма деп мазасызданбайтындығы ұнайды». Біз тек оның өзіне деген соншалықты сенімділігіне қызыға қараймыз.
ЫЛҒИ АУЫРЛАР
Ким Кардашьян
Бала күнінде Ким өзінің омырауы мен санының өте үлкендігін қатты уайымдаған. Тіптен, жуынатын бөлмеге кіріп, ішінен бекітіп алып жылаған да. «Мен өзімнің омырауымның өсуін тоқтатуын сұрап сыйынатынмын, - деп еске алады жұлдыз. – Әкем маған менің ерекше екенімді, мен кейін бойжеткен кезде жас адамдарға ұнамды болатынымды айтатын. Алайда бастысы, мен өзімді қандай болсам, тура солай қабылдауым керектігін айтты. Және маған осы шындық көмектесті». Бірақ, біздің басқа кейіпкерлерімізге қарағанда, селсоқ қабылдаумен іс шектелген жоқ: өзінің мықты тұсын түсінген және қабылдаған Ким, оларды пластикалық хирургияның көмегімен айқын көрсете білу мүмкіндігін жібермеді. Түрлі мәліметтер бойынша, Ким жасаған оталардың тізімі мыналардан тұрады: ринопластика (мұрын пішінін өзгерту), маммопластика (омырау пішінін өзгерту), глютеопластика (бөксені ұлғайту), көптеген липосакциялар мен плазма екпелері, сонымен қатар филлерлермен бет пластикасы. Біз Ким мен замануи медицинаға табандылығы, өз-өзіне деген сенімділігі, әсіресе спорт залындағы фитнес-жаттықтырушының «Бүгінгі күні кардашьяндарды жаттықтырамыз» деген сөзі үшін алғысымызды білдіреміз.
ТАЛАНТТАР МЕН ТАБЫНУШЫЛАР
Леди Гага
Леди Гага, Тумысында Стефани Джоанн Анджелина Джерманотта, өзін ешқашан айрықша әдемі және тартымды деп санамаған. Бүкіл өмірінде, жас кезінен бастап, жұлдыз біресе мешкейлікпен, біресе зиянды толысумен күрескен. Әншінің айтуы бойынша, модель емес болғандықтан, мінсіз келбет ол үшін маңызды рөл атқармайды, оның негізгі айналысатыны – музыка, ал ол оның мазмұнын дене бітімінен де маңызды деп санайды. Оның адам сенгісіз киім үлгілері, оның ішінде еттен тігілген көйлегі – тіптен төтенше емес, бұл ойды айрықша баса айтады: сахналық бейне өз ішіңдегі барды көрсету үшін қызмет етеді және түбегейлі өзгере алады. Әншіде өзіне деген сенімділіктің пайда болуына табынушылары көмектесті, солардың арқасында Леди Гага өзін қандай болса, тура солай қабылдауды үйренді. Оны растайтын айғақ – көрермендердің алдына өзінің кемшіліктерін жасыруға тырыспай, батылдықпен шығуы, мысалы, ол созылған терісін жасыру туралы ойламай-ақ Нью-Йорк көшелерімен іс жүзінде омырауын жалаңаштап жүріп өте алады. «Мен дұрыс тамақтанғанда және өзімнің келбетім туралы аса мазасызданбасам, мен бақыттымын, бұрынғыдан да бақыттырақпын. Қандай өлшемдегі киім кисем де, мен өзімді мақтан тұтамын» - дейді Леди Гага. Дұрыс тамақтану, әдетте салмақ мәселесінің болмайтындығын болжайды деген оймен біз оған қолдау көрсетеміз.
Линдси Виксон
ТӨЗІМДІЛІІК ЖӘНЕ ЕҢБЕК
Ең көп сұранысқа ие әлем модельдерінің бірі бала кезінде өзінің бойының ұзындығын, шамадан тыс арықтығын және ең бастысы – алдыңғы тістерінің арасындағы кетікті уайымдаған екен. Егер ата-анасының қолдауы мен үлкен жылтырақ әлем үшін қызды аша білген осы заманның ұлы фотосуретшісі Стивен Майзел болмағанда, біз оның ерекше сұлулығы мен түрлі-түрлі бейнелерге құбыла алатын мүмкіндігіне таңданыс білдіре алмас едік. Линдси 15 жасында Vogue журналы үшін суретке түсті, ал сәл кейін Миучча Прада қызды Prada көрсетілімдерінің ашылуына және Miu Miu маркасының келбеті ретіне таңдап алды. Қуыршақ келбет, үлкен көздер, томпақ ерін – модельдің өзіндік келбеті біреулерге тартымды болса, енді біреулерді кері итереді, алайда Линдси барлығына ұнай беру мүмкін еместігін әділетті айтты. Табанды еңбек оған өзін мойындатуға қол жеткізуге және өзіне деген сенімділікке ие болуға көмектесті, ал Линдсидің бала кезінде тықылдатып жүрген кетіктік оның визиттік карточкасына айналды. Өзіндік ерекшелігі: қарапайым өмірде модель өзінің ерекшеліктерін кемшілік деп санамай, іс жүзінде косметика қолданбайды.
Өз сұлулығыңның барлық қырын қалай ашуға болатындығы туралы Орифлэйм-мен бірге көбірек біл.
