Нөмір бірінші дайындық: жаздағы әдемі мүсінге арналған бес кеңес

Маусымның ауысуы теріге күтім жасауға әсер ете ме? Әрине! Біз өзіміздің бьюти-редактор Санна Франклинмен әңгімелесіп, саған денеңді жазға әзірлеуге қандай бес рәсім көмектесетінін білдік.

Санна Франклин: Мен жаздың нағыз жанкүйерімін. Күн, жағажай және ыстық ауа-райын жақсы көремін. Маусымдардың ауысуы мен аумалы-төкпелі кезеңдерде теріні күту туралы барлығын білемін, өйткені мен Стокгольмде және Нью-Йоркте өмір сүрдім. Менің жаз мезгілінде теріге күтім жасау кеңестерімді қабыл ал. 

1. ТЕРІНІҢ ТҮЛЕУІ

Қырғышты аптасына екі рет пайдалану – терінің тегістігі үшін күресуге менің қосқан үлесім. Шынтақ, жіліншік (бәрінен де құрғауға бейім) тұстарын тексеру үшін душқа арналған гель мен қырғыш жағамын. Алайда жұмыс бұл жерден бітпейді! Қолдардың терісі де күтімді қажет етеді, сондықтан мен «Сүт пен бал – Алтын серия» нәрлендіргіш қырғышын пайдаланамын. Ол теріге тегістік, жұмсақтық береді және оларда сүт пен балдың жағымды хош иісі бар – ең керегі де осы!

2. ДҰРЫС ҚЫРЫНУ

Белдемше, көйлек және шолақ шалбар жылы ауа-райы өзінің сән ережелерін айтады. Терінің тегістігін сақтап тұру және қырыну немесе түксіздендіру кезінде кесілу мен тітіркенулерді болдырмау үшін ұстараның жүзін жиі ауыстыр, қырынуға дейін және кейін қолданатын құралдарды пайдалан.

Егер теріңде ұстараның ізі қалса, не істеу қажет? Уайымдама! Сүлгіні салқын суға малып, тітіркенген жеріңе бірер минутқа басып тұр. Келесі бірер күнде құрамында спирт бар өнімдерді пайдаланба, олар теріңе одан да көбірек зиян келтіруі мүмкін.

3. ҚАУІПСІЗ КҮНГЕ КҮЮ

Біз бәріміз теріге тигізетін УК-сәулеленудің жағымсыз әсері туралы білеміз, алайда әдемі күнге күюсіз қандай жаз болмақ? Ешқандай да! Бақытымызға орай, одан да жақсырақ тәсіл бар. Қырғышты немесе түлеткіш құралды пайдалан, ал келесі күні – автоқараю. Дақтардың пайда болуын болдырмау үшін осы рәсімді әрбір екі-төрт күн сайын қайтала.

4. КҮННЕН ҚОРҒАНУ

Әрқашан да санскрин қолдан тіптен сен көлеңкеде тұрсаң да, автоқараю пайдаласаң да, немесе күн бұлттың астына жасырынған болса да. Тек SPF қана сенің теріңді зиянды ультракүлгіннен қорғайды, пигменттік дақтардың пайда болуының алдын алады және мерзімінен бұрын қартаю қаупіне тойтарыс береді.

5. ТЕРІНІ ІШТЕН ЫЛҒАЛДАНДЫРУ

Жазда терінің ылғалдылығын сақтап тұру – қажеттілік. Ыстықта көбірек су іш – бұл организм жоғалтқан сұйықтық қорының орнын толтыруға көмектеседі. Менің кеңесім: бөтелкеге су құйып, лимонның бірер кесіндісін қос, оны тоңазытқышқа қойып, күні бойы салқын суды ішіп жүр. Қарапайым және пайдалы. 

Мәтін: Фото: Кристин Рейфорд

Купить сейчас

Ұқсас мақалалар