Бьюти-кеңестің 5-тобы

Біз өзіміздің сұлулық редакторларымыздан сенімен, кезінде өздері алған үздік бьюти-кеңестерімен бөлісулерін сұрадық.

ФАТИМА ДЕ ЛАЧИКА

Латын Америкасы

«Ешқашан макияжды жумастан ұйықтауға жатуға болмайды. Ең болмағанда бетті күніне екі рет жуу маңызды – таңертең және кешке – тіпті сен үйге тым кеш келсең де және тек төсекке құлай кетуді ғана армандап тұрсаң да. Маған бір кездері берген ең үздік кеңес – төсектің жанында тұрған тумбочкада бет сүртуге арналған тазартқыш сүлгілер ұстау, шұғыл қажет болған жағдайда макияжыңды сүрту және теріні ұқыптап тазарту үшін».

СОФИЯ МАРИНЬО ДЕ ЛЕМОС
Штаб-квартира Орифлэйм, Стокгольм

 «Менің мамам әрқашан айтатын: шашың – сенің басты аксессуарың, сондықтан оған күтім жасауды ешқашан ұмытпа.  Ол дұрыс айтады, әдемі, жарқырап тұрған шаш, күтім жасалған тері сияқты, мықты денсаулықтың куәгері ғой. Салонға тұрақты түрде бару, уақтылы түсін жаңартып тұру және аптасына кем дегенде бір рет шашқа арналған масқа жасау – міне менің күтім жасау қағидам».

САНДРА МАРИЧ
Батыс Еуропа

«Үздік бьюти-кеңесті маған таныс визажистім берді: кірпіктеріңді қайырмас бұрын, кішкентай қысқаштарды фенмен бір-екі секунд қыздырып жібер. Бұл кірпіктерге барынша тартымды пішін берумен қатар, оның сол күйін ұзақ сақтауына көмектеседі».

ДЕВАНТИ СУБИДЖАНТОРО
Индонезия

«Бір адам маған сұлулық рецептін ашып берді: бақытты сезіну және сау тері. Содан бері мен кешенді күтімге зор көңіл бөлемін және барынша жиірек күлімдеуге тырысамын». 

ДАМЛА АЙГЮН
Турция

«Менің әжемнің терісі мінсіз болатын. Мен одан сырын сұрағанымда, ол былай деп жауап берді: күн – бұл өмірдің ұлы кереметі, бірақ терінің қауіпті жауы. Содан кейін мен тиімділігі жоғары күннен қорғайтын құралдарды тіптен бұлтты күндері де қолданатын болдым».





Мәтін: Фото: Sanna Franklin

Қазір сатып алу

Ұқсас мақалалар