1. Үлкен сақал
Егер де сен бұрыннан сақал өсіргің келіп, бірақ күмәнданып жүрген болсаң, міне бірнеше дерек, олар сені дұрыс шешім қабылдауға көндіруге тиіс. Сақал 95%-ға дейін зиянды ультракүлгін сәулелерді сүзгіден өткізеді, астмамен ауыратындардың өмірін жеңілдете отырып, аллергендерді тежейді, 100% кепілдікпен ұстаралық кесілулерден сақтайды, суықта жылытады және бокспен жаттығу кезінде амортизация рөлін атқарады (бірақ біз кәсіби қорғаныс құралдарын пайдалануға кеңес береміз). Егер де бұл болжамдар сені көндіре алмаса, онда тағы айтарымыз, үлкен сақал – 2017 жылдың ең маңызды ерлер трендінің бірі. Кейбір стилистер жабайы еркектің бейнесін жасау үшін сақалды тарамауға кеңес береді, алайда бұл сен өзіңнің жеке меншік тігіншің тіккен киімдерді киген жағдайда ғана орынды болады.
2. Қарапайым сақал
Үлкен сақал – ұзын шаш немесе орасан зор бұлшық еттер тәрізді. Барлығында бірдей өсе бермейді. Алайда бұл трендтен қалуға себеп емес! Тіптен, хипстер сақалы сен үшін қиял әлемінің дүниесі болып қалса да, сен әрқашан да үш күндік қылтандарды өсіре аласың, және де дұрыс күтім жасаған жағдайда бұл нұсқа алдыңғыдан ешқандай да кем емес. Бірақ сен қарапайым ғана қырынбай қоюға қарағанда, әлдеқайда күрделірегіне бел байлаған болсаң, тұрақты күтім жасауды ұмытпа. Сақалыңды барынша жиі тегістеп отыр, дұрысы – оны күнде жуып, тарап, сонымен қатар шашқа арналған май жағып отыр.
3. Төсектен енді тұрғанда
Бұйра шаштың иегерлеріне барынша шынайы нұсқа. Бұйра шаштар, нәзік көмкерілген бет әлпет, немесе көркемделе шығып тұрған бұйра шаштар богемалық еркелікпен күнін өткізетін, романтикаға жақын жандарға, брит-поп табынушыларына немесе өткен ғасырдың 70-80 жылдарындағы The Doors тобы, тар шалбарлар мен үлкен жағалы ашық түсті көйлектер тәрізді мәдени мұралармен қоштасқысы келмейтіндерге тән. Стилистер (оларға біз де қосыламыз) мынадай түрлендірме ұсынады: ұлғайтылған қапталдар айырымы, а-ля Афро шаш үлгісі және де ең қиыны – жастықтан басыңды енді көтергендей әсердегі, ұқыпсыз жатқызылған шаштар.
4. Бәрі бір
Бұйра шаш – кездейсоқ жағдай. Барлығының жолы бола бермейді. Алайда мұңаюдың реті жоқ. Түзу шаштар да осы жылдың трендіне кіреді. Тиімді үйлесім – стайлингтік құралдың үлкен мөлшері + жалпақ тарақ: үйден шықпас бұрын, әлем сенің шаш үлгісімен жұмыс жасағаныңды көруі тиіс! Нұсқалар түрі ретінде стилистер подиумға оралған wet look-ты ұсынады, саған оны жасау үшін немесе желкеден бастап көзіңе қарай таралған кекілді шаш үлгісін жасау үшін шашқа арналған гельдің айрықша көп мөлшері қажет болады.
5. Машинкамен
Көптеген адамдар бұл стильді «спорттық» стиль ретінде біледі, алайда сенің New Balance кроссовкаңа қарағанда, онда спорттық ешнәрсе де жоқ. «нөмір 2 шаш алудың» артықшылығы – машинкаға қойылатын қондырманың нөмірі – бұл, ең бірінші кезекте ыңғайлылық, және таңертеңгі күрделі күтім мен шаш сәндеуге көңіл аудармау мүмкіндігі. Жаңа маусымда алты миллиметрлік шаш алу бізбен бірге қалады, бірақ біз енді артық минимализмнен арылуды жоспарлаймыз. Мұны жасаудың ең қарапайым тәсілі – түс қосу. Алтын, флуоресценттік-қызғылт түстер маңызды, сонымен қатар маусымның ең басты түсі: electric blue. Қаншалықты өзгеше болса, соншалықты жақсы!
