ДИАГНОЗДЫ АНЫҚТА
Алдымен, сенің терің расында да майлы типке жататындығын анықтауың қажет. Көбінесе, біздің майлы тері деп ойлағанымыз, организмдегі гормональдық бұзылулардың нәтижесі, соның ішінде еркектердің жыныстың гормондары андрогендердің деңгейінің көтерілуі болып табылады. Бірақ егер сенің терің тәуліктің ортасында барынша майлы болып кетсе, егер де оған макияж тұрмаса, поралар қатты байқалатын болса, Т-аймағының айналасында үнемі бөртпелер пайда болса, ең дұрысы, сенің терің шынымен де майлы типке жатады.
ЖУЫНУҒА АРНАЛҒАН ӨЗ ҚҰРАЛЫҢДЫ ТАҢДА
Егер сенде майлы тері болса, онда саған, әсіресе агрессивті құралмен жуғаннан кейін пайда болатын тартылу сезімі таныс болар, Бұл нашар белгі: бұл сенің теріңде үнемі қайталанып тұрса, онда сен тек мәселені қиындатасың, өйткені терінің себумді одан да қарқынды бөлуіне себепкер болып отырсың. Жуыну үшін теріні құрғатпайтын гель немесе басқа жұмсақ құрал қолданып көр.
ТОНИКТІ ҰМЫТПА
Тоник сенің теріңнің табиғи рН-деңгейін теңгеруге көмектеседі, көз алдыңды пораларды кішірейтеді және қабынуды басады – яғни, майлы терінің басты мәселесін шеше алады. Сонымен қатар ол макияждың қалдығын және тітіркендіруге әкеліп соқтыруы мүмкін басқа да ластануларды жояды.
МАСКА ҚОЛДАНЫП КӨР
Егер сенің терің майлы болса, онда сенің балшық маскасысыз ісің бітпейді. Ол ластануларды сорып алады, пораларды тазартады және тері майының бөлінуін азайтады.
ЫЛҒАЛДАНДЫРҒЫШ ҚҰРАЛДАРДАН АҚШАҢДЫ ҮНЕМДЕМЕ
Терінің құрғап кетуіне ешқашан жол берме. Іс жүзінде, тері сау болып қалуы үшін майлы теріге әлдеқайда көбірек ылғалдандыру қажет. Құрамында май жоқ жеңіл ылғалдандырғыш құралдар немесе гельдер ізде, ал барынша жақсы нәтижеге қол жеткізгің келсе іріткі пайдалануды ұмытпа.
СІҢІРГІШ МАЙЛЫҚТАРДЫ ҚОЛЫҢДА ҰСТА
Тәуліктің екінші жартысында сенің терің көбірек май бөліп шығарады, бұл өте қалыпты жағдай, бірақ аздаған ыңғайсыздық туғызуы мүмкін. Сіңіргіш майлықтар – бет терісінен барлық керексіздерді алып тастаудың қолайлы тәсілі.
ҚАБЫРШАҚТЫ ДҰРЫС АЛ
Түлеу терінің бетінде жиналып қалған және тітіркендіру тудыратын өлі жасушаларды алып тастайды. Бірақ біз терісі майлы адамдарға тері тазалауға арналған аппаратты пайдалануға кеңес бермейміз – оның орнына гидроксиқышқыл негізіндегі түлеткіш құралды қолдан. Мысалы, құрамында салицил қышқылы бар құралдар тиімді қабыршақтандырады және пораларды тазартады.
КҮННЕН ҚОРҒАН
Егер сенің терің майлы жылтырдың пайда болуына бейім болса, сен күннен қорғайтын крем туралы ойдан-ақ қолайсыздық сезінуің мүмкін. Бізде сен үшін жақсы жаңалық бар: бүгінгі күні нарықта көптеген жеңіл майсыз текстуралы күннен қорғайтын құралдар бар, сонымен қатар бірқатар күндізгі кремдердің құрамында да SPF бар және ол сенің теріңді мамандандырылған өнімдерден кем қорғамайтын болады.
