Қадам қадаммен: колор-блокинг стиліндегі маникюр

Колор-блокинг, немесе түрлі-түсті блоктарды пайдалану – бұл қарама-қарсы түстер үйлесімінің көмегімен тырнақтарды айқынырақ көрсетудің жарқын және маңызды тәсілі. Біз мұндай әсерге қол жеткізудің төрт қарапайым қадамын көрсетеміз.

1. БАЗАЛЫҚ ҚАБАТ

Лактың үш қарама-қарсы реңкін таңда. Олар қаншалықты ашығырақ болса, сенің маникюрің соншалықты анық байқалатын болады. Алдымен тырнақтарға ашық түстің қабатын жақ – бұл маникюрдің базасы болады, ал қалған түстер онымен шұғылаланатын болады. Толықтай кебуін күт.

2. ҚИҒАШ ҮШБҰРЫШ

Енді суретте көрсетілгендей етіп, тырнақтың жоғарғы жағының орта тұсынан бастап үшбұрыш пішінінде екінші түсті жақ. Қарапайым ережені есіңде ұста: әрқашан да жалпақ бір сызыққа қарағанда, бірнеше жіңішке сызықшалар жүргізген дұрыс. Сонымен бірге жіңішке сызықшалар тезірек кебеді, яғни жаңа жағылған лактың жағылып қалу қаупі азаяды.

3. БҰРЫШ

Таңдап алынған үшінші түстің көмегімен үлкен үшбұрыштың шегінде тағы да бір кішірегін сыз. Нақты салу үшін сен арнайы жіңішке қылқаламды пайдалануыңа немесе өзіңнің ескі қылқаламдарыңның біреуін кесіп алуыңа болады. Сенің құралың қаншалықты жіңішке болса, бұрыштары да соншалықты сүйір және жұмыс та айқынырақ болады.

4. ҚОРҒАНЫШ ҚАБАТЫ

Ең соңында көбірек жылтырақ болуы үшін қорғаныш жабыны қабатын жақ

Видеосабақты көру үшін мына жерді нұқыңыз.



Мәтін: Фото: John Buddee Nail art: Frida Selkirk