АТМОСФЕРА ҚАЛЫПТАСТЫР
Үй спа-салонының бірінші ережесі: бетке арналған маска қолдан. Ылғалдылық па, нәрлендіру ма, лифтинг немесе әжімдерді азайту ма, қандай нәтижеге қол жеткізуді қалайтыныңа қарамастан, - маска жұмыс істейді. Лайықтысын таңда, дұрыс пайдалан және … Тоқта! Неге бойыңды босаңсытатын музыка қоймасқа немесе сүйікті хош иісің сезілетін майшам жақпасқа? Атмосфера қалай өзгергенін сен бірден сезесің.
СӘНДІ ТЕТІК ҚОС
Көптеген спа-салондарда маскаларды ылғалды ыстық сүлгінің көмегімен сүртеді, ол ұсақ тесіктерді ашып, терідегі ластануларды кетіру үшін жасалады. Осы үрдісті үйде қайталау үшін саған таза мақта-мата сүлгісі қажет. Оны ыстық суға салып, бірнеше рет бүкте де, ұқыпты түрде бетіңдегі масканы сүрт. Енді мүлде басқа!
КЕРЕҒАРЛЫҚПЕН ОЙНА
Теріні сергіту үшін бірде салқын, бірде жылы душтан артық ешнәрсе жоқ. Ол бір-ақ сәтте энергияға толтырып, иммунитетіңді арттырады және қан айналымын жақсартады. Бұл маңызды: душтың соңғы 3-5 минутында бейтарап температуралы сумен жуынғаныңыз дұрыс, сонда қалыпты күйге түсесіз.
АРТЫҚ НӘРСЕДЕН АРЫЛ
Көздің астындағы күлдіреулерден тек қияр кесіндісінің көмегімен ғана құтылуға болады деп ойлайсың ба? Мүлде олай емес. Шәй қасықтың бір-екеуін 15 минутқа мұздатқышқа қойып қой, содан кейін қасықтың дөңес жағын көз ұясының сүйегі аймағына бас. Содан кейін көздің айналасындағы теріге арналған нәрлендіргіш крем жақ. Мұндай тәсіл кремнің әсерін арттырады. Бастысы – кремнің көздің шырышты қабығына түспеуін қадағала.
ТЕРІГЕ ҚАМҚОРЛЫҚ ЖАСАУ
Тері қартая бастағанда, оның түсі мен текстурасы өзгереді. Бұл коллаген мен эластиннің ыдырауынан туындайды. Бетіңе пішін айқындылығы мен тегіс түс беру үшін құрамында кофеин немесе ретинол бар сарысу қолдан.
МАНИКЮР МЕН ПЕДИКЮР ЖАСА
Үй спа-салоны үшін бастысы – дұрыс өнім таңдау. Барлығы өзіңде бар ма, тексер:
- Тырнаққа арналған лактарды кетіретін құрал: бұрынғысын кетіреді және тырнақты жаңа лак жағуға әзірлейді;
- Пемза: мүйізгектерді кетіруге көмектеседі;
- Тырнақтарға арналған егеуіш: тырнақтарыңа пішін береді және бетін жақсылап тегістейді;
- Сірқабықтарға арналған бальзам: жұмсартады, нәрлендіреді және тырнақтарды құрғаудан қорғайды;
- Тырнақтарға арналған лактардың сүйікті түсі.
Бұдан да көбірек қалайсың ба? Маникюрдегі бес қателік туралы біл, оларды жасамау қажет.
