Шын мәнінде қарапайым smoky eyes

Мұқабадағы модельдің жұмбақша көз тастауының орнына панданың көздері – тіпті smoky eyes сіздің қолыңыздан келмесе де, біздің нұсқауларымызбен өзгеше болады. Оңай, қарапайым, лезде – OnColour-дың жаңа өнімдерімен жабдықталып алыңыз да, жарқын болыңыз!

1 қадам

Тегіс қылқаламға күміс түсті реңк жағып алып, оны қабақтың ортасына қаққылап отырып жағыңыз. Қылқаламды әр жаққа ары-бері жылжыта бермеңіз – оны қабаққа ақырындап басыңыз да, қажет болса, көбірек өнім қосып отырыңыз.

2 қадам

Қылқаламды аударып алып, аппликатор-спонж арқылы көздің бұрыштарына жылтыраған ақшыл сары реңк жағыңыз: ол көзді айқара ашып, сергектік береді.

3 қадам

Драма қосыңыз! Жауапты сәт: сол тегіс қылқаламға қара реңк жағып алып, артық пигментті сілкіп тастап, көздеріңіздің сыртқы бұрыштарына жағыңыз. Дем алып тұруды ұмытпаңыз! V әрпінің пішініне келтіріп қарайтуға тырысыңыз. Қара реңкті аздап қосып отырып, қылқаламды артық қозғалыссыз қабаққа басып отырыңыз – бұл табысқа жетудің басты кілті. Қырларын ашып, жеңіл мұнарлауға қол жеткізу үшін, таза қылқаламмен биязы түрде шеңберлетіп жағыңыз.

4 қадам

Төменгі кірпіктерді күміс түсті реңкен сызыңыз және оларды төменірек жағудан қорықпаңыз: осылайша сіз көзіңізді көрнекті түрде кеңейтесіз.

5 қадам

Біз финалға жақындадық! Көзіңізге қара түсті қарындаштың көмегімен тереңдік беріңіз: кірпіктердің арасындағы кеуектерді бояңыз, үстіңгі және төменгі шырыштыларды сызыңыз. Енді тушь қалды: ең көлемдісін таңдап алып, бірнеше жомарт қабат жағыңыз. Мұндай макияжда кірпіктер неғұрлым жарқырап тұрса, соғұрлым жақсы болады!

6 қатар

Қараңғы реңктегі қанық макияж жүзіңізді шаршағандай етіп көрсетеді: бұған жол бермеу үшін, көзіңіздің астына консилер қосыңыз, ал беттеріңіздің ұштарына жылы реңкті далап жағыңыз. Ерніңізге мүлде тимеңіз немесе бейтарап реңкті ерін далабының жұқа қабатын жағыңыз: осылайша көздеріңіз назар аудартып тұратын болады.

Қарапайым, жылдам – сонда сіз мыңдаған лайк жинайтын селфиге дайынсыз! Макияжды біздің сабақтан қайталап тұрыңыз және нәтижеңізді #на_цвете және #OnColour хэштегтерімен бөлісіп тұрыңыз.

 

Мәтін: Фото: Oriflame

Ұқсас мақалалар