1.ТЫРНАҚТАРҒА АРНАЛҒАН НЕГІЗДІ ЖАҚПАЙСЫҢ
Маникюрге арналған негіз қабаты – бұл да тоналды негізге арналған праймер тәрізді. Ол терінің бетін тегістейді және лактың бірінші қабатының түйіршіктеліп жағылуына жол бермей, дұрыс жатуына көмектеседі. Бұл ғана емес. Шын мәнінде, тырнақ тілімшесінің құрамында май болады, ол лактың бекуіне және тырнақпен «жанасуына» кедергі келтіреді. Сондықтан осы майлардың әсерін бейтараптандыру үшін үнемі тырнаққа арналған негізді жағуға кеңес береміз. Сонымен қатар, сенің сүйікті лагың ұзақ уақыт сақталатын болады.
2. ТЫРНАҚТАРДЫ ДҰРЫС ЕГЕМЕЙСІҢ
Егер де сен тырнақтарыңды алдыға-артқа қозғай отырып егейтін болсаң, бұл тырнақтарыңның қатпарлануына немесе тіптен тырнақ тілімшесінің әлсіз бөлігі - жиектерінің зақымдануына әкеліп соқтырады. Тырнақ егегішті алдымен бір шетінен бастап ортасына қарай еге, бағытын өзгертпе, содан кейін тырнаққа қажетті пішін бергеніңше екінші шетінен тура осылай қайтала.
3. СІРҚАБЫҚТЫ КЕСЕСІҢ
Артық сірқабықты артқа қарай жылжыт – бұл дұрыс. Бірақ оны кесу – ережеге қайшы! Сірқабық дегеніміз не? Бұл тырнақ тілімшесінің түбіндегі жұқа тері және бактериялардың жолындағы қорғаныс бөгеті болып табылады, сондықтан сен сірқабықты кері итергенде, әрине ол бірқатар уақыттан кейін өз орнына қайта оралады. Сірқабыққа күтім жасау және құрғаған немесе қатпарланған кезде ауырсыну сезімін болдырмау үшін нәрлендіргіш крем қолдануға кеңес береміз. Сірқабықты жұмсартуға арналған бальзамды үнемі үстеліңнің үстінде немесе төсегіңнің қасындағы кішкентай шкафта ұста және оны қажет болған жағдайда қолдан.
4. ЛАҚТЫ ӨТЕ КӨП ҚАБАТТАП ЖАҒАСЫҢ
Орнықты маникюрдың құпиясы – жұқа қабатты лак. Егер де сен лакты көп жақсаң, маникюр жылдамырақ өшеді және оңай зақымданады. Екі қабат – тиімді тәсіл.
5. ТЫРНАҚ ҰШЫН ЖЕЛІМДЕМЕЙСІҢ
Лак тырнақтың ұшында жиі ажырап кете ме? Таныс оқиға. Егер де құр қорғаныс қабатын жағатын болсақ, бұл қиындықтан құтқармайды. Былай жасап көр: лактың қабатын жаққаннан кейін, қылқаламның ұшымен тырнақтың астыңғы бос ұшымен алдыға-артқа жүргіз. Екі күн өткеннен кейін тура осылай қайтала, бірақ бұл жолы қорғаныс қабатының көмегімен жүргіз. Бұл лакты қосымша беріктілікпен қамтамасыз етеді және кездейсоқ сынудан қорғайды.
