Өс, бұрымым: шаштың өсуін жылдамдатудың жеті тәсілі

Егер сен осы жазда жалпы көпшіліктің әуестігіне беріліп, шашыңды қысқа етіп қиған болсаң, онда қазіргі кезде өз шешіміңе өкініш білдіріп және де шаштарыңның тезірек қайтадан өскенін тағатсыздана күтіп жүрген шығарсың. Білесің бе? Бұл үдерісті тездетуге болады! Айтайық.

1. Тазалық – денсаулық кепілі!

Ластану, артық май және шаш үлгісін жасау кезінде қолданылған құралдардың қалдығы шаш фолликулаларын бітеп тастауы және осылайша шаштың өсуін тежеуі мүмкін. Олай болмауы үшін, өзіңнің шаштарыңның тынығуына жағдай жаса және бірталай уақыт бойы стайлингтік өнімдерді қолданба.

2. Дұрыс сусабын таңда

Көптеген сусабындар ластануларды және шаш үлгісін жасау кезінде қолданылған құралдардың қалдығын жақсы жояды. Бірақ сен сусабын таңдауда қателескен болсаң немесе шаштарыңды әдеттегіден көбірек жуатын болсаң, онда сен шаштарыңның өзінің жұмсақтығы мен дені сау түрін сақтауға көмектесетін жұқа майлы қабатын бұзасың. Сонда не істеу керек? Біз сенің шаштарыңа ұқыпты қамқорлық жасайтын қалпына келтіруші сусабын ұсынамыз.

3. Әрқашан кондиционер қолдан!

Шашты бояу мен ыстық шаш үлгісін жасату уақыт өте келе сенің шаштарыңды, әсіресе ұштарын әлсіретеді. Бұл қиындықтан құтылу үшін, шашыңды әрбір жуған сайын кондиционер пайдалан. Кондиционер сірқабықты жабуға және сол арқылы шашты зақымданудан қорғауға көмектеседі.

4. Маска жаса

Егер де сен шашыңды өсіруге шешім қабылдасаң, олардың ұштарына да оңай тимейтіндігіне дайын бол, және де оларға да айрықша күтім мен қамқорлық қажет. Қарапайым кондиционермен құтыла алмайсың. Әрине, шаштың ұшын үнемі қиып отыруға болады, бірақ егер де сен батыл шараларға дайын емес болсаң, аптасына бір рет маска жасап көр немесе шашқа арналған май жағып көр.

5. Жастықтың тысын ауыстыр

Егер де жастықтың тысы мақта-матадан тігілген болса, онда оны сәтенге ауыстыр. Ол жұмсақтау, бұл дегеніміз ұйықтаған кезде қажалу азырақ болады, және де сен әдеттегідей шашың ұйпаланып оянбайсың.

6. Диета туралы ұмытпа

Шашыңның өсуі үшін, сенің организміңе қанықтырғыш заттар, сондай-ақ темір, В тобының витаминдері, мырыш пен ақуыз қажет. Мұндай диетаны жасау және ұстап жүру – оңай іс емес екенін түсінеміз, сондықтан да шашты өсіруге арналған арнайы әзірленген витаминдік қоспаларды ұсынамыз.

7. Айналаңа шынайы көзбен қара

Ал, соңына да жеттік. Тіптен сен өзіңнің шаштарыңа барлық жағдай жасаған күннің өзінде де, бір түннің ішінде ол беліңе дейін өсіп кетпейтіндігіне дайын бол. Соңғы зерттеулер көрсеткендей, шаштың өсу жылдамдығы орташа алғанда жылына еуропалық ұлт өкілдері үшін 13 сантиметрді, азия халықтарының өкілдері үшін 15 сантиметрді құрайды.


Мәтін: Фото: Getty Images