ҚАНТ СЕНІ ҚАЛАЙ ҚАРТАЙТАДЫ
Қанттың артығы теріңде коллаген синтезі азаятын 35 жаста әсерін көрсете бастайды. Ғылыми тұрғыдан бұл келесідей орын алады: глюкоза коллаген мен эластан талшықтарын «жабыстырады», соның нәтижесінде тері жасушалары қатайып, әлсірейді. Осы үдеріс гликация деп аталады (гуглдан қара). Сырттан бұл әжім, тері серпімділігі жоғалу және күңгірттену түрінде – қартаю белгілерінің классикалық жинағында көрінеді.
Бірақ қант коллаген бүлінуіне әсер етіп қана қоймайды. Ол теріңнің жасушалары шығаратын коллаген типіне де әсер етеді. Мықты берік талшықтар әлсіз және сынғышқа айналады, олар теріңнің ең қатал жауы – күн сәулелерімен қоса, қоршаған ортаның зиян әсерлеріне шалдыққыш!
ҮРЕЙСІЗ
Мынаны қаперде ұста: егер қаныңда глюкоза деңгейі нормада болса, гликация сен үшін – әдеттегі үдеріс, оған уақыт өте келе барлық кісілер ұшырайды. Қанты көп тамақ ішкен дұрыс емес, соның нәтижесінде гликация үдерісі арта түседі.
ЗИЯН ҚАНТ
Ең айқын қант көзі – әрине, тәтті сусындар, кондитерлік бұйымдар мен пісірме, сонымен қатар қант қосылған кофе мен шай. Бірақ егер тері жастығын шынымен ұзартқың келсе, ақ нан мен паста сияқты қарапайым көмірсуларды тұтынуды қысқартуың керек. Одан басқа, азық-түлік құрамын қарап, жасырын қант көздерін ізде, мысалы жүгері сірнесі гликация қарқындылығын 10 есе көбейтеді.
ПАЙДАЛЫ ҚАНТ
Қант тұтынудың кеңес берілетін деңгейі – күніне 6 кішкентай қасықтан асырмай (шамамен100 кКал). Фруктоза мен лактоза сияқты табиғи қант түрлері ағза үшін пайдалы болуы мүмкін. Олар ағзаңа қажетті, пайдалы жасұнық, витаминдер мен антиоксиданттармен бірге барлық жемістер мен көкөністерде, сонымен қатар сүт өнімдерінде бар.
НЕ ІСТЕЙ АЛАСЫҢ
Тері жастығын сақтауға каллория тұтынуды бақылап, қанты көп тамақтан бас тартатын сау тамақтану ең тиімді көмек береді.
Рационыңды антиоксиданттар көп азық-түлікпен толықтыр. Көк шай іш, қаражидек, көкжидек пен грек жаңғағын, сонымен қатар қызыл бұрыш же. Антиоксиданттар бос радикалдармен (қант сияқты) күреседі және оларға эластан мен коллаген талшықтарына әсер етуге мүмкіндік бермейді.
Замануи күту құралдары да қанттың теріңе зиян әсерін бейтараптандыруға қабілетті, бірақ сау тамақтану сияқты тиімді емес. Коллаген өңделуіне ықпал ететін кремдер мен сарысулар гликация үдерістерімен күреседі және әжімдерді тіпті іштен ығыстырады – бізге Ecollagen қатарындағы құралдар ерекше ұнайды. Егер терің серпімділігін жоғалта бастаса, саған NovAge Ultimate Lift сияқты лифтинг әсері бар кешенді күту құралдары келеді. Және, әрине, теріңді зиян күн сәулелерінен сақтайтын күннен қорғану құралдарын күнде пайдалануды ұмытпа.
