Егер де сен ешқашан медитация жасап көрмеген болсаң, біздің кеңестерімізге құлақ түр. Ең алдымен отыруға ыңғайлы, тыныш әрі жайлы орын тауып ал. Мысалы, креслоға, диванға немесе еденге отыруыңа болады. Егер қажет болса, астыңа көрпе немесе жастық қойып қой. Біздің медитацияны үйде жасауға кеңес бергенімізге қарамастан, оны кез-келген жерде жасап көруіңе болады. Саған ең керектісі – сені ешкім мазаламайтын орын.
- Өзіңе ыңғайлы болатындай жайғасып отыр да, алақандарыңды жоғары қаратып қолдарыңды тізеңе қой. Көздеріңді жұмып, тыныс алуыңа назар аудар және ешнәрсені ойламауға тырыс. Бірден олай жасай алмауың мүмкін, бұл қалыпты жағдай. Дәл қазіргі жағдайға ойыңды шоғырландырып, бар назарыңды тыныс алуыңа аудар. Мұрныңмен демалуға тырыс.
- Төрт-бес рет тынысыңды толық ішке тартып, шығар. Өкпең ауаға толған кездегі сезіміңді бақыла.
- Келесі терең тыныс алған уақытта табандарыңның бұлшықеттерін барынша қатайтып, ал тынысыңды шығарған кезде босаңсыт. Екі рет қайтала.
- Табаныңнан балтырыңа, тізеңе, сандарың мен бөксеңе, ішіңе, кеудең мен арқаңа, иықтарыңа, қолдарыңа, білектеріңе, мойындарыңа, беттерің мен басыңның төбесіне қарай жоғары өрлей жылжи отырып, бүкіл денеңнің бұлшықеттерін жиырып, босаңсытуды жалғастыр.
- Бар назарыңды толықтай өз денеңе аударып, ішіңдегі тыныштықтан рахаттан. Біршама уақыт осы сезімнің құшағында отырып, жайлап көзіңді аш. Көңіл-күйің қалай өзгергенін, сезесің бе? Енді сен мұны көбірек жасай аласың және өзіңді жақсы сезінетін боласың. Алға!
