Бәрі жақсы

Зиянды тағамдарға неге тез әуестенесің, компьютер алдында ерініп, түні бойы отырасың, ал спортпен айналысу, дұрыс тамақтану және өзіңе күтім жасау соншалықты қиын? Біріншіден, бұл ұнамды, алдаудың қажеті жоқ. Жақсы көңіл-күй сыйлайтын істі қайталағың келеді. Сен торт тілімін (немесе қытырлақ картоп) жеп отырмын деп ойла. Дәл сол сәтте не сезесің? Дұрыс, рахаттану – бұл екінші себебі. Ал, мысалы сен күнделікті өзіңе күтім жасау үшін 10 минутыңды бөлуді әдетке айналдыруға тырысқан кезде пайдасы мен рахатқа бөлену сезімін бірден сезіну мүмкін емес. Не істеу керек? Талқылап көрейік.

Теріге кешенді күтім жасау, спорт, дұрыс тамақтану, карьера да нәтижесін уақыт өте келе көрсетеді. Бұл үрдіс. Сондықтан, рахаттану сезіміне бөленбей тұрып бір нәрсені жасауға өзіңді мәжбүрлеу өте қиын, тіпті керісінше, оны бастар алдында күшіңнің азайғанын сезесің. Алайда шығатын жолы бар!

БОС УАҚЫТЫҢ ЖОҚ БОЛСЫН

Өміріңнің үйреншікті бөлігіне айналған жағымды, бірақ зиянды нәрседен қол үзген кезде, оны алмастыратын бір нәрсе қажет. Ол инерция бойынша өзіне тартады ғой! Жұмыста бір қызықты жоба басталса, жаңа қызықтыратын бір іспен айналысуды бастасаң немесе ол сүйікті ісіңе айналса – өмірдің басқа салаларына назарыңды аударасың деп айтуға болады. Сөйтіп жағымсыз әдеттер туралы ұмытасың.

ӨЗІҢМЕН КЕЛІСІМ ЖАСА

Ешбір пайдалы әдет бір күнде немесе бір аптада қалыптаспайды, яғни оны ұмыту үшін де уақыт керек. Өз-өзіңмен келісім жаса! Егер апта бойы күнделікті жаттығу жасайтын болсам, аптаның соңында өзіме парфюм сатып аламын деп өз-өзіңе сөз бер. Немесе егер дұрыс тамақтанатын болсам, онда демалыс күндері сәнді мейрамханаға барамын де. Өзіңді ынталандыр – өзіңнің қалаулы сыйлығың не болатынын өзің білесің

Блогер, жаттықтырушы әрі кәсіпкер Соня Солдатованың кеңесі: «Мен slow beauty, баяу сұлулық қолдаушысымын. Өзімнен арманымдағыға ұқсас бейнені жасап шығаруға менің 8 жылым кетті. Өзіңмен жұмыс істеуді азап ретінде қабылдаудың қажеті жоқ. Бұл сенің жеке уақытың, ол жерде өзіңмен өзің қаласың, жалғыз және бәрінен тынығуыңа болады. Өзіңе күтім жасау, белсенділік және спорт сенімен ырғақты екпінде және өмір бойы бірге болуы тиіс. Және де өзіңе үнемі күтіп жасап отыру қажет. Күрт өзгеріс – бүгін жуынамын, жылдам лосьон жағамын, сосын ол бір жылдай босқа жатады, сосын ол жайында бір жылдан кейін есіме түседі – бұл маған тән емес».

НАҚТЫ МАҚСАТТАР ҚОЙ

Бір аптада 10 кг арықтау, шылым шегуді ертең тастау, ал бүрсігүні – мерекелік тағам мен 30 адамға торт әзірлеу, сенің қолыңнан бар келетіні – теңіз өнімдерінен әзірленген паста болса да: келісесің бе, бұл мақсаттар мүлде нақты емес қой? Тіптен сен олардың бәрін және он шақтысын орындасаң да ешқандай сүйсінуге де, пайдаға да, қажетті нәтижеге де қол жеткізе алмайсың.

Театр және кино актрисасы Ирина Горбачеваның кеңесі: «Өмір барысында біз жиі өзімізге қандай да бір шимай дәптер ретінде қараймыз. Әйтеуір бір күні бәрін таза жасайтын боламын, денсаулығыма күтім жасаймын, өзіме күтім жасаймын, бірақ қазір емес дейміз. Өйткені уақыт жоқ, мүмкіндік пен ықылас жоқ. Сосын жасы 35-ке келгенін байқаған әйелдер спортзалға жүгіреді, бетіне бір нәрсе жасауға, тартуға ұмтылады, тағысын тағылар. Бірақ барлық батыл шешімдер әлдеқайда күрделі мәселелерге әкеледі: сен өзіңде бастапқыдан қалыптаспаған нәрселерге қолдау жасауға тырысасың.

Өзіңді жақсы көру үшін, оны жасап үйрену қажет. Ол туралы күнделікті ойлану керек, уақыт жұмсау керек, және бір жыл болмауы мүмкін. Оған жүйелі қадам жасау керек, ол сонымен бірге адамдарға, достарыңа, айналаңа деген қарым-қатынасыңа да қатысты, өйткені оның барлығы маңызды бір нәрсеге беретін және салатын сенің энергияң».

ИГІ ІСТЕР ЖАСА ЖӘНЕ ӨЗІҢ МЕН ҚОРШАҒАН ОРТАҒА СҮЙІСПЕНШІЛІКПЕН ҚАРА

Қарапайым өзгерістер кішкентай қадамдардан тұрады. Жақсылыққа аттаған қадамдардың өзі болмашы болып көрінуі мүмкін, бірақ сондай қадамдарды қаншалықты көп жасасаң, пайдасы да соншалықты көбірек байқалады. Бұл сенің өміріңе ғана емес, айналаңдағылардың өміріне де қатысты. Жақсы, бірақ ескі заттарыңды немесе кітаптарды жинап, балалар үйіне беру. Жүгіру ұйымдастырып, одан түскен барлық қаражатты қайырымдылық қорына өткізу. Үйде, жұмыста немесе өзіңнің ҚКП-ндегі шамдарды электрүнемдегіштерге алмастыру. Өйткені сұлулық – тартымды сыртқы келбеттен де жоғары. Ол сонымен бірге жақсы іс.

Әлеуметтік желілерде әлемді қалай жақсартып жатқаныңмен бөліс, #прекрасныеперемены хэштегін көрсет. Ең айқын оқиғалар «Тамаша өзгерістер» деректі фильмінің серияларына негіз болады. Толығырақ oriflamesummer.com сайтынан біліңіздер.

Мәтін: Фото: Владимир Кочетков, Oriflame

Қазір сатып алу

Ұқсас мақалалар