БАСЫТҚЫҒА: СМЁРРЕБРЁДТАР
Сүйікті нан мен ірімшік, біраз фантазия — кештің хиті дайын. Дәстүрлі шведтік бутербродтардың біз ұсынған нұсқаларын жасап көр:
— Қара нандағы қаймақ, ақсерке және аскөк;
— Ақ нандағы рикотта және балғын інжір;
— Ақ нандағы кілегейлі ірімшік, сүйікті жеміс-жидектер;
— Қара нандағы авокадо муссы, жұмыртқа және аскөк.
НЕГІЗГІ ТАҒАМ: КІЛЕГЕЙ ТҰЗДЫҒЫНДАҒЫ ТЕФТЕЛИ
Өзің жақсы көретін рецепт бойынша бұзау етінен тефтели дайындап, суда пісірілген шағын картоппен ұсын. Кілегей тұздығымен толықтыр - бұл мерекелік үстелдегі дәстүрлі шведтік митболаның ең жақсы нұсқасы.
Тұздық үшін келесілер қажет болады:
— 650 мл сүт;
— 40 г бидай ұны;
— 60 г сары май;
— 1 лавр жапырағы;
— Бір шымшым жұпар жаңғағы;
— Дәміне қарай тұз/бұрыш;
— 60 г протеин кешені (қалауыңызша).
Дайындау тәсілі:
1. Ұнды сары маймен баяу отта қуырып ал, сүтті ақырындап құй, тоқтатпай араластыр. Түйіршіктердің пайда болмауы үшін отты ортаңғы деңгейге дейін көтер.
2. Жұпар жаңғағы мен лавр жапырағын қос. Қайнатып, дәміне қарай тұз бен бұрыш қос.
3. Оттан алып, протеин кешенін қос (қалауыңызша), араластыр және електен өткіз.
ДЕСЕРТ: ВАНИЛЬДІ ТҰЗДЫҒЫ БАР АЛМҰРТ
Алмұртты дәмдеуіштер қосылған тәтті шәрбатта пісіріп, ұсақталған жаңғақ сеп. Ол не бәрі 10 минутта піседі және сол күйінде тәтті болады, дегенмен біз оны одан сайын ерекше қылуды ұсынамыз - үстіне ваниль тұздығын құйыңыз.
Тұздық үшін келесілер қажет:
— 4 жұмыртқаның сарысы;
— 110 г қант;
— 500 мл сүт;
— ванильдің 1 собығы;
— 40 г ваниль дәмі бар «Нэчурал Баланс» коктейліне арналған құрғақ қоспа (қалауыңызша).
Дайындау тәсілі:
1. Баяу отқа сүт пен ваниль собығы құйылған ыдысты қой. Қайнатпа.
2. Сүт қызып жатқан кезде жұмыртқаның сарысын қантпен көпірт. Жұмыртқаның сарысын ақырындап сүтке құй және баяу отта дайында, тоқтамай және қайнатпай 5-6 минут араластыр.
3. Оттан ал, «Нэчурал Баланс» коктейліне арналған құрғақ қоспаны (қалауыңызша) қосып, жақсылап араластыр және суыт.
