Сұлулық ұйқысы: қалай тез ұйықтап кетуге болады?

Ұйықтап кету үшін қой санап кетесің бе? Босаңсу мүмкін емес пе? Ең жақсы тәсіл бар! Бес қарапайым қадаммен теріге кешкі күтім жасауды өзгертіп, таңда күшіңнің көбірек болатынын сезін.

1. ДАЙЫНДАУ

Әдетте кереуетте жатып не істейсің: демаласың ба, жұмыс жасайсың ба, попкорн ұстап сериал қарайсың ба және тіпті кешкі ас ішесің бе? Егер солай болса, пайдалы дағдыдан баста: жатын бөлмеде - тек ұйқы! Үйіңде толықтай босаңсуға мүмкіндік беретін орын болсын. Оны барынша жайлы ет: сапалы матрасты және жағымды матадан тігілген төсек жабдықтарын таңда, түнгі шам мен көшедегі шам жарығын басатын қалың жапқыш іл. Барлық бөгде заттарды алып таста - әсіресе теледидар. 

2. КҮНІ БОЙЫ

Кез келген спортпен шұғылдан, бірақ тек кеште емес: осылайша сен босаңсисың, барлық жиналған күйзеліс пен артық энергиядан арыласың. Уақытша күндізгі ұйқыдан бас тарт: тіпті түстен кейінгі 15-20 минуттық ұйқының өзі кешкі ұйқыға кедергі келтіреді. Ұйықтағанға дейін 8 сағат бұрын кофеин қабылдама - оның тек кофеде ғана емес, шоколадта да бар екенін ұмытпа.

3. ҰЙҚЫҒА ДЕЙІН 3-4 САҒАТ БҰРЫН

Жеңіл кешкі ас уақыты — таңертең қарның ашып тұруын қаламайсың ғой! Ақуыздар мен күрделі көміртектерді таңда, олар ұзақ уақыт бойы тоқтық сезімін береді - ал түнде тәттіні (соның ішінде жемістерді) жемеген дұрыс, әңгіме мүсініңізге келетін зиянда ғана емес. Қант қандағы глюкоза деңгейінің жоғарылап, лезде төмендеуін тудырады, ол ұйықтауға кедергі келтіреді және ұйқы сапасын нашарлатады.

4. ҰЙҚЫҒА ДЕЙІН 2 САҒАТ БҰРЫН

Электронды аспаптардың барлығын сөндір: экрандар ұйқы гормонын шығаруға жағымсыз әсер ететін көк жарық шығарады. Оның үстіне, жаңа ақпарат ми белсендігін ынталандырып, сергектікті қайтарады "Тағы бір серияны көріп тастайын, сосын ұйықтаймын" орнына кітап оқы, медитация жаса немесе жылы ванна қабылда, ал ылғалдандыру үшін босаңсытатын лаванда хош иісі бар майды қолдан.

5. ҰЙЫҚТАР АЛДЫНДА

Денеңнің жоғарғы бөлігі мен жастығыңа лаванданың эфир майы негізіндегі арнайы спрейді шаш, ол дене мен ойыңды тыныштандыруға көмектеседі. Ұйқыға арналған маска ки - ол жарықты басып, толықтай қараңғылық әсерін береді. Ешқандай сытырдың ұйықтап кетуге кедергі келтірмеуі үшін құлақ тығынын қолдан. Көзіңді жұмып, денеңнің ақырындап қалай босаңситынын сезін. Осылайша көзіңді тек таңда ғана ашатының сөзсіз!

Мәтін: Фото: Oriflame