«Алты жыл бұрын мен Oriflame-ге жазғы тағылымдамаға келдім, одан табысты өткеннен кейін тұрақты жұмысқа алды. Мен халықаралық компанияда жұмыс істеуді армандадым, және де ол арманым орындалды. Oriflame-де мен клиенттік сервисті дамытумен шұғылдандым, халықаралық жобаларды үйлестіріп отырдым және сатылым мен бизнеске қолдау білдіру бөлімінде жұмыс істедім. Мен өз ісімді шексіз сүйдім, алайда күйзеліс те жеткілікті еді, әсіресе дағдарыс кезінде. Бір сәттерде мен әйтеуір бір нәрсені өзгерту қажеттігін түсіндім. Өмір бұрынғыдай, алдыңғы өткен үш жылдағыдай көңілді болмай кетті. Сосын мен шешім қабылдадым. 2017 жылдың 5 шілдесінде менің Мәскеу қаласынан кеткеніме тура екі жыл толды.
Мен қашанда көп саяхаттауды қалайтынмын, жұмыспен бірлестіре түрлі елдерге саяхат жасадым. Сосын Таиландқа кету мүмкіндігі туған кезде, мен дәл солай жасадым. Жұмыстан шығуға бір-ақ күнде шешім қабылдадым – бұл өзім үшін де және басқалар үшін де күтпеген жағдай еді – екі аптадан кейін мен ұшақта отырдым. Арманыңмен өмір сүру үшін өміріңді осылайша тез өзгерту – ең дұрыс шешім болғандығын, мен осы өткен екі жыл ішінде түсіндім. Қазіргі кезде мен өзіме еркін жүруге, өзімнің travel-арманымды жүзеге асыруға және одан әрі дамуға мүмкіндік беретін өмір салтына қол жеткіздім. Өзіңе ұнайтын нәрсені жасау өміріңді толыққанды әрі жарқын етеді».
Шешім қабылдауың жайында айтып берші. Оған қалай қол жеткіздің?
«Мен Таиландқа кетіп қалу — бұл авантюра және тәуекел деп ойладым. Бәрі ойдағыдай болуы да, болмауы да мүмкін екендігін түсіндім. Белгісіздікке аяқ басуға шешім қабылдадым, және менде бәрі ойдағыдай болды. Белгілі бір қиындықтардан кейін, бәріне қол жеткіздім. Карьера жақсы жүріп жатты, мен Oriflame-нен кетемін деп ойлаған жоқпын, орынды түрде бәріне қол қойдым, бірақ сосын түсіндім: бір нәрсесі болар дедім. Егер де жасап көрмесең, онда жасағаннан гөрі жасамағаның үшін өкінесің. Сондықтан мен әрқашан да тәуекел етемін».
Неліктен Азия, Америка емес?
«Маған Азия ауа-райы тұрғысынан да, сұлулық тұрғысынан да және колорит тұрғысынан да ұнайды. Маған адамдары, олардың менталитеті мен құндылықтары өте ұнайды. Азияда өмір сүру деңгейі өте жоғары емес, ал адамдар өздерінде барды бағалайды. Мен Азияда бірнеше рет болғанмын, және қайда бара жатқанымды да білетінмін. Тайландқа келгеннен кейін мен мектепке ағылшын тілінің мұғалімі болып жұмысқа тұру оңай екендігін білдім. Осылайша мен жаңа мамандыққа қол жеткіздім.
Тай мектебінде бір семестр жұмыс істегеннен кейін, елді ауыстырғым келді. Тайланд өте босаңсытып жібереді, сен өзіңе күш салғың келмей кетеді. Мен сол жерде Наташамен таныстым, біз жақсы дос болып кеттік, ас бөлмесінде бірге отырып, бұдан әрі қай мемлекетке баратындығымызды таңдадық. Екеуміз де Қытайда болмаған екенбіз, ненің қалай екендігін сұрастырғаннан кейін, визамызды жөндетіп, билет сатып алдық та, ұшаққа отырдық. Мен жаңадан бір нәрселерді білгенді, жаңа адамдармен танысқанды ұнатамын, маған елдің мәдениетінің ішкі жақтарын білген маңызды. Сен жай ғана саяхаттап жүргенде, сол елде тұрып немесе жергілікті адамдармен бірлесе жұмыс істегендегідей елді жақсы сезіне алмайсың».
Өз жобаңды жасау жөніндегі арманнан сен өзіңнің авторлық саяхаттарыңды ұйымдастырып жүрген қазіргі сәтке дейін қанша уақыт өтті? Сайтты өздерің жасадыңдар ма әлде адамдарды тарттыңдар ма?
«Бұл арман менде бұрыннан бар болатын. Мен Oriflame-де жұмыс істеп жүргенде де, саяхаттағанды ұнататынымды түсінетінмін және осы салада өзімді дамытқым келетін. Құрбыммен ойларымыз бір жерден шықты, бұл екеумізге де қызықты еді. Алғашқы қадамымыз сәтсіз болды: біз бір беттік сайт жасадық, бірақ топ жинақтауға қол жеткізе алмадық. Идеямызды тастаған жоқпыз. Мен нәтижеге қол жеткізгенше талаптана беру қажет деп санаймын. Қытайда жүргенде біз тағы да қадам жасап көруге шешім қабылдадық. Біз төрт бағытта, өзіміз бірнеше рет болған елдерге төрт саяхат әзірледік, және адамдар осы елді ұнатып қалатындай етіп көрсете аламыз».
Бұл қай елдер?
«Біздің үш саяхатымыз Гонконгта басталады: Гонконг-Макао-Солтүстік Вьетнам, Гонконг-Макао-Филиппин, Қытай және Таиланд-Малайзия. Негізгі форматы – елге және мәдениетіне барынша ене отырып, саяхаттау-оқиғасы. Біз жергілікті тұрғындар тәрізді жүретін, солар тәрізді тамақтанатын, ойын сауық құратын және біздің достарымызбен таныстыратын боламыз. Бір сөзбен айтқанда, әдеттегі туристік оператормен жүрген кезде көру қиынға түсетін жерлерді көрсететін боламыз.
Біз қандай да бір қайырымды істерді, волонтерлік элементтерін жасауға тырысамыз, өйткені біз тұтынушылар ғана емеспіз деп ойлаймыз. Біз жергілікті тұрғындарға айырбас ретінде бір нәрсе беруге тиіспіз. Біз сайт жасадық, фрилансер-дизайнер жалдадық, қазіргі уақытта жарнама жасау және адамдарды тарту кезеңіндеміз. Адамдар барынша көбірек эмоция мен әсер алатындай етіп көрсету үшін біз елдерді жақсы білеміз.
Әлеуметтік желілерде қалай жұмыс істейтіндеріңді айтып берші. Нені үйрендің? Оқыдың?
«Біздің өнімді нарықта сату қиын. Бәрібір де адамдар бізбен бірге барғылары келеді, өйткені біз мықты саяхатшылармыз, біз әдеттегі туристік пакеті ұйымдастырушыларға қарағанда елді жақсы таныстыра аламыз. Бұл жерде өз брендіңді іске қосу қажеттігі сөзсіз. Қазіргі кезде мен әлеуметтік желілерді жүргізу бойынша көптеген алуан түрлі курстардан өтіп жатырмын. Басқалар қалай дамып жатқандығын оқып көріп жүрмін, және де барлық жақсы жақтарын қабылдап, өз саламызда қолдануға тырысамын».
Басты желілер – бұл инстаграм мен фейсбук па?
«Шындығында, әзірге бұл біздің жеке парақшамыз @spadack. Біз @travelnowornever компаниясының аккаунтымен жұмыс істейтін боламыз, бұл жерде жұмыс істеу үшін үлкен мүмкіндіктер бар. Әлеуметтік желілерден бізге адамдар келеді, олар немен байланыс жасағандарын, және нені күтетіндіктерін жақсы түсінеді».
Бизнесті жүргізу бойынша қандай кітапты оқуға кеңес бересің? Тіптен, олар қажет пе?
«Өзіңе сенімді болу үшін бизнес, маркетинг және өздігінен даму бойынша кітаптар қажет екендігі сөзсіз. Сен жаңадан бір нәрсе бастағанда, көптеген қорқыныштар пайда болады ғой, сол кезде осындай кітаптар сенің ойыңды орнына қояды. Менің үш кітабым: «Клиенты на всю жизнь» ( мен ), «Стратегия голубого океана» (Ким Чан мен Рене Моборн) және Барбара Шердің кітаптары, олар маған жақсы шабыт береді».
Сенің үлкен корпорацияда жұмыс істеген тәжірибең бар, карьера жасадың. Қазір сен кәсіпкер болдың және бұрыннан армандағандай өмір сүрудесің. Өмірін өзгертуге шешім қабылдау үшін адамдарға қандай кеңес берер едің?
«Мен өзіңнің өмірдегі құндылықтарыңды, өмірде сен үшін не маңызды екендігін түсіну қажет екендігіне сенімдімін. Және де сен бір нәрсені қолға алған кезде, осы мен үшін маңызды ма деп өзіңнен сұрауың қажет. Егер де сен өзің үшін маңызы жоқ, саған бақыт әкеле қоймайтын нәрсені жасап жүргеніңді түсінетін болсаң, онда бір нәрсені өзгерту қажет. Егер де оған қол жеткізе алмай жатсаң, өзіңе ауыр тимейтіндей етіп, белгілі бір түрде жасау қажет. Күш жинап алып, өзің қалағаныңды жасауға ұмтылу керек. Өзіңе арманыңның, қандай мақсатқа қадам жасайтыныңның, қиындықтар туындаған кезде, бәрін тастап кеткің келген сәтте сені не нәрсе шабыттандыратынының айқын және нақты бейнесін жасап алуың қажет. Және де осы бейне, сенің құндылықтарыңның бастысы, ол сені шабыттандыратын, жігерлендіретін және жетістікке қол жеткізу үшін саған қажетті энергия беретін болады. Және де жоспарлау мен мақсат та өте маңызды екендігі сөзсіз. Және де қорықпау қажет. Бұл өте қиын, бірақ әрбір күні жоспарлы түрде, баяу қадаммен алға жылжу қажет, сонда ғана нәтиже болады. Сосын өз-өзіңмен келісіп ал: егер де қорқынышты болса, біз жиырма минуттай ғана қорқамыз, сосын әрі қарай жұмыс жасаймыз».
