«Біздің таңымыз 7:30-да басталады — отбасымызбен асханаға жиналып, таңғы ас әзірлейміз. Ирек тамаққа жауап береді, ал балалар күні бойына жететін күш алу үшін жеміс жидектер қосылған Wellnessc коктейлдерін дайындайды - осыдан кейін ешқандай бөлкелер мен тәттілерді жегің де келмейді! Біздің отбасымыздағы таң — күніміздің ең тыныш әрі қарбалассыз бөлігі, біз күш жинап, позитивті эмоцияға берілетін уақыт. Ең басты ереже - жұмыс 11 сағаттан ерте басталмауы тиіс, алғашқы іскери қоңырауларға және электронды хаттарға дейін асықпай душ қабылдап, үлкен үстел үстінде отбасылық таңғы ас ұйымдастырып және балалармен табиғат аясында қыдырып үлгереміз.
Біз әрқашан таңертең және кеште өзімізге күтім жасауға бір минут болса да бөлуге тырысамыз. Ең қызығы отбасымызда Ирек ваннада ең көп уақыт өткізеді, күтім жасауға барынша жүйелі түрде қарайды: музыка қосады, бетке арналған маскалар жасайды, теріге көп сатылы күтім жасауды қолданады. Бұл менің еңбегім деп санаймын - мен бұрыннан жолдасымды бизнесмен әрқашан 100 пайыз көрінуі тиіс деп үйрете бастадым. Менің де өз әлсіздіктерім бар - орыс моншасын жаным сүйеді, мен үшін бұл нағыз терапия, бір күнімді осы моншада өткізуге дайынмын», — дейді Альбина.
«Күндізгі сағат бірлер шамасында біз қалаға барамыз - қандай да бір жанға жағымды жерде түскі асымызды ішеміз және мектептегі екінші ауысымға үлгереміз. Кешке дейінгі барлық қалған уақытты толықтай істеріміз бен бизнесімізге арнаймыз. Тіпті үйге оралғаннан кейін де 21:00-де біз вебинарлар өткіземіз және скайп бойынша байланысқа шығамыз. Иә, біз түн жарымына дейін жұмыс жасамыз, бірақ ұйқымызды қандырып үлгереміз. Кәсіпкерлер тиісті уақыттан да көбірек жұмыс жасай алады, өйткені біз кеңсемен және уақытпен шектелмейміз. Бұл ретте, біз жұма күні бес күндік жұмыс аптасынан кейінгі қатты шаршауды сезінбейміз.
Біздің отбасымызда “мен” түсінігі жоқ, біз істердің барлығын бірге атқарамыз — бизнес жүргіземіз, балаларға қараймыз, СПА-ға барамыз. Біз тіпті ата-аналар жиналысына да бірге барамыз. Көбінесе біз балаларсыз тек екеуміз саяхат жасаймыз немесе жай ғана "біздің жұма" күнін ұйымдастырамыз - күні бойы жай ғана уақыт өткізіп, теледидар қарап, ешқандай жұмыс жасамай, оңаша уақыт өткізуге болатын отельден нөмір жалға аламыз.
Біздің үйімізге қонақ көп келеді, біз кешкі астарды жиі ұйымдастырамыз немесе жай ғана барлығымыз бірігіп мейрамханаға бір оқиғаны атап өтуге барамыз - кейде бүкіл уақытыңды тамақ дайындауға кетірмей, өз-өзіңе уақыт арнай білу керек. Қала сыртына және жорыққа шығу немесе жай ғана кинотеатрдан жаңа мультфильм қарау үшін үлкен отбасымызды жинағанды ұнатамыз. Бизнестің арқасында апта күніне назар аудармауға қабілеттіміз, өзімізге қажет кезде демалыс жасай аламыз».
