Skip to main content Skip to main menu Skip to search
  1. Бастапқы
  2. Қалай сатып алу
  3. Дербес деректерді қорғау саясаты

Дербес деректерді қорғау саясаты

 

 «ОРИФЛЭЙМ» ЖШС Бас директоры

Алакбаров Катрин ханымның

2015 жылғы 01 қыркүйектегі бұйрығымен 

бекітілді  

«ОРИФЛЭЙМ» жауапкершілігі шектеулі серіктестігі ("Біз") сіздің дербес деректеріңіздің қорғалуы мен сақталуын қамтамасыз ету қағидасын ұстанамыз.

Осы дербес деректерді қорғау саясаты сілтемесі бар веб-сайттарды немесе басқа құжаттарды пайдалану шарттары мен ережелерін үйлестіре отырып, біз өңдейтін дербес деректердің (сіздің, сіз туралы немесе сіздің бізге ұсынған деректеріңіз) жиналатын негізін құрайды. Сіздің дербес деректеріңізбен атқарылатын біздің жұмысымыздың қалай құрылатындығы және біздің оларды қалай пайдаланатындығымыз туралы түсінік алу үшін, бұдан әрі келтірілген құжатпен танысып шығуыңызды өтінеміз. Өз деректеріңізді тіркеу нысанында (CAF) немесе  http://kz.oriflame.com/business-opportunity/become-consultant сілтемесімен электронды түрде немесе қағаз түрінде ұсына отырып, сіз осы Дербес деректерді қорғау саясатында жазылған ережелермен келісесіз.

Қазақстан Республикасының 21.05.2013 жылғы № 94-V «Дербес деректер және оларды қорғау туралы» Заңын сақтау мақсатында, келесі мекенжайда орналасқан «ОРИФЛЭЙМ» жауапкершілігі шектеулі серіктестігі дербес деректердің операторы болып табылады: 050051, Қазақстан Республикасы, Алматы қ., Достық даңғылы, 140.

Біз деректерді Заңға сәйкес өңдейміз, дербес деректерді өңдеу мақсаты – өз міндеттеріміздің орындалуын қамтамасыз ету және сіздің тіркелуіңізбен байланысты туындайтын өз құқықтарымызды қамтамасыз ету. Біз деректерді бұдан кейін жазылған ережелерге сәйкес өңдейміз.

 

1   Біздің сізден ала алатын ақпаратымыз

Біз сізден өзіңіз туралы келесі деректерді алып, өңдей аламыз:

1.1      Сіздің бізге ұсынатын ақпаратыңыз. Сіз біздің www.kz.oriflame.com  сайтымыздағы (біздің сайт) нысанды толтырып, жазбаша түрде тіркеу нысанын толтырып немесе бізбен телефон, электронды пошта арқылы немесе басқа тәсілде хабарласып, өзіңіз туралы ақпаратты ұсына аласыз. Бұған біздің сайтымызға тіркелу кезінде, кеңесші мәртебесін алуға жазылу кезінде, өнімді іздеу кезінде, біздің сайтымызға тапсырыс орналастыру кезінде, әлеуметтік желілерде немесе біздің сайтта ұйымдастырылған талқылауларға немесе басқа іс-шараларға қатысу кезінде, конкурстарға, промоакцияларға немесе зерттеулерге қатысу кезінде, сондай-ақ біздің сайтымызда орын алған әлдебір мәселелер туралы ақпараттандыру кезінде өзіңіз ұсынған ақпарат кіреді. Сіздің бізге ұсынған ақпаратыңыз келесі тармақтардан тұруы мүмкін:

  • ТАӘ,
  • туған күні,
  • пошталық мекенжайы,
  • электронды поштаның мекенжайы,
  • стационарлық немесе ұялы телефон нөмірі,
  • кеңесшінің бірегей сәйкестендіру нөмірі (тіркеу нөмірі),
  • жеке сәйкестендіру нөмірі,
  • салық төлеушінің жеке нөмірі,
  • банк деректемелері,
  • егер сіз кәмелетке толмаған азамат болсаңыз, қамқоршыңыздың аты мен тегі,
  •  азаматтығы туралы мәліметтер,
  • жеке басын куәландыратын құжаттардың нөмірі, аталған құжаттың берілген күні мен оны берген орган туралы мәліметтер.

Сату-сатып алу Шартына қол қоя отырып, Сіз өзіңіздің келесі деректеріңіз жалпыға қолжетімді дербес деректер болып табылатындығымен келісесіз:
тегі, аты және әкесінің аты; E-mail; пошталық мекенжай (байланыстар үшін), кеңесшінің тіркеу нөмірі, ұялы телефон нөмірі.

Сіз бізге аталған мәліметтерді ұсынасыз деп үміттенеміз. Дегенмен, егер сіз бізге жеке ақпараттыңызды жариялағыңыз келмесе, жеке деректеріңізді ұсынбауды өтінеміз. Өтінеміз, егер аталған ақпарат ұсынылмаған болса, кейбір жағдайларда біз сізге өзіңіз сұраған қызметтерді ұсына алмайтындығымызды назарға алуды өтінеміз.

1.2      Біздің сіз туралы жинайтын ақпаратымыз. Біз сіздің сатып алған заттарыңыз туралы оқиғаларды, біздің кеңесшілер желісіндегі сіздің деңгейлеріңіз туралы, сіздің жұмыс нәтижелеріңіз туралы, сіз демеуші атанған жаңа адамдар туралы деректерді сақтаймыз.

Сіз біздің сайтқа әр кіргеніңіз сайын, біз келесі ақпаратты автоматты түрде жинай аламыз:

  • Сіздің компьютеріңізді Интернет желісіне қосу үшін пайдаланылған Интернет-Протоколдың (ІР) мекенжайын қоса алғанда, техникалық ақпаратты, сіздің пайдаланушы атыңыз, браузердің типі мен версиялары, сағат белдеуінің баптаулары, браузер плагиндерінің типтері мен версиялары, операциялық жүйе мен платформа туралы ақпарат;
  • Біздің сайтымыз бойынша толық біріздендірілген ресурс локаторларымен (URL) кіру оқиғаларын және біздің сайтымызға кіргеннен кейін (күні мен уақытын қоса алғанда), қаралған өнімді немесе іздестірілген өнімді, беттің жылдам мән беруін, жүктеу кезіндегі қателіктерді, кейбір беттерде болу ұзақтығын қоса алғанда, сіздің кіруіңіз туралы ақпарат, бетте қолданылған әрекеттер бойынша ақпарат (скроллинг, шерту немесе тінтуірдің меңзерін жүргізу), сондай-ақ беттен шығу үшін пайдаланылған тәсілдер туралы, сонымен қатар біздің клиенттермен жұмыс істеу бөліміне қоңырау шалу үшін пайдаланылған телефон нөмірі туралы ақпарат.

1.3.        Біздің басқа дерек көздерінен алатын ақпаратымыз. Егер сіз біздің басқаруымыздағы әлдебір басқа веб-сайттарды немесе біз ұсынатын әлдебір басқа қызметтерді пайдаланатын болсаңыз, біз сіз туралы ақпарат ала аламыз. Біз үшінші тараптармен тығыз жұмыс істейміз (мысалы, іске әріптестерді, техникалық сипаттағы қызметтер ұсынатын, төлем қызметтерін және жеткізу қызметтерін ұсынатын қосалқы мердігерлерді, жарнамалық қызметтерді, іздеу ақпаратын ұсынатын талдау ұйымдарының, агенттіктерін қоса алғанда) және олардан ақпарат ала аламыз.

2   Ақпаратты пайдалану

Біз келесі міндеттерді орындау үшін сіз туралы алынған ақпаратты пайдаланамыз:

  • Сізбен келісімшарт жасауға орай туындаған біздің міндеттерімізді ұсыну, сондай-ақ дауларды шешу, төлем жинау мен ақауларды жоюды қоса алғанда, сіздің бізден сұратып алатын ақпаратты, өнімдер мен қызметтерді ұсыну;
  • Сізге біз ұсынатын, сондай-ақ сіз иеленген немесе сұраныс жолдағаныңызға ұқсас басқа тауарлар мен қызметтер туралы ақпарат ұсыну;
  •  Біздің арамыздағы келісімшарттық өзара қатынастарға сәйкес, сізге құқықтар, басымдықтар мен басқа да жағдайлар ұсыну;
  •  Біздің ынтымақтастығымызды реттейтін заңнаманың басқа ережелеріне, мысалы, салық заңнамасына, әлеуметтік қамсыздандыру туралы заңдарға, статистикалық міндеттемелерге және т.б. сәйкестілігі.
  • Біздің саясатымыз бен жұмыс ережелеріміздің сақталуын қадағалау және қамтамасыз ету.
  • Сізге Компанияның материалды талаптары туындаған жағдайда қарыздарды өндіру үшін
  • Сізге, біздің пікіріміз бойынша, сізді қызықтыруы мүмкін тауарлар мен қызметтер туралы ақпарат ұсыну немесе үшінші тұлғаларға сізге ақпарат ұсынуға рұқсат ету. Одан әрі сату мақсатында, біз сізге бұрын сатылған немесе талқылау мәні болған ұқсас тауарлар мен қызметтер туралы ақпарат ұсыну үшін, сізбен тек  электронды байланыс құралдары арқылы (электронды пошта немесе SMS) байланыс жасайтын боламыз. Ақпарат ұсынудың осы тәсілдерін біз сіздің келісіміңізбен ғана пайдаланамыз. Егер сіз ойыңыздан айнып қалсаңыз және өз деректеріңіздің осылай пайдаланылуын қаламасаңыз немесе маркетингілік мақсаттарда, өз деректеріңіздің үшінші тұлғаларға берілуін қаламасаңыз, өтінеміз, өз аккаунтыңыздың тиісті қатарына жалауша қойыңыз немесе info@oriflame.kz, мекенжайына электронды хабарлама жолдау арқылы клиенттермен жұмыс істеу бөліміне хабарласыңыз немесе +7 727 258 55 83 нөмірімен біздің клиенттерге қолдау көрсету бөліміне қоңырау шалыңыз.
  • Біздің қызметтер тізіміміздегі өзгерістер туралы хабарлау;
  • Біздің сайттың толтырылуы сіз үшін және сіздің компьютеріңіз үшін аса тиімді болып табылатын тәсілде іске асырылатындығына сенімділікті қамтамасыз ету;
  • Біздің тарапымыздан, сондай-ақ біздің кеңесшілер желісінің басқа қатысушылары тарапынан (негізінен, сіздің демеушілеріңіз) біздің кеңесшілеріміздің желісін тиімді басқаруды қамтамасыз ету;
  • Сайтты басқару және ақауларды жою, деректерді талдау, тестілеу, зерттеу, статистика жинау мен сұрауды қоса алғанда, ішкі операцияларды басқару;
  • Сізге және сіздің компьютеріңізге ақпарат ұсынудың мейлінше тиімді тәсілін қамтамасыз ету мақсатында, біздің сайтымызды жетілдіру;
  •  Егер сіз тиісті таңдау жасаған болсаңыз, Сізді біздің интерактивті қызмет көрсету функцияларымызды пайдалану мүмкіндігімен қамтамасыз ету;
  • Біздің сайтымыздың сақталуы мен қауіпсіздігін қамтамасыз ету;
  • Сізге және басқаларға біз ұсынатын жарнаманың тиімділігін өлшеу мен түсіну, сондай-ақ сізге тиісті жарнама материалдарын ұсыну. Бұған тұтынушының қанағаттанушылық дәрежесін зерттеу мен басқа да осыған ұқсас зерттеулер кіреді;
  • Сізді немесе басқаларды қызықтыратын тауарлар мен қызметтер туралы сізге және біздің сайттың басқа пайдаланушыларына арналған ұсыныстар мен ұсынымдар әзірлеу;
  • Реттеуші және басқа органдардан келіп түскен сұраныстарға жауаптар және тиісті дәрежеде мәлімделген заң талаптарына жауаптар.

Сіз Бізге келесілерді қоса алғанда, бірақ онымен шектелмей, жоғарыда аталған мақсаттарға қол жеткізуге қажетті немесе тиісті Сіздің дербес деректеріңізге қатысты кез келген әрекетті іске асыруға құқық бересіз: Сіздің дербес деректеріңізді жинау, жүйелеу, жинақтау, нақтылау (жаңарту, өзгерту), пайдалану, тарату (оның ішінде табыстау), жақсыз ету, бөгеттеу, жою, ҚР қолданыстағы заңнамасын ескере отырып, трансшекаралық табыстау. Сіздің дербес деректеріңізді біз келесі негізгі деректерді қолдана отырып (бірақ олармен шектелмей) іске асырамыз: сақтау, электронды және/немесе қағаз тасымалдағыштарға жазу мен оларды сақтау. Бұл жағдайда Сіз Өз дербес деректеріңіздің автоматтандырылған және автоматтандырылмаған өңдеу тәсілдерімен өңделуі мүмкін екендігінен тиісті дәрежеде хабардар болғаныңызды растайсыз. Біз Сіздің дербес деректеріңізді өңдеуді үшінші тұлғаларға тапсыруға құқылы екенімізбен және ҚР заңнама талаптары сақталған жағдайда, кез келген осындай үшінші тұлғалардың өз келісіміңіз негізінде осы дербес деректерді өңдеуге құқылы екендігімен келісесіз.

 

3   Сіздің ақпаратыңызды жария ету

3.1      Біз сіздің дербес деректеріңізді сатпаймыз, ұсынбаймыз және саудаламаймыз.

3.2      Біз 2 тармақта (Ақпаратты пайдалану) көрсетілген қызметті жүргізуде бізге қолдау көрсету мақсатында, біздің топтың мүшелері болып табылатын компанияларға сіздің дербес деректеріңізге қолжетімділікті ұсына аламыз және оларды өңдеуге рұқсат бере аламыз.

3.3      Біз келесі жағдайларда үшінші тараптың шектелген тобына қатаң шектелген жағдайда, сіздің дербес деректеріңізге қолжетімділік ұсына аламыз және оларды өңдеуге рұқсат бере аламыз:

  • Іскер әріптестер: олармен немесе сізбен жасалған келісімшарттарды орындау мақсатында, жеткізушілер мен қосалқы мердігерлер. Бұдан басқа осы санатқа келесі ұйымдар кіреді: тасымалдаушылар, несиелерді өндіру агенттіктері, факторинг және логистикалық қызметтерді жеткізушілер (жүкті жинау мен қаптау сияқты), тұтынушыларға қолдау көрсету бойынша қызметті жеткізушілер және т.б. 
  • Біздің кеңесшілер желісін тиімді басқару мақсатында, біздің кеңесшілер желісінің басқа қатысушылары (алғашқы кезекте біздің демеушілеріміз бен кіші кеңесшілеріміз). Егер біз сіздің дербес деректеріңізді аталған мақсатта басқа кеңесші-қатысушыларға беруімізді қаламасаңыз, онда info@oriflame.kz  мекенжайына электронды хабарлама жолдау немесе +7 727 258 55 83 нөмірімен біздің клиенттерге қолдау көрсету бөліміне қоңырау шалу арқылы хабарласыңыз.
  • Сізге және басқаларға қызықты болатын жарнама компанияларын таудау мен қызмет көрсету үшін деректер қажет болатын жарнама агенттіктері мен жарнама желілері. Біз тануға болатын тұлғалар туралы ақпаратты өз жарнама ұйымдарымызға таратпаймыз, алайда біз оларға өз пайдаланушыларымыз туралы жиынтық ақпаратты ұсына аламыз (мысалы, біз әлдебір күні 30 жасқа дейінгі 500-ге жуық адамның олардың жарнамасын басқандығы туралы ақпарат ұсына аламыз). Сондай-ақ біз жарнамалық ұйымдарға өз жарнамасын өзі арналған мақсатты топқа жеткізуіне көмектесу үшін, осындай жиынтық ақпаратты пайдалана аламыз  (мысалы, белгілі бір аумақтың өкілі болып табылатын жаңа кеңесшілер).
  •  Жеткізушілер, талдаушылар мен біздің сайтымызды жетілдіру және оңтайландыруға көмектесетін іздеу машиналарын әзірлеушілер.
  • Рейтингілік агенттіктер, егер несиелік бағалау сіз бен біздің арамызда келісімшарт жасаудың талабы болып табылса, несиелік бағалауды өткізу мақсатында.
  • Сізге өз хабарламаларымызды жөнелтуге мүмкіндік беретін техникалық шешім жеткізушілері (егер сіз осындай ақпаратты алуға келісім берсеңіз, маркетингілік хабарламаларды немесе тұтынуылардың қанағаттану дәрежесін зерттеуді қоса алғанда), мысалы, жаппай жөнелтілімдерді және жаппай смс-жөнелтілімдерді ұйымдастыру бойынша шешім жеткізушілері.

Сондай-ақ біз келесі жағдайларда сіздің дербес деректеріңізді үшінші тараптарға ашуымыз мүмкін:

  • Егер біз әлдебір бизнесті немесе активтерді сататын, сатып алатын немесе әлдебір тәсілде табыстайтын болсақ, бұл жағдайда біз аталған бизнесті немесе активтерді әлеуетті сатушыға, сатып алушыға немесе иеленушіге сіздің дербес деректеріңізді ашуымыз мүмкін.
  • Егер біздің компаниямызды немесе оның барлық дерлік активтерін үшінші тарап иеленетін болса, бұл жағдайда оның қолында тұрған клиенттер туралы бүкіл деректер табыстауға арналған активтердің бірі болып табылады.Егер біз заңды міндеттемелердің сақталуын қамтамасыз ету мақсатында, немесе өз саясатымыздың және/немесе пайдалану ережелерінің, сондай-ақ басқа да қолданылатын келісімдердің орындалуын қамтамасыз ету мақсатында; немесе өз құқықтарымызды, меншіктерімізді қорғау мақсатында, немесе өз клиенттеріміздің немесе өзге тұлғалардың қауіпсіздігін қамтамасыз ету мақсатында, сіздің дербес деректеріңізді ашу міндеттемесін иеленетін болсақ, бұған алаяқтықтан қорғау және несиелік тәуекелдерді азайту мақсатында, басқа компаниялармен және ұйымдармен ақпарат алмасу кіреді.

4   Біз сіздің дербес деректеріңізді қалай және қайда сақтаймыз

Сіздің бізге ұсынатын және сіз туралы біз жинайтын бүкіл ақпарат қорғалған серверлерде сақталады. «Онлайн» режимінде жасалатын барлық төлемдер SSL технологиясын қолдану арқылы шифрланады және тәуелсіз провайдерлер тарапынан өңделеді. Біз онлайн-транзакциялар үшін пайдаланылатын дебеттік немесе несиелік карталар туралы ақпаратты сақтамаймыз және жинамаймыз.

Сіз туралы біз жинаған деректер Қазақстан Республикасының заңнама талаптарына сәйкес Қазақстан Республикасының шегінен тыс таратылуы мүмкін. Деректерді Қазақстан Республикасы шегінен тыс тұрған және бізге немесе біздің жеткізушілеріміздің әлдебіріне жұмыс істейтін қызметкерлер тарапынан өңделуі мүмкін. Аталған қызметкерлер бұдан басқа сіздің тапсырысыңызды орындауға, Табысқа жету жоспарын іске асыру шеңберінде алынған сіздің төлем деректемелеріңізді өңдеуге, сондай-ақ қолдау қызметін ұсынуға тартылуы мүмкін. Өз дербес деректеріңізді ұсына отырып, сіз деректердің таратылуымен, сақталуымен және өңделуімен келісесіз. Біз сіздің деректеріңіздің қауіпсіздігін қамтамасыз етуге және Дербес деректерді қорғау саясаты мен тиісті заңдарды сақтауға қажетті барлық саналы әрекеттерді қолданамыз.

5   Қажетті сақтық сақтау міндеті

Егер біз сізге өз сайтымыздың белгілі бір тарауларына (әрі қарай “Есептік жазба”) кіруге жол ашатын пароль ұсынсақ (немесе сіз таңдап алсаңыз), сіз осы парольдің құпиялығын қамтамасыз етуге жауап бересіз. Сізден аталған парольді ешкімге хабарламауды өтінеміз. Егер сіз әлдебір үшінші тұлғаларға парольді хабарлайтын болсаңыз, онда сіз өз есептік жазбаңызды пайдалана отырып, қолданылған барлық әрекеттер үшін жауап бересіз. Егер сіз өз пароліңізді бақылау мүмкіндігінен айырылатын болсаңыз, онда өз дербес деректеріңізді бақылаудан да айырыласыз, сіздің атыңыздан заң тұрғысынан міндеттейтін әрекеттер жасалуы мүмкін. Сондықтан, егер сіздің пароліңіз әлдебір себептер бойынша ашылған болса, тез арада бұл туралы бізге хабар беріп, өз пароліңізді өзгертіңіз. Біз сайтқа кіру үшін пайдаланушының атын сәйкестендіруден өткізу рәсімінен басқа кезде, ешқашан сізден пароліңізді сұрамаймыз. Біздің қызметкерлеріміз ақпараттың қорғалуын қамтамасыз ету саласындағы кеңейтілген талаптарды сақтайды.

6   Сіздің құқықтарыңыз

6.1 Маркетингілік ақпарат. Сіз өз дербес деректеріңізді маркетингілік мақсатта өңдемеуді сұрауға құқылысыз. Әдетте, біз аталған мақсатта сіздің деректеріңізді пайдалануға ниетті екеніміз туралы немесе аталған мақсатта сіздің дербес деректеріңізді әлдебір үшінші тарапқа ашуға ниетті екеніміз туралы сізді хабардар ететін боламыз (сіздің деректеріңізді жинаудан бұрын). Сіздің деректеріңізді жинау үшін біздің пайдаланатын нысандарымызға (негізінен, CAF) тиісті жалаушалар қою арқылы сіз осындай өңдеуден бас тарту құқығыңызды пайдалана аласыз. Сондай-ақ сіз өз есептік жазбаңыздың тиісті қатарына жалауша қойып немесе электронды поштаның info@oriflame.kz мекенжайы бойынша біздің клиенттермен жұмыс істеу бөліміне хабарласып немесе +7 727 258 55 83 нөмірімен клиенттерге қолдау көрсету бөліміне қоңырау шалып, кез келген сәтте өз құқығыңызды пайдалана аласыз.

6.2      Ақпаратқа қолжетімділік. Нақтылау мен жою. Сіз өзіңіз туралы жиналған ақпаратқа қол жеткізуге және оны өзгерту мен жою туралы сұраныс жолдауға құқылысыз. Сіз өз есептік жазбаңызға жүгініп, дербес деректеріңізді қарап шыға аласыз, тексере аласыз және оның басым бөлігін өзгерте аласыз. Жалпы алғанда, біз сіздердің дербес деректеріңізге қол режимінде өзгерістер енгізбейміз, өйткені шалғайдан олардың сәйкестігін тексеру қиынға соғуы мүмкін. Дегенмен,  дербес деректер дәйексіз болған немесе өзгертілген жағдайда, оны дер кезінде және жедел жаңарту сіздің жауапкершілік салаңызға кіреді. Сіздің info@oriflame.kz электронды поштаға жолдаған сұранысыңыз бойынша немесе клиенттерге қолдау көрсету бөлімінің +7 727 258 55 83 нөмірі бойынша, біз сіздің есептік жазбаңызды қолданыстағы заңнамаға сәйкес мейлінше жедел жауып, Сізден тиісті ескерту алған соң, 1 (бір) жұмыс күні ішінде Сіздің дербес деректеріңізді өңдеуді тоқтатамыз. Біз заңнаманың сақталуын қамтамасыз ету, алаяқтықтың алдын алу, төлем бойынша қарыздарды жинау, дауларды шешу, ақауларды жою және заңнамаға сәйкес басқа да әрекеттерді орындау мақсатында, жабылған есептік жазба деректерін сақтаймыз. Дербес деректерді сақтау мерзімі  - Шарттың әрекет ету мерзімі ішінде және оның әрекет ету мерзімі тоқтатылған сәттен бастап кемінде 3 жыл.  

7   Үшінші тұлғалардың дербес деректерін өңдеу бойынша сіздің міндеттеріңіз

Сіз өз қызметіңіз барысында біздің кеңесшілер желісінің басқа қатысушыларының дербес деректерін жинау мен өңдеуді іске асыра алуыңызға орай, біз сізге дербес деректерді қорғау туралы Қазақстан Республикасының заң ережелерін, сондай-ақ осы Саясатта жазылған ережелерді сақтау қажеттілігі туралы ескертеміз.

Тиісті заңның, атап атқанда, сеніп тапсырылған деректерді өңделу мен қорғауды реттейтін ережелердің сақталуын қамтамасыз ететін тәсілде осы Саясатта жазылған көлемде және мақсатта дербес деректерді жинау мен өңдеуді іске асыруға келісесіз.

Атап айтқанда, сіз міндеттісіз:

  • Бұрын көрсетілген дербес деректерді өңдеу мақсаты шегінде сізге үшінші тұлғалар сеніп тапсырған дербес деректерді өңдеуге,
  •  Егер заңнама ережелерінде өзгеше көзделмесе, осы құжатта көрсетілмеген тәсілдердің әлдебірімен дербес деректерді одан әрі тапсыруға бағытталған әлдебір әрекеттерді қолданбауға,
  • Біздің өзара қатынастарымыз тоқтатылған соң (яғни, біздің Кеңесшіміз ретінде сіздің тіркелуіңіз күшін жойған соң), сеніп тапсырылған дербес деректерді тез арада қайтаруға және бұрын жазылған мақсаттарға қол жеткізу үшін өзіңіз сақтап қалуыңыз мүмкін болған электронды тасымалдағыштардан аталған деректерді жоюға.

Біз өзіңіз пайдаланған сеніп тапсырылған дербес деректерді қорғау тәсілдерін тексеру құқығын өзімізде сақтап қаламыз. Сіз бізден тиісті сұраныс алған соң, бізге тез арада осындай тексеру жүргізу мүмкіндігін ұсынуға міндеттісіз.

Сіз осы Дербес деректерді қорғау саясатына және Ережелерге сәйкес, сізге үшінші тұлғалар сеніп тапсырған дербес деректерді өңдеуге қатысты біз қойған барлық сұрақтарға, атап айтсақ, өзіңіз пайдаланған дербес деректерді қорғау тәсілдеріне қатысты сұрақтарға жедел әрі тиянақты жауап беруге келісесіз.

Үшінші тұлғалардың дербес деректерін жинау және/немесе өңдеу іске асырылған жағдайда, Сіз Ережелерде жазылған көлемде және мақсаттарға сәйкес, тиісті дәрежеде алынған дербес деректердің меншік иесінің келісімі болған жағдайда ғана, аталған әрекеттерді іске асыруға міндеттенесіз.

Біздің арамызда дербес деректерден құралған файлдарды өз арамызда жолдаған кезде, қоғамдық желі арқылы жолдау кезінде аталған файлдардың сақталуы дербес деректерді қорғау кезінде қолданылатын шифрлау құралы есебінен қамтамасыз етілетіндігі келісілді.

Егер сіз осы Дербес деректерді қорғау саясатын бұза отырып, дербес деректерді пайдаланатын болсаңыз, біз сіздің кеңесші ретінде тіркелуіңіздің күшін жоюға құқылымыз.

Осы Дербес деректерді қорғау саясаты мен Ережелерін бұза отырып, дербес деректерді өңдеумен байланысты үшінші тұлғалардың алдындағы сіздің міндеттемелеріңізге немесе дербес деректерді өңдеу үшін өзіңіз рұқсат берген тұлғалардың алдындағы өз міндеттемелеріңізге жауап бермейміз.

8   Куки-файлдар

Біздің веб-сайт сізді біздің сайттың басқа пайдаланушыларынан ажырату үшін куки-файлдарды (Пайдаланушылардың қатқыл дискілерінде орналасқан шағын файлдар) пайдаланады. Осы технология сізге біздің сайтты пайдаланудың оң тәжірибесін ұсынуға ықпал етеді, бізге өз сайтымызды жетілдіруге мүмкіндік береді. Біз Куки-файлдарды ақпараттар ағынын талдауға көмектесу үшін пайдаланамыз. Сондай-ақ куки-файлдар қызметтерді жеке баптау, ақпараттық толықтыру және жарнама үшін, сонымен қатар жарнаманың тиімділігін өлшеу үшін пайдаланылады.

Белгілі бір куки-файлдар Дербес деректерден құралады – мысалы, кіру кезінде «Мені есте сақтап қалу» түймешігін басқанда, куки-файл Пайдаланушының аты-жөнін сақтап қалады. Куки-файлдардың көпшілігі Пайдаланушыны сәйкестендіретін ақпаратты жинамайды, оның орнына кіру тәсілі, «Орифлэйм» веб-сайттарын пайдалану және Пайдаланушының кәдімгі мекенжайы сияқты неғұрлым жалпы деректерді жинайды.

 

«Орифлэйм» куки-файлдарды пайдалану арқылы ғана қолжетімді болатын белгілі бір қызметтерді ұсынады.

 

Жалпы алғанда, куки-файлдар әр түрлі төрт функцияны атқарады.

8.1      Негізгі куки-файлдар

Кейбір куки-файлдар біздің веб-сайтта жұмыс істеу үшін ерекше маңызға ие. Мысалы, бұл куки-файлдар «Орифлэймге» тіркелген Пайдаланушыларды сәйкестендіруге және олардың барлық веб-сайттарға кіруін қамтамасыз етуге мүмкіндік береді. Егер тіркелген Пайдаланушы куки-файлдарды өшіріп қоятын болса, кейбір беттерге кіру мүмкін болмайды.

8.2      Пайдаланылатын куки-файлдар

Басқа куки-файлдар Пайдаланушылардың веб-сайттарды қалай пайдаланатындықтарын талдау үшін және веб-сайттың өнімділік мониторингі үшін пайдаланылуы мүмкін. Мұның өзі «Орифлэймге» қосымшаларды жеке баптау арқылы, сондай-ақ кез келген туындаған мәселелерді сәйкестендіру және тез түзету арқылы жоғары сапалы қызмет көрсетуді қамтамасыз етеді. Мысалы, пайдаланылатын куки-файлд��р аса танымал беттерді қадағалау және неліктен кейбір беттер қателік туралы хабарлама алатындығын анықтау үшін пайдаланылуы мүмкін. Осы куки-файлдар Пайдаланушылардың веб-сайттарды пайдалану оқиғалары негізінде оларға қызықты болатын өнімдер мен қызметтерді анықтау үшін де пайдаланылуы мүмкін.

8.3      Функционалды куки-файлдар

Функционалды куки-файлдар «Орифлэйм»  веб-сайтының Пайдаланушылардың кейбір ықыластарын есте сақтап қалуы үшін пайдаланылады.

8.4      Әрекетке бағытталған жарнамалық куки-файлдар

«Орифлэйм» куки-файлдарды Пайдаланушыларға қызығушылықтар бойынша жарнама ұсыну үшін қолданылуы мүмкін. Сондай-ақ «Орифлэйм» нарықты зерттеу, табысты қадағалау, сонымен қатар веб-сайттардың қызметін және осы шарттар мен авторлық құқықтарды қорғау саясатының орындалу мониторингін жақсарту мақсатында, үшінші тараптың куки-файлдарын пайдалануы мүмкін.

Егер браузері мүмкіндік беретін болса, Пайдаланушылар әрқашан куки-файлдардан бас тарта алады, бірақ мұның өзі кейбір «Орифлэйм» Жүйелерін пайдалануға кедергі жасауы мүмкін.

Куки-файлдарды қалай өшіруге болатындығы туралы толығырақ мұнда қараңыз (http://www.allaboutcookies.org/manage-cookies/).

Коммерциялық қызметте куки-файлдардың қалай пайдаланатындығы туралы толығырақ мұнда қараңыз (http://www.allaboutcookies.org/).

 

9   Біздің дербес деректерді қорғау саясатымыздағы өзгерістер

Болашақта өзіміздің Дербес деректерді қорғау саясатымызға енгізуіміз мүмкін болған кез келген өзгерістер өз веб-сайтымызда жарияланады, қажет болған жағдайда, сізге электронды поштамен немесе әлдебір басқа тәсілде жолданады. Өзгерістер біздің кәсіпорындарымызда да қолжетімді болады. Өзгерістер жарияланған күнінен бастап күшіне енеді. Өзгертілген Дербес деректерді қорғау саясаты жарияланған соң, сайтты пайдалануыңыз немесе біздің компанияда тапсырыс орналастыруыңыз сіздің енгізілген өзгерістермен келіскеніңізді білдіреді.

10     Хабарласуға арналған байланыс деректері мен шағым бағыттары

Сұрақтар. Дербес деректерді қорғау саясатына қатысты түсініктемелер мен сұраныстар қошеметтеледі және біздің клиенттермен жұмыс істеу бөліміне немесе арнайы электронды поштаға жолданады: privacy@oriflame.com.

Егер сіз біздің осы Дербес деректерді қорғау саясатын бұзғанымызға сенімді болсаңыз, аталған мекенжайға хат жазыңыз немесе 8 800 080 0007 нөмірімен біздің клиенттерді қолдау желісіне  қоңырау шалыңыз. Сіздің пікіріңізше, осы Дербес деректерді қорғау саясатын бұзған тәсілді мейлінше толық сипаттап беріңіз. Біз сіздің шағымыңыз бойынша жедел зерттеу жүргіземіз.

 

 

Жарияланған күні: 2015 жылғы 01 қыркүйек