МУЛЬТИМАСКИНГ: ОЛ НЕ ЖӘНЕ НЕ ҮШІН ҚАЖЕТ?

Жылдам танымалдылыққа ие болған мультимаскинг идеясын, тіптен пішіндеумен салыстыруда, өйткені ол маусымның өзекті трендтерінің бірі болды. Бірақ ол не, қалай жұмыс істейді және (ең бастысы!) үй жағдайында мультимасканы қалай жасауға болады? Ретімен айтып берейік.

МУЛЬТИМАСКИНГ ДЕГЕНІМІЗ НЕ?

Теріде туындайтын қиындықтар, барлық адамдарда да бар тәрізді. Ол беттің бір бөлігіндегі қошқыл нүктелер мен бітелген тесіктер түрінде де, басқа бір бөлігіндегі құрғақтық немесе қабыршықтану түрінде де болуы мүмкін. Бұл қиындықтардың бәрін бірден шешуге бір ғана өнімнің күші жете қоймайды. Алайда беттің түрлі бөліктерінде бірнеше түрлі маскаларды пайдалану көмектесуі мүмкін. Міне, мультимаскинг дегеніміз осы. 

ОЛ ҮШІН НЕ ҚАЖЕТ?

Алдымен теріде туындаған қиындықтарды анықтап ал, содан кейін оны шешуге көмектесетін өнімдерді таңда.

МАЙЛЫ ТЕРІ ҮШІН

Ереже бойынша, ең күрделі тері – Т-аймағындағы тері: ол жерде көбінесе артық жылтырақ, бітелген тесіктер және қара нүктелер пайда болады. Саған балшық маскасы көмектеседі, ол себумды сіңіріп алады және тесіктердегі ластануларды «тартып шығарады». Салицил қышқылы бар маска теріні түлетеді және қабынуға қарсы құрал ретінде әрекет ете отырып, бетіңде кішкентай бөртпелер мен қызарулардың пайда болуының алдын алады. Қажетті әсерді таңда!

ҚҰРҒАҚ ТЕРІ ҮШІН

Терісі құрғақ бөліктер кез-келген жерде пайда болуы мүмкін, алайда көбінесе екі бет зардап шегеді. Теріні тыныштандыру және оны нәрлендірумен қамтамасыз ету үшін құрамында витамині мол маскаларды таңда, немесе теріге ене отырып, сулы теңгерімді қалыпта ұстап тұруға көмектесетін гиалурон қышқылы бар құралдармен теріңді рахатқа бөле. Егер де сен жеңіл текстуралы құралдарды лайық көрсең, теріні ылғалдандыратын, бірақ құрамында май жоқ гельді маскаларды қолдан.

ЖӘНЕ ДЕ ҚАРТАЮҒА ҚАРСЫ ЖАСАЛАТЫН КҮТІМ ҮШІН

Тіндік маскаларға деген сән Кореяда басталды, және де сол жерден бүкіл әлемге таралды. Және де бекер емес, өйткені мұндай маскалар сенің теріңді, сонымен бірге қартаюға қарсы күтім жасаумен де қамтамасыз ете алады. Ондай маскалар бетті толық жауып тұратындай етіп жасалған, алайда сен оларды тек қиындық туындаған жерлерге ғана қолдануыңа болады. Теріңнің түсін ағартатын, ылғалдандыратын және мимикалық әжімдерді жұмсартатын маскаларды таңда.

Мәтін: Фото: Anna Mårtensson

Shop This Story

Ұқсас мақалалар