Ереже бойынша, шақыртудың өзінде-ақ іс-шараның форматы көрсетілген: Black tie, White tie, Cocktail – мұндай жағдайда «Не киемін?» деген сұрақ туындамауы қажет. Алайда ұйымдастырушылар «көңілді кешке арналған киім» деумен шектеліп, өзіңнің ой-қиялыңа ерік берген болса, онда мен ондаған жылдардан бері сақталып келе жатқан ережелер мен дресс-кодтарға жүгінуге кеңес беремін.
Біздің жағдайымызда Creative black tie дресс-коды ең жақын нұсқа бола алады – оны «Қара галстук, шығармашылық тәсіл» деп аударуға болады.
Ерлер үшін бұл дресс-код формальды костюмнің түрлі түсіндірмесінің жаңадан шыққан сәнді үлгілермен үйлесімін білдіреді. Мысалы, ашық түсті көбелек-галстук пен камербандтар тәрізді дәстүрлі емес аксессуарлармен смокинг, немесе дәстүрлі емес түстегі маталардан смокинг. Ең қатаң адамдар үшін – сәнді түстегі классикалық смокингтің лампастары бар қара түсті шалбармен, ақ жейдемен және креативті көбелек-галстукпен, жылтыраған туфли-оксфордпен үйлесімі.
Әлдеқайда қарапайым шешім – қою көк түсті формальды костюм, оған бұлыңғыр қара оксфорд пен айрықша көбелек-галстуктың есебінен салтанаттылықты қосуға болады, тональдылығы жағынан сәйкес келуі міндетті емес.
Маңызды ереже: егер де шалбарда белбеуге арналған баулар бар болса, онда белбеу қажет. Артық жазулары мен логотипі жоқ үшбұрыш немесе төртбұрыш түріндегі ықшам айылбасты таңдаған дұрыс. Белбеудің түсі аяқ киіміңнің түсімен бірдей немесе егер аяқ киімің қара түсті болып, сен классикалық үлгідегі костюмді таңдаған болсаң, онда костюміңнің түсімен бірдей бола алады.
Әйелдерге арналған нұсқа: ұзын көйлек немесе көңілді кешке арналған жиынтық, мысалы, ұзын барқыт көйлек немесе клатчпен және жылтырақ қайық-туфлимен үйлесімдегі қошқыл жылтырақтармен тігілген көйлек. Бірыңғай қошқыл түсті көйлектер құптарлық.
Әлдеқайда қарапайым шешім – көк, қоңыр қызыл, қызылдың күңгірттеу түстерінен жібектен, шифон немесе атластан тігілген орташа ұзындықтағы көйлек. Біз түсі байқалмайтын қайықша-туфли және ыңғайлы клатчпен үйлесетін көк түсті көйлекті таңдадық.
Аксессуарлар таңдағанда артық кетіп қалмауға тырысыңыз. Егер де сіз өз бейнеңізге тағы да бір нәрсе қосуды ойлап айнаның алдында ұзақ тұрған болсаңыз – онда сізге, керісінше, қандай да бір нәрседен құтылу керек сияқты.
Салтанатты кештің ең маңызды ережесі: гала-кешкі асқа тамаша көңіл-күймен бару және басқалардан сәндірек болмау. Oriflame-нің гала-кешкі асында кездескенше!
