Нүкте қойыңыз: терінің таза тесіктері үшін 6 лайфхак

Сіз не істесеңіз де, олар. Қайтадан. Пайда бола береді. Қара нүктелер! Олармен күрес жайлы сұраныстар рекорд жасап тұр: тек қана гуглда «қара нүктелерді жою» 2,5 миллион рет ізделген. Қабылдау және кешіру – әлде соңына дейін күресу ма? Соны анықтайық!

Сіз инстаграмда хайпқа айналған қара масканы көрген шығарсыз: жағасыз, алып тастайсыз, сонда барлық кір сонда қалады. Қара нүктелерге қарсы масканың тренді әлеуметтік желілерді жаулап алған: оны бәрі қолданған сияқты, бірақ бұл шынымен де көмектесе ме? Және қара нүктелерді жалғыз пленка маскамен жеңуге бола ма?

Басты сұрақ: не үшін?

Қара нүктелер – тері тесігін бітеп, оттегінің әсерінен сұр қара түске дейін тотыққан май мен өлі тері жасушаларының комбинациясы. Майлы тері иелері олардан үнемі зардап шегіп жүреді, ал қалғандары – кейде-кейде, май әдеттегіден көп болған жағдайда.

Себум өндірісін гормондар реттейді (мысалы, тестостерон), демек, қара нүктелерді болдырмау іс жүзінде мүмкін емес. Жыныстық жетілу, жүктілік, менопауза, етекір уақыттары – әйелдерде гормоналды өзгеріске миллионға жуық себеп бар.

Қара нүктелерден біржола құтылу мүмкін емес екенін түсіну керек. Тіпті, терең тазартылғаннан кейін де май тері тесігінде жиналып, біртіндеп жаңа нүктелер қалыптастырады. Терінің тазалығын сақтау тек жүйелік күтімнің көмегімен мүмкін болады. 

Қалай одан әрі нашарлатпауға болады?
Егер сіз мұрныңыздағы қара нүктелердің көбейгенін қаламасаңыз, мыналарды жасамаңыз:

1. Басып шығару

Механикалық тазарту – тек косметологтың жұмысы! Маман теріні дұрыс дайындайды және кірді мұқият алып тастай алады. Үйдегі нәтиже біреу – тамырдың зақымдануы және купероз, оны қымбат лазермен ғана алып тастауға болады. Қара нүктелерді басуды тоқтатып, үлкейтетін айнаны лақтырып тастаңыз: бұл кратерлерді сізден басқа ешкім көрмейді.

2. Тым агрессивті түрде тазарту

Себум қабыршақтанып, тері тесіктері бітелгенде, оны тері бетінен қырып кетіргіңіз келеді. Керек емес! Ірі бөлшектері бар скрабтар, сықырлағанша тазартатын спиртті тоник көбік қорғаныс қабатын өлтіреді. Нәтижесі – одан да көп май мен қара нүктелер.

3. Ылғалдандырудан бас тарту

«Менің терім қазірдің өзінде тым майлы, қайдағы крем?» - дейсіз, алайда қателесесіз. Майлы тері құрғауы мүмкін – ал егер сіз оны ылғалдың қажетті мөлшерімен толтырсаңыз, май өндірісі азаяды.

Жарайды, мен енді не істеймін?

1. Құрамында салицил қышқылын іздеңіз

Бәлкім, қара дақтармен күресудің негізгі ингредиенттерінің бірі: тері бетіндегі артық май мен өлі жасушаларды алып тастайды, оларға тері тесігін бітеуіне жол бермейді. Бет жууға арналған гельден бастаңыз және біртіндеп тоник пен крем қосыңыз – теріңізге оның күшті әрекетіне үйрену үшін уақыт қажет.

2. Жұмсақ, бірақ терең тазартыңыз

Тамаша жуады, құрғатпайды, тартпайды, балғындық сезімін қалдырады – бұл бет жууға арналған тамаша гельдің портреті. Қабыршақтау теріге пайдалы, сондықтан скраб қажет – тек өте жұмсағы және аптасына бір реттен артық қолданбаңыз. Шыдап жүрудің қажеті жоқ! Көбірек алып, қатты баспай теріңізге жағыңыз. Егер ол қызару мен сезімталдық шақырса, скрабты теріні тазартатын құралмен немесе қышқылды пиллингпен алмастырыңыз.

Егер сіз қанша тырыссаңыз да тері тесіктері бітеліп қалса, белсенді ингредиенттер теріге ене алмай қалмайды: қалыптасқан қара нүктелерді алып тастау керек. Естеріңізде болса, біз қолымызбен ештеңені баспауымыз керек – бірақ үйде көмірлі маска-пленка жасауға болады. Бетіңізді булатып, жағыңыз және толығымен құрғағанша күтіңіз. 20 минуттан кейін, маска толықтай қатқан кезде, иек аймағынан абайлап ұстап алыңыз да, пленканы теріңізден төменнен жоғарыға қарай ажыратыңыз. Барлық кір маскада қалады.

Әрбір маска-пленка сізді қара нүктелерден құтқара бермейді: текстурасының өзінен басқа, реңкіңізді тегістеп, кірді кетіретін белсенді қоспалар үлкен әсер береді. Құрамында қабыршақтайтын әсері бар қышқылдар мен дәрумендерді іздеңіз – мысалы үшін, жаңа Pure Skin өнімі.

3. Салауатты өмір салтын ұстанып көріңіз (бірақ бұл нақты емес)

Кейбір нутрициологтар мен дерматологтар дұрыс тамақтану және тұрақты спорт теріні теңдестіруге көмектеседі дейді. Тамақтану мен қара нүктелер саны арасындағы байланыс ғылыми тұрғыда дәлелденбеген, бірақ біз күнде шоколад жеу ешкімнің денін сау қылмаған деп санаймыз (бірақ бақыттырақ болуы әлбетте). Біраз уақытқа майлы, қуырылған және тәттіден бас тартып, теріңізді бақылап көріңіз. Жағдайы жақсарса – батылдықпен жалғастыра беріңіз.

Нені сынап көруге болады?

Көмір қосылған Pure Skin тазартатын маска-пленкасы тері тесіктерін тазартады, қара дақтарды кетіреді, майлы жылтырды кетіреді және теріні жаңартады. Құрамында ұсақ тартылған көмір ұнтағы артық майды сіңіреді. Ананас сығындысының құрамында жұмсақ қабыршақтайтын әсері бар, сонымен қатар ылғалдандыратын табиғи қант пен С дәрумені – күшті антиоксидант – альфагидрокси қышқылдары бар (AНA). Егер сіз безеуден арылғыңыз келсе, Pure Skin сериясындағы өзге де өнімдерге назар аударыңыз.