Кэтрин, герцогиня Кембриджская
Кэтрин Элизабет Маунтбэттен-Виндзор (қыз кезінде Кэтрин Миддлтон) ханзада Вильямға 2011 жылы күйеуге шықты, және бұл қазіргі заманның патшалық тойларының ең кереметі еді. Содан бері екеуінің екі баласы бар, Кэтрин белсенді түрде қайырымдылықпен айналысуда, қазірдің өзінде ол Time журналының нұсқасы бойынша 100 ең ықпалды адамдарының тізіміне кірді. Оның типтік макияжы – орташа жабынды негізі, көзге арналған қоңыр сүрме мен жағына жаққан біраз бет бояуы. Бұл бейне үшін мінсіз жұлынған қас өте маңызды болып табылады, ал ерінді бейтарап қалдыруға болады. Сондай-ақ бізді оның мінсіз шашы да таңғалдырады.
Таиланд ханшайымы Сириваннавари Нариратана
Ханшайым Сириваннавари Нариратана, крон-ханзада Махи Вачиралонгкорнның қызы – Париждегі Сән апталығының тұрақты қонағы. Ол өзекті макияж бен ашық түстерді сүйеді, бірақ талғамы тамаша. Аса ұзын кірпіктер мен қола түстес бет бояуымен үйлесімде ашық түсті далап жаға білудің айрықша ебімен ерекшеленеді. Шаш қойыс туралы айтпақ-ақ қойса да болады – бәрі түсінікті.
Иордания патшайымы Рания Аль-Абдулла
Иә, ол ханшайым емес, патшайым. Бірақ, оған қарамастан, Рания Аль-Абдулла Таяу Шығыстың ең озық ойлы әйелдері-қоғамдық қайраткерлерінің бірі ретінде саналып қоймай, нағыз бьюти-иконаға айналған. Оның ең белгілі бейнесі – тозаңды раушангүл реңкті далап пен анық сызылған көздің патшалық сәнді үйлесімі. Мұндай бейне жасау үшін саған сұйық сүрме (Рания оны тек үстіңгі қабағына ғана қолданады), бейтарап немесе қоңыр гаммалы күңгірт бояулар, сонымен қатар кірпікке арналған қою сүрме қажет болады.
Нигерия ханшайымы Кеиша Омилана
Кеиша нигерия ханзадасы Кунле Омиланның жүрегін алғаш көргеннен-ақ жаулады. Бұрынғы модель және қайырымдылық қайраткері, ол қарапайым макияжды – күтім көрген жастық пен саулықтан жарқыраған тері мен сызылған қастарды артық көреді. Мұндай бейне жасау үшін саған мөлдір қабатты макияж негізі, жаққа жағатын біраз жарқыл мен табиғи гаммадағы ерін жылтыры керек.
Швед ханшайымы Мадлен
Патшалық міндеттері мен қайырымдылық қызмет атқарудан басқа, ханшайым Мадлен ат спортын сүйеді. Оның патшалардыкіндей тамаша нәзік-қызғылтым бет қызылы мен терісінің мінсіз реңкі осымен түсіндірілетін шығар. Оның сүйікті бейнесі – жарқыраған шаш пен сүрмеленген көздер. Ханшайым Мадлен қабақ бояуын қолданбайды, ол бетінде қызғылтым ерін жылтырымен мінсіз үйлесетін қоңыр сүрме-қарындаш артық көреді – оны ханшайым кейде қызыл немесе тіпті қызғылтым-көкшілдеу терең реңкке ауыстырып отырады.
