Ерлер күтіміндегі ең көп таралған 5 қателік

Теріге кешенді күтім жасау таңғажайыпты туындатуы мүмкін. Бастысы — ережені білу және қателік жасамау. Немесе қателігіңді өзің көре білу. Ең көп таралған бесеуі туралы айтамыз.

1. ЫЛҒАЛДАНДЫРҒЫШ ҚҰРАЛ ҚОЛДАНБАУ

Барлығы: ауа-райынан бастап қырынуға дейін, - терінің күйіне әсер етеді. Үнемі ылғалдандыру және күтім жасау теңгерімді қалыпта ұстап тұруға көмектеседі. Егер сен 2-еуі 1-еуінде өнімін таңдайтын болсаң, онда тіптен жақсы: ылғалдандырғыш құрал және қырынудан кейін қолданылатын құрал. Оны терің ылғал болып тұрған кезде жуынғаннан кейін немесе қырынғаннан кейін бірден пайдалан.

2. ҚҰРҒАҚ ТЕРІМЕН ҚЫРЫНУ

Дұрыс қырынып үйрен, теріңде тілінулер мен тітіркенулер пайда болмау үшін қырынатын техниканы қайра. Ережені еске саламыз: тазарған теріңді жұмсарту және тесіктерді ашу үшін жылы сумен ылғалдандыр. Сосын теріңе қырынуға арналған гель немесе көпіршік жақ. Ол тітіркенуді азайтуға көмектеседі және әлдеқайда тегіс қырынуды қамтамасыз етеді. Өскіннің өсу бағыты бойынша қырын және әрбір «тастаған» сайын ұстараны жуып отыр. Жақсы нәтижеге қол жеткізу үшін душтан кейін бірден қырын: тесіктер ашық, әлдеқайда тегіс және таза қырынуға қол жеткізуге болады. Көпіршікті жылы сумен жуып таста және әрқашан қырынуға арналған бальзам, соңында ылғалдандырғыш крем жақ. 


3. 
ТӨМЕН СТАНДАРТТАР

Келбетіңе жеткілікті деңгейде көңіл бөлу мен салақтықтың арасында шекара бар ма? Жұлма-жұлма қылтан немесе өсіп кеткен сақал бәріне бірдей жараса бермейді. Мүмкін философтарға ғана жарасатын шығар. Мұртыңды қи және сақалыңды үнемі пішінге келтіріп жүр, маникюр жаса (достарың күліп жүрмесін), өзіңе лайықты шаштараз немесе барбер тап (мұрның мен құлақтарыңның ішіндегі шаштарды жұлдыруды ұмытпа).

 

4. ДҰРЫС ТАҢДАМАУ

Лайықты құралды таңдау (басқа заттарды таңдаған тәрізді) жалықтырып жіберуі мүмкін. Уақытты, ақшаны және жүйкеңді үнемдеу үшін бірінші кездескенді ала салу қаупі бар. Біз сені түсінеміз, бірақ аздаған уақытыңды өзіңе бөлуге кеңес береміз. Теріңе күтім жасауға арналған өнімдерді сатып алудың ешқандай да ұяттығы немесе өрескелдігі жоқ. Бұл сенің біртүрлі екендігіңді білдірмейді. Дұрысы, керісінше, өзіңнің сыртқы келбетіңе көңіл бөлу сенің қазіргі заманға сай және ешқандай да тыйымдарың жоқ екендігін білдіреді. Тамаша пікір: күтім жасалған түр мен өмірдегі қол жеткізген жетістіктер – өзара байланысқан түсініктер. Осыны есіңнен шығарма.


5. 
АРТЫҚ КЕТУ

Сыртқы келбетіңе кешенді күтім жасау – ұзаққа созылатын қадам. Бірақ артық кету қаупі де бар. Мысалы, шашқа арналған воскты өте көп мөлшерде жағу оларды күтім жасалғаннан гөрі майлы етеді, жарты құты иіссуді бірден жағу – ақымақтың ісі. Дәл ортасы — міне, саған нағыз керектісі. Өзіңе не жарасатынын біл, сосын соны ұстануға тырыс. Сәттілік!

 

Мәтін: Фото: Oriflame