1. Дайындау
Алдымен теріңнің түрін анықтап ал. Жуынғаннан кейін жылтырлықтың қаншалықты тез пайда болатынын бағдарға ал: егер бірден пайда болса, терің майлы, егер түске таман пайда болса, терің қалыпты. Егер бетің кешке дейін сол күйінде қалса, терің құрғақ.
Теріңе залал келтірмеу үшін теріңнің түріне сай келетін базалық құралдарды ғана ал. Мысалы, құрғақ тері үшін тереңнен тазалайтын гельді қолданбаған дұрыс - ол теріні құрғатып, табиғи липид балансын бұзады.
2. Таңертең және кеште: кешенді күтім
Дайын кешенді шешімдер — стартқа арналған мінсіз нұсқа. Терің күніне екі рет небәрі екі минут ішінде өзіне қажетті нәрлендіретін заттарды алады. Кешенді күтім құралдарының формулалары бір-бірінің тиімділігін толықтырады және күшейтеді, дегенмен әр қайсысы өз міндетін орындайды.
3. Ұйқы алдында: түнгі маска
Егер сен күні бойы аязда немесе ауасы құрғақ кеңседе жүрсең, теріңді түнгі маскасымен нәрлендір, ол шаршауды лезде басады. Ол гиалурон қышқылы мен майлардың көмегімен теріні тереңнен ылғалдандыру және нәрлдендіру үшін арнайы жасалған.
4. Аптасына бір рет: СПА-процедуралар
Базалық күтімге үйренген кезде үйіңде аптасына бір рет СПА-сеанс өткізуді әдетке айналдыр. Кейбір құралдар теріге сиқырлы әсер береді, бірақ белсенді ингредиенттер концентрациясының жоғары болуы салдарынан күн сайын күтім жасауға арналмаған. Пилингтерден баста - олар өлі клеткаларды жояды, саңылауларды тереңнен тазалайды, терінің бетін тегістейді және жылтыратады.
5. Күн сайын: күннен қорғайтын крем
Сапалы күннен қорғайтын крем бұлтты күндері де және ғимарат ішінде де әр қайсымызға қажет - зиянды ультракүлгін сәулелері бұлттан өтіп, жылтыр беттерде шағылысады. Кешенді күтімді санскринмен аяқта — бұл тері саулығына салынатын ең жақсы инвестициялардың бірі.
