1. ТЕРІҢЕ ҮНЕМІ ЖӘНЕ КЕЗ-КЕЛГЕН ЖЕРДЕ КҮТІМ ЖАСА
Тіптен сен демалысқа кетіп бара жатсаң да, бұл саған жақсы дағдыларыңнан бас тартуға себеп бола алмайды. Иә, толық өлшемді құтылар мен сықпалардың қаптамасы бәрін қиындатып жіберуі мүмкін (әсіресе, егер сенде тек қолға ұстайтын жүк қана болса). Бірақ, әлдеқайда жақсырақ шешім бар. 10 мл сынамаларды, ішінде крем немесе сарысу бар миниатюраларды немесе саше қолдан, олардың мөлшері демалыс күндеріне жетеді және сенің жүктеріңе салмақ қоспайды. Теріні тазартуға қатысты – бұл жерде де бәрі оңай. Өзіңнің тазартқыш құралдарыңды (гель, тоник немесе сүтше) travel-пішінді пластик бөтелкелерге (50 мл) құйып ал.
2. СҮЙІКТІ ӘМБЕБАП ҚҰРАЛЫҢДЫ АЛ
Еріндеріңнің, қолдарыңның, денеңнің құрғақ терісі – көптеген нәрселерді қолдануды қажет етеді, ал жауап біреу ғана – мультибальзам. Мысалы, аңызға айналған «Нәзік күтім» құралы. Бұл кішігірім құрал (15 мл) сен қай жерде болсаң да – ұшақта, жағажайда немесе бөлмеде, сенің теріңді ылғалдандыруға көмектеседі.
3. ӨЗІҢДІ ЕРКЕЛЕТ
Ұшақтан түскеннен кейін сенің терің әдемі болып көрінбейді, келісесің ғой. Шаршаған теріні қайта бұрынғы қалпына келтіру үшін, ұшақтан түскеннен кейін маска жаса (мысалы, маталық), ол теріңді ылғалдандырады және оған жарқырау береді. Гельді маска шаршаған теріні он-ақ минут ішінде қалпына келтіруге көмектеседі. Тамаша!
4. ҚЫЗАРҒАН КӨЗДЕРСІЗ
Ұшақпен түнде ұшқан кезде ұйқыңды қандыру мүмкін емес. Бәлкім, керісінше шығар – терің де, көзің де аса жақсы болып көрінбейді: мимикалық әжімдердің торлары, көңілсіз ісінулер мен көздің астындағы күңгірт күлдіреулер, сонымен қатар жарылған капиллярлар. Көзқарасыңа бір сәтте-ақ сергектік беру үшін, ұшаққа отырардан бір тәулік бұрын өзіңнің сүйікті креміңді (немесе оның сынамасын) түнгі уақытқа тоңазытқышқа салып қой, содан кейін кремді сол ұшақтың ішінде-ақ жағып ал. Салқын крем көзқарасыңа балғындық береді және шаршағаннан қызарған көздеріңді тыныштандырады.
