Аяққа арналған спа-күтім

Сенің аяқтарың шаршамай саған бүкіл әлемді аралатуы және кез-келген аяқ киімде (немесе аяқ киімсіз) әдемі көрінуі үшін оларға құрметпен қара. Мысалы, оларды спа-ға апар. Немесе өз үйіңде спа жаса!

1-ҚАДАМ: ТЕРІҢДІ ТАЗАРТ ЖӘНЕ ҚАТАЙҒАН ЖЕРЛЕРІН АЛЫП ТАСТА

Алдымен душ қабылдап, аяқтарыңды жақсылап жу. Сосын үлкен сүлгіге оранып, шағын ыдысқа жылы су құй да, аяқтарыңды салып 5-10 минут бойыңды босаңсытуға мүмкіндік бер. Одан да зор әсерге бөленгің келсе музыканы қосып, хош иісті майшамдарды жағып қой немесе сүйікті кітабыңды қолыңа ал (ал телефонды бөлмеңде қалдыр: бұл спа ғой!). Содан кейін аяққа арналған тегістегіш құралдың  көмегімен табандарыңның терісін өңдеуді баста. Металл жағы қатайған, жиырылған терілер мен мүйізгектерді жояды, ал егейтін жағы теріні тегістейді және теңестіреді. Өкше тұсы мен үлкен бармақтың астындағы табан бөлігіне айрықша назар аудар, ол жерлерде мүйізгектер мен қатаюлар жиі пайда болады.

2-ҚАДАМ: СКРАБ ЖАҚ

Табанның терісі тегіс болғаннан кейін қатайған терілерді алып тастау үшін скраб жақ. Табандарыңды бірер минут уқалап, сосын сулы сүлгінің көмегімен скрабтың қалдықтарын сүртіп таста.

3-ҚАДАМ: ПЕДИКЮР  ЖАСА

Айтуға оңай! Егер бәрі күрделі болса, нұсқаулықты ал: тырнақтарыңды тырнақ алғышпен өте қысқа болмайтындай, 1-2 мм қалатындай етіп абайлап ал, және де бұрыштарын алма. Бұрыштары әлдеқайда дөңгелектеніп тұратындай етіп тырнақтарыңды егегішпен еге. Ыңғайлы болу үшін педикюрге арналған айырғыштарды пайдалан. Түсті лакты жағар алдында әрқашан да бірінші негіз жақ. Осылайша түсті лак тырнақ пластинасын боямайды, түсі ұзақ сақталады және лакты кетіруге арналған құралдың көмегімен оңай сүртіледі. 

 

4-ҚАДАМ: СІРҚАБЫҚҚА КӨҢІЛ БӨЛ

Спа-күтімнің ең медитациялы бөлігі шығар. Егер сен сүйікті киноңды немесе подкаст қоспаған болсаң, онда қосып қой. Әрі пайдалы, әрі әдемі. Сосын сарысуды  алып, әрбір тырнаққа екі тамшыдан жақ. Құрал кепкенге дейін 1-2 минут күт, сосын маникюрге арналған ағаш таяқшаны алып, тырнақтың түбіне қарай сірқабықты абайлап итер. Тырнақ алғыштың көмегімен қатайған сірқабықтарды алып таста, бірақ өте ұқыпты бол. Егер де сен сірқабықты қажетті мөлшерден артығырақ алып қойсаң кебе пайда болу немесе инфекция түсу қаупі туындайды.


5-ҚАДАМ: ЫЛҒАЛДАНДЫРҒЫШ ҚҰРАЛ ҚОЛДАН

Сен күні бойы қанша уақыт аяқ киім киіп жүресің? Ең аз дегенде, 8-10 сағат. Оған колготкиді, шұлық пен нәскилерді қос – сенің аяқтарың өмірінің жартысында оралып тұрады екен. Нәтижесінде: құрғақ және қатайған тері, сірқабықпен туындайтын қиындықтар, терінің жиырылуы мен мүйізгектер. Біз бір-екі қадам бұрын оны талқыладық, мұндай мәселелер қайта туындамауы үшін күтім жасауға арналған арнайы құралдарды пайдалануды дағдыға айналдыр. Мысалы, аяқтарға арналған Feet Uлосьоны, тырнақтардың қабыршақтануы  және сынғыштығына қарсы The ONE құралы және терінің жиырылуына қарсы Feet Up Advanced сарысу-кремі. Егер жаңа аяқ киім киетін болсаң, қажалуға қарсы Feet Up Advanced спрейін қолдан. Егер сенің терің құрғақ немесе тітіркенген тері болса, қаныққан текстурасы бар құралдарды таңда және түнде мақта-матадан әзірленген шұлық пайдалан. Егер жағымсыз иіске қатысты қиындықтар туындаса, онда крем-антиперспирант таңда.

6-ҚАДАМ: АКСЕССУАРЛАРДЫ ЕЛЕУСІЗ ҚАЛДЫРМА

Жиі биік өкшелі аяқ киіммен жүресің бе? Жұмыс күнінің соңына қарай жайсыздық сезілмеуі және аяққа түскен күшті жою үшін аяқ киімнің сірілігіне немесе өкшеге арналған гелді жастықшаларды  және аяқтағы ауырпалықты жоюға арналған гельді  пайдалан.

 

7-ҚАДАМ: ӨМІРІҢДІ ЖЕҢІЛДЕТ

Орташа алғанда, біз бүкіл өмірімізде шамамен төрт жүз мың километрдей жол жүреміз. Бұл көп. Және де бұл жол әрқашан да жеңіл емес. Өзіңе күтім жаса. Аяқтарыңа күтім жасайтын уақыт тап. Егер майтабан болсаң, арнайы төсемелерді пайдалан. Дәрігерге уақытылы көрін. Жалпыға ортақ душтарда, монша немесе сауналарда, бассейндерде немесе спа-салондарда жалаң аяқ жүрме. Өлшемі, толықтығы мен ені өзіңе шақ келетін сапалы аяқ киімді таңда. Осы қарапайым ережелер саған басыңды тік көтеріп жүруге және әрбір қадамыңнан рахат алуға көмектеседі.

Мәтін: Фото: Oriflame

Қазір сатып алу

Ұқсас мақалалар