Макияж неліктен түйіршектеледі?

Сіздің сүйікті кашемир свитеріңіздің бетінде шығатын майда түйіртпектер есіңізде ме? Дәл сол нәрсе кейде біздің теріміздегі косметикада да болады – күтімде де, макияжда да. Жағып тұрасыз – ал ол саусақтарыңыздың астына түйершектеліп кете береді. Бұл неліктен болады және не істеу керек?

Макияж түйіршектелген кезде, расында не болып жатады?

Тері күтімінің өнімдері, егер қандай да бір себептермен сіңбей қалып, теріге емес, бір-бірімен әрекеттесіп кетсе, олар түйіршектеліп кетеді. Нәтижесінде – ылғалдандыратын немесе рең беруші крем ұсақ сұр кесектерге түйіршектеліп, тіпті теріден сыпырылып түсуі мүмкін. Жағымсыз жағдай, әсіресе кешігіп бара жатсаңыз – себебі, бәрін қайта бастауға тура келеді.

Себебі неде?

Косметиканың түйіршектелуін көптеген факторлар және олардың үйлесімі тудырады. Біз олардың негізгілерін анықтадық:

1. Өнім тым көп

Сізге кремнің көп мөлшері керек деген стереотипті ұмытыңыз – содан кейін ол түгел 100-ге әсер береді. Шындығында, артық өнім сіңірілмей қалып, сосын түйіршектеліпіп кетуі мүмкін. Сізге тек бір-екі тамшы ғана жеткілікті! Өнімнің құрылымына да назар аударыңыз: сіздің теріңіздің түрі үшін тым тығыз және ауыр емес па? 

Дұрысы қалай?

Өнімнің аз мөлшерін қолданыңыз және теріңіздің түріне сәйкес келетін және толық сіңетін жеңіл құрылымға ауысыңыз.

2. Асығыс

Кешенді күтім қолданған кезде әр өнімнің сіңуіне уақыт беру керек, содан кейін ғана келесі өнімге көшу керек. Егер сарысудан немесе эссенциядан әлі ылғал болып тұрған бетіңіздің терісіне крем жақсаңыз, екі қабат та түйіршектеліп кетеді.

Дұрысы қалай?

Күнделікті қолданатын өнімдер арасында үзіліс жасап тұрыңыз және олардың әрқайсысы толығымен сіңіп кеткеніне көз жеткізіңіз. Үзіліс кезінде басқа қадамдарды жасаңыз: мысалы, ылғалдандырғаннан кейін, тістеріңізді жуыңыз немесе шашыңызды сәндеңіз, содан кейін ғана рең беруші кремге көшіңіз.

3. Қабыршақтанудың тапшылығы 

Егер сіз пиллинг пен скрабты елеусіз қалдырсаңыз, күтім мен макияж үнемі түйіршектеліп кете береді. Терінің бетіндегі өлі жасушалар өздерінің құрамына өнім мен қоректік заттарды сіңірмейді.

Дұрысы қалай?

Қабыршақтануды теріңізге күтім көрсету рәсіміне қосып жүріңіз, сонда жасушалардың жаңаруы жақсарады. Бұл әсіресе суық мезгілде өте маңызды, құрғау мен қауызданудан тіпті қалыпты терінің өзі зардап шеккен кезде. Бізге NovAge пилингі ұнайды, ол терінің жаңаруын жұмсақ түрде жұмсартады әрі жайнағын қайтарады.

Үйлеспейтін өнімдер

Кейде өнімнің бірдей қасиеттері бізді оны жақсы көруге немесе одан азап шегуге алып келеді. Мысалы, силикон негізіндегі өнімдерді алсақ – праймердің немесе рең беруші негіздің бөлігі ретінде олар ылғалдың жоғалуына жол бермейді және терінің беткі қабатын тегістейді. Өкінішке орай, бұл егер сіз осындай рең немесе праймерді құрамында силикондары бар ылғалдандырғыш кремге жақсаңыз, өнімдер бір-бірімен реакцияға түсіп, түйіршектеледі деген сөз. 

Дұрысы қалай?

Құрамында силикон бар өнімдерді біріне бірін қабаттамаңыз. Ылғалдандырғыш крем мен реңнің құрамына назар аударыңыз, -thicone жалғауы бар ингредиенттерді іздеңіз.

Жағу тәртібінің бұрыстығы

Мектептегі химия сабақтарынан біз май мен судың араласпайтынын білеміз. Бұл ереже су мен май негізіндегі ылғалдандырғыш өнімдерге де қатысты. Әрқашан біріншісінен бастаңыз, олар басқалармен салыстырғанда оңайырақ сіңеді – ал майы бар өнімдер соңғы болу керек. Егер керісінше жасасаңыз, майлы құрылым терінің бетінде қорғаныс қабатын жасайды да, су негізіндегі өнімдердің сіңуіне жол бермейді.

Дұрысы қалай?

Өнімдерді жағу тәртібін қатаң сақтаңыз және құрамдарын мұқият оқыңыз.

 

Мәтін: Фото: Oriflame