Мерекелер маусымында теріге күтім жасау

Жақында Жаңа жыл, сондықтан барлық сауық кештерінде мінсіз көрінуді қалайтының сөзсіз. Терінің күйі ең негізгі рөлді атқарады. Қарапайым ғана кеңестерді ұстанып, жұлдыз сияқты жарқыра!

ТЕРІҢЕ КҮН САЙЫН КҮТІМ ЖАСА

Мерекелерде біраз босаңсуға болады, бұл керемет себеп. Дегенмен бұл күнделікті тері күтіміне әсер етпеуі тиіс.  Екі негізгі кезеңге назар сал: тазалау және ылғалдандыру. Жаңа жылдық сауық кештеріне жарқын әрі көз тартарлық макияж жасағыңыз келетінін сөзсіз! Ішкі қызығушылықтарыңды ұстан, мұқият тазартуға көбірек көңіл бөл. Кемінде бетіңдегі косметиканы сүртпей ұйықтама.   

КӨБІРЕК СУ ІШ

Отбасылық отырыстардағы  дәмі тіл үйіретін тағамдар мен сусындардан дәм татуға болатын күндерді ұзақ күттік. Дегенмен олар тері күйіне жақсы жағынан әсер етпейді. Артық алкоголь — бұл таңертеңгілік терінің құрғауы және солғын көрінуі, соған қарамастан тағы бір сауық кешіне жиналу қажет! Бізден кеңес: әр тамақтанар алдында және кезінде суды көбірек ішіңіз. Бір бокал шараппен немесе коктейлмен бірге бір стакан су іш. Бұл терінің балғындығы мен саулығын сақтап қалуға көмектеседі.

УАЙЫМДАМА

Біз отбасылық отырыстар туралы барлығын білеміз: кейде олар жүйкеге тиеді. Кез келген күйзеліс лезде теріге әсер етеді! Ең болмағанда мереке күндері арадағы келіспеушіліктерді ұмытқан жөн, ал мұндай жағдайлардың алдын алу мүмкін болмаса, не істеу керек? Енді сауық кешіне дайындалудың чек-парағына медитация кіретін болады. Хош иісті шай дайындап, уақытыңды өзіңе күтім жасауға арна және сүйікті кітабыңды оқы. Иә, бұл біраз уақытыңызды алады. Бірақ нәтижесі сізді қуантатыны сөзсіз.

ДҰРЫС ТАМАҚТАНУ ТУРАЛЫ ДА ҰМЫТПА

Мереке күндері тек ауыр әрі зиянды тағам ғана дайындалады деп кім айтты? Үстелге пайдалы тағамдар қоюды ұмытпа. Бұл кезеңде теріге витаминдер мен минералдар аса қажет. Маусымдық көкөністерден жеңіл салат дайында - олардың құрамында теріні нәрлендіретін және оған күйзеліспен күресуге көмектесетін антиоксиданттар көп. Сондай-ақ олар көз тартарлық және көңіл күйді көтереді!

ҰЙҚЫҢДЫ ҚАНДЫР

Кейде ұйқы мен көңілді сауық кеші арасында таңдау жасау керек болады. Бірақ, ұйқының жеткіліксіз болуы - бұл көздің астының ісінуі және бет терісінің сұрлануы. "Сұлулық ұйқысы" терминін жай ғана ойлап таппаған: жақсы көріну үшін тәулігіне кемінде 6-8 сағат қажет. Заманауи зерттеулер түнгі ұйқы кезінде терінің қалпына келуіне септігін тигізетін жасушалардың жаңаруы жылдам жүретінін дәлелдеді. Бұл таңғы балғын әрі жарқын түр - ұзаққа созылған әрі дұрыс ұйқының нәтижесі.

Мәтін: Фото: Oriflame