Косметиканы 100%-ға қолданып, қалай бюджетті үнемдеуге болады?

Сүйікті өнімдерің бітуге жақындағанда, әрқашан да көңілсіздік басады. Алайда, көңіл-күйіңді түсірме! Біз бюджетті сақтай отырып, сенің сүйікті далабыңды, сүрмең мен тональдық негізіңді ұзағырақ пайдаланудың тамаша тәсілін білеміз. Бастайық!

ТОНАЛЬДЫ НЕГІЗГЕ АЗДАП ЫЛҒАЛДАНДЫРҒЫШ КРЕМ ҚОС (НЕМЕСЕ БРОНЗЕР)

Қалыпты жағдай: тональды крем тіптен азғантай қалды, ал тастауға қолың бармайды. Ең бірінші: сүйікті ылғалдандырғыш креміңнің аздаған мөлшерін тональды негіздің құтысына сал. Екінші: құтыны жақсылап шайқа. Үшіншіден: ылғалдандырғыш флюидпен бронзерді араластыр. Сенде күңгірттендіретін әсері бар (немесе ондай әсері жоқ) ылғалдандырғыш тональды негіз пайда болды.

ЕРІН ДАЛАБЫН 100% ПАЙДАЛАН

Сен далап таусылды деп ойлауың мүмкін, бірақ олай емес. Құтының түбінен далаптың қалғанын алуға саған мақта таяқшалары көмектеседі. Тағы да үнемдегің келсе, далапты бет далабы ретінде де қолданып, оны бетіңнің «алмасына» жақ.

ҚЫРЫНУҒА АРНАЛҒАН КРЕМДІ ШАШҚА АНАЛҒАН КОНДИЦИОНЕРМЕН АЛМАСТЫР

Иә, сен қателескен жоқсың: бұл расында да шынайы. Кәдімгі шашқа арналған кондиционер тегіс қырынуға мүмкіндік туғыза алады. Таңғаларлықтай болып көрінуі мүмкін. Тілінулер мен тітіркенулердің алдын алу үшін кондиционерді теріңе аямай жақ.

СҮРМЕНІҢ ҚЫЛШАҒЫН ТАСТАМА

Кірпіктерге арналған сүрмені әр үш сайын ауыстырып отыру қажет – бұл маңызды ереже. Алайда бұл қылшағын да тастау қажет дегенді білдірмейді. Оны ыдыс жуатын машинаға салып жу немесе сұйық сабынның не балалар сусабынының көмегімен ағын судың астында жақсылап жу, сосын сүлгімен жақсылап кептір. Тамаша! Қастарыңа арналған қылшақ-тарақ дайын.

КРЕМНІҢ МӨЛШЕРЛЕУІШІН ШЫҒАРЫП АЛ

Денеге арналған сүйікті кремің азғантай ғана қалды ма? Тиімді шара қолдан. Айналдырып, мөлшерлеуішін шығарып ал, сосын құтының түбіне қарашы – кем дегенде бір-екі пайдалануыңа жетеді. Мөлшерлеуішті бірнеше рет бас, оның ішінде қанша кремді сақтайтынын көргенде, сен таңырқап қалатын боласың. Қиындық туындаса, құтыны кесіп көр.

Мәтін: Фото: Oriflame