Өзіңді жақсы көру: 5 қарапайым кеңес

Біз күн сайын миллиондаған істі атқарамыз, бірақ көбінесе ең негізгісі өзімізге күтім жасауды ұмытып кетіп жатамыз. Толық қанды өмір сүру үшін күнделікті істер тізіміне өзіңді де енгіз.

СЫНИ КӨЗ ҚАРАСТАН БАС ТАРТ

Кейде сенің қас дұшпаның - өзің. Өз қателіктеріңді өзгелерден бұрын өзің қатаң сынайсың. Тез арада ішкі диалог үнін өзгерту қажет! Арасында қателесуіңе мүмкіндік бер. Мұнсыз одан әрі даму мүмкін емес.

КӨБІРЕК ҚОЗҒАЛ

Физикалық жаттығулар — денсаулық пен эмоциялық тұрақтылықтың тікелей жолы. Жай ғана өзіңе аз да болса махаббат сыйла: қозғал, ләззат ал және нәтижеге қол жеткіз! Спортпен мінсіз мүсінге қол жеткізу үшін емес, жай өзіңе ұнағандықтан айналыс. Мотивация өзгерген кезде кедергі де өз-өзінен жоғалады - жаттығу жаза емес, сыйлық ретінде қабылданатын болады.    

СЕЗІН

Көптеген ойлар маза бермеген кезде экрандардан және таусылмайтын ақпарат ағынынан сәл ғана үзіліс алуға тырыс. Демал. Айнада болып жатқан құбылыстарға назар сал. Жол жүріп келе жатқан кезде ағаштардың жапырақтарына, ойнап жатқан балаларға назар аудар. Қазіргі сәтті сезіне біл. Кейінен инстаграмдағы әдемілеп өңделген фотосуреттерді емес, дәл осы сәттерді есіңе алатын боласың.

ТАҢДАУ ЖАСА

Кешкі асқа шоколад — кейде бұл өзіңе білдірген махаббатың болуы мүмкін. Бірақ мұның ұзаққа созылмайтыны анық. Бір минуттық "қалауың" үшін таңдау жасау көбінесе әмиянымызды босатып, өзімізді жаман сезінуге алып келеді. Шараптан бас тартып, ақшаңды ешқандай қажеті жоқ заттарға емес, өзіңе қажеттісіне жұмса. Болашағың үшін!

БАЛАНСТЫ ҰСТАН

«Күн тәртібі» — біртүрлі естіледі, бірақ ол өз мақсаттарыңды ұмытпауға, дұрыс тамақтану мен спортты тастап кетпеуге мүмкіндік береді. Өзіңе өзің армандаған өмірді сыйла - мұның барлығы өзіңе деген махаббатың. Жаңа дағдыларды үйрен: күн сайын дұрыс таңғы ас, пайдалы қоспалар, күн сайынғы қозғалыс және саған бақыт сыйлайтын хобби. Құшақтадық!

 

Мәтін: Фото: Oriflame