Жаздағы жүріске бес қадам

Тік өкше, жеңіл аяқ киім, балетка: жаз жақындап келеді, ауа-райы да күннен күнге ыстық болып келеді – ашық аяқ киімге көшетін уақыт жетті! Сенің аяқтарың кез-келген аяқ киімде өте жақсы болып көрінуі үшін оларды жаңа маусымға дайындау қажет. Ретімен айтайық.

1. БҰЛАУ ЖАСА

Аяқты бұлау өзіңді еркін сезінуге ғана көмектеспейді, ол – өкше терісін жұмсақ әрі тегіс етіп ұстап тұрудың тамаша тәсілі. Ваннаға жылы су құйып, аяқтарыңды сал да, өзіңе 10 минут бойыңды еркін ұстауға мүмкіндік бер. Рәсімге салонда жасалғандай әсер беру үшін, массаж жасайтын функциялары бар аяққа арналған электрлік ванна сатып ал.

2. ҚАТАЙҒАН БӨЛІКТЕРІН АЛЫП ТАСТА

Мүйізгектерді және тапталып қатайған жерлерін алып тастау үшін аяққа арналған егегішті немесе пемзаны пайдалан, әдетте олар көбірек пайда болатын өкшенің аймағына және үлкен бармақтың астындағы табан бөлігіне айрықша көңіл бөл. Тері тегіс бола бастаған кезде, қатайған теріні алып тастау үшін қырғыш жақ.

3. ЫЛҒАЛДАНДЫРҒЫШ КРЕМ ЖАҚ

Аяққа бұлау жасап, мүйізгектер мен тапталып қатайған жерлерді алып тастағаннан кейін теріні ылғалдандыру қажет – осылайша сен тілінулердің пайда болуына жол бермейсің. Өз теріңе лайық болатын ылғалдандырғыш крем таңдап ал. Егер сенің терің құрғақ немесе тітіркенетін тері болса, қаныққан текстуралы құралды таңда және түнге қарай аяғыңа мақта-матадан әзірленген шүлық киіп ал. Егер де сенде жағымсыз иіске байланысты қиындықтар туындаса, крем-антиперспиран ты таңда.

 

4. ПЕДИКЮР ЖАСА

Терінің ішіне кіре өсетін тырнақтың пайда болуының алдын алу үшін, оларды дұрыстап ал: өте қысқа емес, 1-2 мм қалатындай болсын және шеткі бұрыштарын қима. Шеткі бұрыштары дөңгелектеніп тұру үшін тырнақтарыңды егегішпен егеп қой. Түрлі-түсті лакты пайдаланар алдында әрқашан да алдымен негіз жақ. Осылайша түрлі-түсті лак тырнақ тілімшелерін боямайды, түсі ұзақ уақыт сақталып, лакты сүртуге арналған құралдың көмегімен жеңіл тазаланатын болады.  


5. 
ДЕЗОДОРАНТ ТУРАЛЫ ҰМЫТПА

Шындығын айтайық: жағымсыз иіске байланысты туындайтын қиындықтың бәрімізге де қатысы бар (әсіресе жазда). Алайда арнайы құралдардың көмегімен сен ыңғайсыз жағдайдан құтылуыңа болады. Қалпына келтіретін немесе салқындататын әсері бар спрей немесе тиімділігі клиникалық тұрғыда дәлелденген дезодоранттарды таңда.

Мәтін: Фото: Getty Images

Ұқсас мақалалар

Ұқсас мақалалар