Боялған шашқа күтім жасау бойынша бес құпия сыр

Омбре, жеңіл күңгірттеу немесе түсін толығымен өзгерту – сенің шашыңды қалай бояйтыныңа қарамастан, оған ерекше күтім қажет. Міне, шашыңа зиян келтірмей бейнеңді өзгертуге көмектесетін бес кеңес.

1. БОЯҒАННАН КЕЙІН 72 САҒАТ ІШІНДЕ ШАШТАРЫҢДЫ ЖУМА

Реңші маман шашыңды бояғаннан кейін, шашыңды жуу үшін 72 сағат күтуің керектігін айтады. Неге? Шаштардың сірқабығы толығымен жабылуы және сол арқылы өзінің жаңа түсін сақтауы үшін. Сондықтан шаштаразға барғаннан кейін үш күн күт, және сенің шашыңның түсі сені ұзағырақ қуантатын болады!

2. ШАШТАРЫҢДЫ ҚҰРҒАҚ СУСАБЫНМЕН ЖУ (КЕЙДЕ)

Шаш бояуының құрамындағы химиялық заттар шаштарды сыртқы зақымдануларға бейім етеді. Сондықтан анда-санда құрғақ сусабын қолдан. Сен шаштарыңды сұйық сусабынмен жуған күндері ыстық суға әуестенбе, әсіресе шайқаған кезде – ол сірқабықтың сыртқы қабатын ашып жібереді де, түсі жылдамырақ шайылып кетеді.

3. ШАШТЫ СӘНДЕУ ҮШІН ЫСТЫҚ ҚҰРАЛДАРДЫ ҚОЛДАНБА

Боялған шаштар жылы әсерлерге сезімтал болып келеді, сондықтан фенді жиі қолданбауға тырыс. Шаштарыңды сүлгімен құрғатып ал да, содан кейін оның өздігінен кебуіне мүмкіндік бер. Егер де сен шаштарыңды түзулегің немесе бұйралағың келсе, рәсімді бастар алдында міндетті түрде қорғаныс спрейін сеп. Қысқыштардың немесе феннің қыздыру күшін азайту мүмкіндігі бар болса – онда азайтып қой, сен осылайша шаштарыңды сақтап қаласың.

4. ШАШҚА АРНАЛҒАН ЫЛҒАЛДАНДЫРҒЫШ ҚҰРАЛДАРДЫ ҚОЛДАН

Боялған шаштар құрғақтықтан зардап шегу үрдісіне бейім келеді, сондықтан боялған шаштар үшін арнайы әзірленген кондиционер қолдан. Бұл шаштардың құрғап кетуінің алдын алатын қорғаныс қабатын түзуге көмектеседі. Егер де сенің шаштарыңа көбірек нәрлендіру қажет болса, онда жуылмайтын кондиционер, шашқа арналған май немесе маска қолданып көр. Жарқыратуға арналған сарысу немесе спрей күңгірт шаштарға жылтырау беруге көмектеседі.

5. КҮНГЕ ШЫҚҚАНДА ҚАЛПАҚ КИ / ШАШЫҢДЫ КҮННЕН ҚОРҒА

Егер де сен күннің астында көбірек уақыт өткізуді жоспарласаң, онда қалпағыңды, орамалыңды ұмытпа немесе шаш сәндеуге арналған SPF-факторы бар құралдарды пайдалан. Олар шаш түсінің күңгірттеніп кетуінен сақтануға көмектеседі.

Мәтін: Фото: Джон Бадди / Кросби. Getty images