Қыс жақын! Және де біз оған дайынбыз

Қыста бәрі де басқаша: тері мен шаштың күтімі де, сонымен қатар макияж таңдау да, сенің жылы айларда үйреніп қалған әдеттеріңнен әлдеқайда өзгеше болады. Біз, суыққа қалай әзірлену қажеттігін айтамыз.

ДЕНЕ КҮТІМІ

Неден қорғану керек: қолдарың мен аяқтарыңдағы терінің құрғауынан

Қалай әзірлену керек: сен күнделікті қолдарың мен аяқтарыңның терісін ылғалдандыруды қаншалықты ертерек бастасаң, соншалықты жақсы болады. Мысалы, әрбір кеште төсекке жатар алдында лосьон жағуға болады – мұны күнде белгілі бір уақытта жасап отырсаң, дағдылану оңай болады.

Күн тіптен суытқан кезде, лосьонды денеге арналған құнарландырғыш кремге алмастыр. Сонымен қатар, оны жаққаннан кейін мақта-матадан тігілген шұлық немесе қолғап киуіңе болады, бұл кремнің теріге тереңдей сіңуіне және барынша айқын әсер беруіне мүмкіндік туғызады. Қыста кремді қолыңды әрбір жуған сайын жағып отыруға, және де аяқтарыңның терісі жұмсақ болып қалуы үшін аптасына бір рет аяққа арналған қырғышты пайдалануға кеңес береміз.


БЕТ

Неден сақтану керек: терінің құрғауы және еріннің жарылуы

Қалай әзірлену керек: күн сәулесі, терлеу, тұзды немесе хлорлы су – мұның барлығы теріге жақсы жағынан әсер ете қоймайды, және жаз маусымынан кейін оған айрықша күтім қажет. Қыста сенің терің құрғақ болмауы үшін, оған ылғандандырғыш құралдарды қабылдауға бейім болуға көмектес. Ол үшін дәл қазіргі кезден аптасына бір рет қырғышты пайдалануды баста, содан кейін бірден теріге тереңдей сіңетін ылғалдандырғыш құралды жақ. Біз бетке арналған NovAge капсулаларына кеңес  береміз, олардың құрамында сенің теріңді тегіс ететін әрі жарқырататын алты түрлі табиғи майлар бар. Сонымен қатар саған міндетті түрде қаныққан күндізгі крем қажет болады.

Қыста сенің еріндеріңе де айрықша күтім қажет. Ерініңнің құрғағанын сезген сәтте – бірден ерінге арналған ылғалдандырғыш бальзамды ал. Ерін терісінің кеуіп кетуден табиғи қорғанысы жоқ болғандықтан, оған күтім жасауды ұмытпа.

МАКИЯЖ

Неден қорғану керек: ағып кеткен немесе жағылып қалған косметикадан 

Қалай әзірлену керек: далада күн суық бола бастағанына қарай, біз де қалыңырақ киім кие бастаймыз. Жылы пальто, мойын орағыш және қолғап бізді аяздан қорғауға арналған, алайда дәл солар үшін сенің макияжыңды бастапқы қалпында сақтап тұру қиынға соғады.  Оған не істеуге болады?

Ең алдымен, саған ашық түсті опа қажет болады. Ол саған макияжыңды нығайтуға көмектеседі және оның жағылып қалуының алдын алады. Сонымен қатар, мұзды жел бетіңді макияждың аққан қара іздеріне айналдырмау үшін кәдімгі сүрмені ылғалға төзімді сүрмеге айырбастау орынды.

ШАШ

Неден сақтану керек: статикалық электрлену және шаш үлгісінің бұзылуынан

Қалай әзірлену керек: қыс – шаш үшін нағыз сұмдықтың өзі. Сен басыңа құлақшын кигенде сенің шашыңның сәнді үлгісі жоғалады, әлде сен құлақшын кимейсің бе, онда сенің шаштарың мектептегі физика кабинетінің экспонатына айналады. Екеуі де тартымды көрінбейді.

Егер сен бас киім киетін болсаң, онда сен шаштың көлемі туралы ойлануың қажет. Душтан кейін шашыңды кептірер алдында шашқа көлем беруге арналған мусс жақ. Сонымен қатар шашқа көлем беруге арналған спрейді шаштың түбіне себуіңе болады.

Егер бас киім киу – сенің таңдауың емес болса, онда саған статикалық электрендіруді жеңу қажет болады. Ол үшін душтан кейін кондиционер пайдалан және де шашыңды толық кептірме, үнемі аздап ылғалды күйінде қалдыр. Сонымен қатар тарағыңды темір тараққа алмастыру да көмегін тигізеді.

Мәтін: Фото: Getty Images, Kristine Wreyford

Қазір сатып алу

Ұқсас мақалалар