КІРПІККЕ АРНАЛҒАН СҮРМЕ: 6 КӘСІБИ ҚОЛДАНУ

Сүрмені жағудың классикалық техникасы (ішкі түбінен бастап сыртқы ұшына дейін), барынша әмбебап сияқты болып көрінеді, алайда бұл тек жалғыз тәсілі емес. Көптеген жаңа тәсілдерді білуге әзірлен: жағу тәсілдердің алты түрін көрсетеміз.

1. ҚАТТЫРАҚ БҰРАУ

Қаттырақ бұралған ұзын кірпіктер ұнай ма? Онда кірпіктің ұзына бойына сүрмені бір рет жағып қана қойма. Алдымен кірпіктің түбіне молынан жақ та, соның әсерінен қылшақпен алдыға артқа бағыттап жүргіз, содан кейін кірпіктерді ұшына дейін боя.

2. ТІК ҰСТА

Барынша табиғи бейне жасағың келе ме? Бар болғаны – қылшақты тік бұру қажет. Қылшақтың ұшын пайдаланып, оны кірпіктің ұзына бойымен жүргіз.  Міне, қара! Көзді ашып жұмғанша ұзын, табиғи сипаттағы кірпіктер!

3. ОРТАҒА ТОҒЫСТЫР

Барынша үлкен көздер әсеріне қол жеткізу үшін, кірпік сызығын теңдей үш бөлікке ойша бөліп ал, содан кейін қылшақтың ұшымен кірпіктің тек ортаңғы тұсына ғана, кірпікті жоғары төмен бұрай отырып, сүрме жақ. Бірден нәтижеге қол жеткізесің!

4. ДИАГОНАЛЬ БОЙЫНША ЖАҚ

Көзді үлкейтудің тағы бір тәсілі – кірпікті түбінен ұшына дейін қарапайым тәсілмен бояудың орнына қылшақты бұрыштап ұстай отырып сүрме жағу. Соңында көз бұрышына аздап сүрме жағуды да ұмытпа.

5. БІР РЕТТІК ЖАҒУ СЕАНСЫ

Қайырылған сәнді қуыршақтың кірпіктері мен кең ашылған көздер – бұл бейнені жасау аса қиын емес! Ондай макияжды «өрмекшінің сирақтары» деп те атайды: кірпіктер бір-біріне жабысып қалған тәрізді қалың етіп боялған. Қалай жасауға болады? Кірпіктеріңе бірнеше қабаттап сүрме жақ та, қажетті әсер беру үшін оларды кішкентай қысқашпен қыс.

6. 100% ҚОЛЖЕТІМДІЛІК

Көздің бұрышындағы кірпіктерді бояу ыңғайсыз ба? Қылшақтың ұш жағын саусақпен тік бұрыш жасай ұқыпты бүк – сонда оны қолдану оңайырақ болады. Алайда есіңде болсын, қылшақты сындырмай қайтадан орнына келтіре алмайсың. Сондықтан жақсылап ойлан (немесе екі қылшақ пайдалан).

 


Мәтін: Фото: Getty Images

Shop This Story

Ұқсас мақалалар