Мәселе: түзу сызықтар сыза алмай отырмын
Шешім: жабысқақ таспаның бір тілімін ал да, жабысқақтығын кетіру үшін оны алақаныңа бірнеше жеп жапсыр. Содан кейін оны бетіңнің терісіне, төменгі қабақтан самайға бағытталатын түзу сызық сызуға болатындай етіп жапсыр. Оның бойымен сенің де сызығың түсетін болады. Енді сұйық сүрменің көмегімен жоғарғы кірпіктеріңнің сызығын сыз және жабысқақ таспаны сызғыш ретінде пайдалана отырып, оны бойлай жалғастыр. Сұйық сүрме кепкеннен кейін жабысқақ таспаны алып таста. Барлығы тамаша!
Мәселе: пішінін жасағаннан кейін, мен сайқымазаққа ұқсап қаламын.
Шешім: біріншіден, пішін жасау – кәсіби мамандардың қолданатын техникасы екендігін есіңе салуға рұқсат ет. Оны бір кеште үйрену мүмкін емес, тәжірибе қажет. Екіншіден, пішін жасаудың негізгі ережесін бірге қайталап көрейік: бояу, бояу және тағы да бояу! Жақ сүйегіңе реңк беретін құралды жаққаннан және иек сызығын көрсеткеннен кейін, спонжды ал да, баяуға кіріс. Ол да хайлайтерге жатады – оны міндетті түрде макияжға арналған жұмсақ қылқаламның көмегімен боя, ең болмағанда өзіңе таза саусақтарыңмен көмектес.
Мәселе: мен кірпіктеріме сүрме жаққан сайын, үнемі түшкіремін
Шешім: ондай болады. Уайымдама. Және де ең бастысы – бетіңе тиген сүрмені бірден сүртуге ұмтылма. Олай жасасаң сен тек макияжыңды құртасың. Оның кебуін күт, содан кейін консилерге арналған кішкентай қылқаламның көмегімен, сүрменің үгітіндісін теріңнен ұқыпты түрде алып таста.
Мәселе: менің қастарым жасанды болып көрінеді.
Шешім: қалың, өзіне назар аудартатын қастар – сәннің шыңына айналды, алайда қажетті әсерге қол жеткізу оңай емес. Қастар табиғи болып көрінуі үшін, жаңадан келгендердің әдеттегі үш қателігін болдырмау қажет. Біріншіден, қастың ішкі жағына пішін беремін деп, артық кетпе. Ол төртбұрышты болмауы тиіс! Түктерін қарындаштың немесе түзетуге арналған жиынтықтың көмегімен аздап түзете отырып, олардың табиғи өсуін қадағала. Екіншіден, артық ешнәрсе сызба. Қас қай жерден біту керектігін түсіну үшін, қарындашты ал да, танаудан бастап көздің сыртқы шетіне дейін түзу сызық сыз. Нағыз қас осы сызықтан шықпауы тиіс. Үшіншіден, тіптен күтім жасалған қастардың өзі сенің табиғи түсің тәрізді болуы тиіс екендігін ұмытпа.
Мәселе: менің мұрнымның айналасындағы тері қызарып кетеді.
Шешім: ереже бойынша, жиі сіңбіретін болсаң, ондай болады. Жиі сіңбірме. Сенің бір амалын табатыныңа сенеміз. Сонымен қатар, мұрынның айналасындағы тері температура бірден төмендеген кезде қызаруы мүмкін. Мұндай жағдайда, саған дұрыс күтім жасау көмектеседі: жұмсақ тазартқыш құрал, оған қоса қаныққан күндізгі крем немесе май. Егер де күтім де көмектеспейтін болса, онда өз теріңнің түсіне жақын келетін тондағы консилерді және опаны пайдалан.
