1. АЛДЫН-АЛА ӘЗІРЛІК ЖАСАУДЫ ҰМЫТПА
Кара Делевинь стиліндегі қалың қастар сәнге қайта оралғалы қашан және сәннен шығуды ойламайды да. Алайда «қалың» дегеніміз «шоқтала орналасқан» немесе «бей-берекет өскен» емес! Сенің қастарың дұрыс пішін алу үшін, оларды үстіге бағыттап және ішкі бұрышына қарай тарап қоюды ұмытпа. Тарағанға көнбей сорайып шығып тұратын түктерін қасқа арналған кішкентай қысқаштың көмегімен алып таста.
2. ӨТЕ ҚОШҚЫЛ РЕҢКТЕРГЕ ӘУЕСТЕНБЕ
Бізге айқын мәнерлі қастар ұнайды. Бірақ дұрыс әсер беру үшін тек қана қою қара түс жеткіліксіз! Біртіндеп әрекет ете отырып, өзінің табиғи реңкіңе қол жеткіз. Егер дұрыс түсті таңдауда қиындық туындаса, онда қасқа күтім жасауға арналған жинақты пайдалан – сен әрқашан да қажетті реңкіңе қол жеткізу үшін, түстерді араластыра аласың.
3. БОС АРАЛЫҚТЫ БОЯУДЫ ҰМЫТПА
Тағы бір көп кездесетін қателік – түктер тек қастың орталық бөлігінде ғана өспейтіндігін ұмытып, осы орталық бөлігінде ғана бір қалың сызық жүргізу. Есіңде сақта: сенің міндетің – қасты айқын, бірақ сонымен бірге табиғи болып көрінетіндей ету. Түктердің өсу бағытына қарай шағын сызықшалармен қасты аздап боя. Бұл табиғи әсер береді.
4. ҚАШАН ТОҚТАУ ҚАЖЕТТГІН БІЛ
Бұл ең қиыны. Бұл қателікті түзеу, іс жүзінде мүмкін емес, алайда дұрыс техникасын меңгерген соң, сен бұл өкінішті қателікке жол бермейсің. Сенің қасың қай жерде аяқталу керектігін анықтау үшін, қарындашты ал да, оның ұшын танауыңның шетіне қой, содан кейін ол жасаған сызық көздің ішкі бұрышы арқылы өтетіндей етіп орналастыр. Сенің қасың қарындаш бойынша бітуі тиіс, одан әрі созылмауы да, жақын болмауы да қажет. Біздің мінсіз қас жасау жөніндегі нұсқаулығымызды оқы, және де түктерді артық жұлып тастама!
5. ТАБИҒИЛЫҚТЫ САҚТА
Егер бізге қас макияжының ең басты бір ережесін құрастыру қажет болса, біз айтар едік: сенің қасың барынша табиғи болып көрінуі тиіс! Подиум визажистерінің ойлап тапқандары сенің ойыңды бұзбасын. Бұл адам нанғысыз ұштары төртбұрышты биік қастардың барлығы көз тартарлықтай көрінеді, бірақ та шамадан тыс жасанды. Өзіңді жаңылыстыруға жол берме, ең бастысы – өзіңнің табиғи сұлулығыңды көрсету.
