ХОШ ИІСТЕР: БҰДАН БЫЛАЙ ЖОЛ БЕРМЕУ ҚАЖЕТ 10 ҚАТЕ

Бір қарағанда теріге өзің жақсы көретін хош иісті себуден оңай ешнәрсе жоқ секілді, бірақ егжей-тегжей қарастырар болсақ, хош иістерді барлығымыз бірдей дұрыс қолдана алмайтындығымыз белгілі болды. Біз сені ең көп таралған қателерге жол бермеуге үйретеміз.

1. Сенің хош иісің күні бойы өзгеріп кетеді деп күтпе

Хош иісті теріге жаңа ғана жаққан кезде сен оның тек жоғарғы ноталарын ғана сезінесің - сонымен қатар осы хош иістердің жүрек ноталары мен базалық ноталары да бар. Егер хош иістің күні бойы саған қандай әсер беретіндігін түсінгің келсе, оны тестер жолаққа шашып, өзгерістерін қадағала.

2. Алғашқы әсермен шешім шығарма

Жаңа хош иісті қолданып көрген кезде оған 30 секунд уақыт бер, осы уақыт ішінде оның құрамындағы алкоголь буланып кетеді, сол кезде ғана сен теріңнен қандай иіс шығып тұрғандығын сезіне аласың.

3. Бірден бас тартпа

Егер саған қандай да бір нота ұнамаса, бұл құрамында осындай нота бар хош иістердің барлығын бірдей қара тізімге енгізуге себеп бола алмайды. Бір хош иіс құрамында 10 ингредиенттен бастап 200 ингредиент болуы мүмкін және олардың қатынасы әр нақты парфюм үшін ерекше, сондықтан жаңасын қорықпай сынап көп!

4. Бірден бірнеше хош иісті иіскеп көрме

Ешқашан бір ретте үш хош иістен артық иіскеме, бұл жағдайда да арасында кофе дәндерін иіскеп тұруды ұмытпа - олар иістерді бейтараптандырады және сіңіріп алады. Иіс сезуді жаңғыртудың тағы бір тәсілі - кезекті парфюмнің иісін иіскеп көрген соң су ішу.

5. Ашық бол

Жаңалықтарды қабылдай біл! Әрқашан өзің үйреніп қалған хош иісті таңдаудың орнына, сені барынша аша алатын иісті ізде.

6. Хош иістерді дұрыс сақта

Күн сәулесі, ыстық немесе суық хош иістің құрамындағы хош иісті майлардың балансын бұзуы мүмкін, сондықтан оларды қоңыр салқын әрі құрғақ жерде күн сәулесінен алыста ұста.

7. Қай жерге шашу керектігін біл!

Хош иісті сені сүйгісі келетін жерге жақ деген пікір бар. Күлкілі естіледі ме? Бірақ мұның да шындық үлесі бар. Хош иіс денеңді жылумен қыздыру кезінде белсенді бола түседі, сондықтан, егер оны пульс сезілетін жерге (яғни ірі қан тамырлары, жылу көздері өтетін жерлер) жақсаңыз, ол ұзақ уақыт бойы сезілетін болады.  

8. Білектеріңді уқалама

Бұл мүлдем пайдасыз. Оның үстіне сен қыздырған кезде жоғарғы ноталар өте жылдам ыдырап кетеді.

9. Құрбыңның сүйікті хош иісі сенің денеңде дәл сондай иіс шығарады деп ойлама

Дене химиясы - хош иістерді жұмыс жасауға мәжбүрлейтін негізгі күш, сондықтан бір хош иіс әр адамда әр түрлі иіс шығарады. Оның сенің денеңде қандай иіс шығаратындығын түсінудің жалғыз ғана тәсілі - хош иісті теріңе шашып көру.

10. Ол өмір бойы сақталып қалады деп күтпе

Хош иістер күні бойы иіс шығаратындай етіп жасалмаған. Денеге арналған спрейлер теріде бір сағат, одеколондар үш сағат, иіссу (eau de toilette) төрт сағат, ал парфюмерлік су (eau de parfum) шамамен алты сағат тұрады. Ең ұзақ уақыт бойы сезілетін хош иіс - әтір (parfum), ол он алты сағат бойы сақталып қалады.

 



Мәтін: Фото: Getty Images, Kristine Wreyford